2 Ts 1:5 - Nuevo Testamento Toba Sombrero Negro

⁵ Nach'ena yataqata eja da'me male yaloĝon queda'me qaya'te lepatenaĝanaĝac ñe'me Dios, nach'eñe jo'ne yataqachiñe eja da'me lec'atenaĝanaĝac, qama'le ami yela'a da'me yataqata adaloyeguet da'me male ovitaue da'me lejaliaĝa joñe'me Dios: yajouaĝat da'me dojo' cha'li 'uo ga'me qoyen adachoĝodequi.

Nuevo Testamento Toba Sur

⁵ Qaq de'eda ichoxot da ñim Dios ÿataqta sa depe'enaxan qom nmit na shiÿaxauapi, cha'ayi ñimayi ila'a da qoñiita da ÿataqta qaunoxoñiu'a cam ñaq natauo l'onataxanaxac, da huo'o mshi huo'o nagui da qanque'ejnaxaqui.

La'aqtaqa Ñim Lo'onatac 'Enauacna 2013

⁵ Qaq damaye ỹachaxan da Ñim Lo'onatac 'Enauacna ỹataqta 'eesa da nachera da lataxac da lo'onataxanaxac da inoxoneua'a naqa'en nam huo'o da nque'eenaxac nagui.

2 Ts 1:5 Referans Kwoze

Filipenses 1:28

Ena'te at'oyiyalo jogaa'me adauteuaidi', dite da'me nach'e eta't ami 'uañaĝayaqa, qa'a male di'yoq da'me qoyapalaĝa't qomle jogaa'me. Da'me ami qamqa'me male di'yoq da'me adec'alaqai, naqaeda jo'ne chiyoqo'ot joñe'me Dios.

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

Apocalipsis 19:2

'Uo da'me chiyaqayi da'me lec'atenaĝanaĝac joñe'me Jo'ne chimaqachiñe, nataq'aen da'me chiyaqayi da'me eja; Qa'a nach'eñe jo'ne ya'uo da'me ne'uaĝanaguec Jañe'me quejeguetaĝai lat'edai, Yajouaĝat da'me lequejeguetaĝa jo'ne 'naĝa't ena'uaque Joga'me jiyaĝadipi jo'ne neteda'ña jena'me aleua. Chane'eja 'yiyelaĝatec jañe'me yauo da'me leleuaqa' jodia'me mach'e lalemaĝaje'te.”

Lucas 20:35

qalaĝaja jogaa'me jo'ne Dios yayate'n da'me naloteda'aguet da'me qoyiyala'aque qomle da'me 'niyelaĝadijeguem qaedi yacoteguet da'me 'loyaĝa'j jo'ne ja 'naidena'a, naqaegaua male ja yitaĝa 'uona't,

2 Timoteo 2:12

Qom ñapogaĝadenaq nayi qama'le nataq'aen qo'mi lejaliaĝa'u qomle. Qom qanemanec joñe'me nayi, qama'le ñe'me nach'e ena'am qo'mi nemaneque qomle.

2 Ts 1:11

Nataq'aen yemeda naa'me noloqo'ote da'me ami jajelaĝanaĝalo'te, da'me ñachoĝodenoqot joñe'me Dios qaedi ami e'n adaloyeguet da'me 'noyaĝac jo'ne auacoñiyeguet ca'li ami qoyiyaĝanalo, nataq'aen qaedi ami yanema ena'uaque daa'me 'noote' jo'ne auepaquitapegalo, qaedi yataqata ami onaĝayaqa nataq'aen qaedi auomachi' gaa'me at'onataqadi' 'me chiyoqodayi da'me adepi'i, qa'a nach'eñe jo'ne qaya'te yaqalaatac.

Romanos 8:17

Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.

Apocalipsis 16:7

Qama'le nach'e ena'am 'uo ga'me jomachiya jo'ne chimaqapega ga'me nec'atoĝonaĝala' jo'ne eetac: “Yataqachiñe eja naq'aeta da'me dojo' aua'uo, am Jaliaĝanec Dios, jo'ne qaya'te auaqalatac. Yataqachiñe eja da'me adec'atenaĝanaĝac nataq'aen naa'me naajo' jo'ne aue'n di'yo't nayi, qa'a naqa'am jo'ne qaya'te auaqatetac.”

Apocalipsis 15:4

Am Jaliaĝanec, ¿jach'e jogamaĝa yaqanatet ta'le ja am 'te t'oiya? ¿Jach'e jogamaĝa ja am 'te 'nonaĝachichigui? Qa'a naqa'am jo'ne am Onolec da'me ja am 'te 'nalegue; Ena'uaque naa'me noyaqa let'adayaqa na'taquena qomle, Qama'le am 'nonaĝachidegue, Qa'a da'me adec'atenaĝanaĝac joote aualoĝon Nataq'aen da'me qonauachigui yema.”

Apocalipsis 3:4

Qalaĝaja di'me noic Sardes, maliaĝa uo'oe jogaa'me ja lama'y jo'ne ja e'n 'te paĝachiguilo jonaa'me louo: nach'egaua jo'ne jayem quetedapegue' qomle, qama'le yatedañe jona'me louo dalaĝayaqa jo'ne pagaĝayaqa, qa'a naq'aeta da'me naloteguet.

1 Ts 2:14

Ami yaqaya', ca'li 'uo ga'me adachoĝodequi male ami qoyecaa'tape chiyaqauelo ga'me at'achaqadiaĝauaipi, qama'le nach'e ena'ama uauelo ga'me netamenaĝaiqui ñe'me Dios, jo'ne mach'e loqo'te ñe'me Cristo Jesús, jo'ne neda'ña di'me Judea, jo'ne nach'e ena'ama yataqata qoyecaa'tape ca'li, qalaĝaja ja yaqa'alo joga'me yecaa'tape mach'e layi joga'me judiopi.

Colosenses 1:12

Qama'le auañem da'me adamaiqui joñe'me Qadet'a, qa'a joñe'me ami yaqataĝata'ajalo qaedi auacoñiyeguet da'me lejaliaĝa jo'ne yoqochiñe qama'le anetauañiya'uo ga'me yanema yema joga'me c'oqo'tepi joñe'me.

Efesios 4:1

Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

Romanos 2:5

Qalaĝaja qom yataqachiñe ja damichigui na'me adauel, ja jetaque a'viyeloqot ñe'me Dios, dite da'me alapotapega't da'me ane'uaĝanaguec 'me am qoyachalegue qomle, ga'me nolo' qom 'uo da'me nec'atenaĝanaĝac, qom ñe'me Dios yechoĝot da'me lajouaĝajet ga'me onolec qama'le qoya'uo ne'uaĝanaguec.

Hechos 13:46

Qama'le Pablo nataq'aen Bernabé 'uo da'me 'lañaĝa'j da'me doje'tape, 'yategueta: —Qo'mi qoyanema da'me qa'nelopaguec qaedi ja'aĝataqatac da'me Dios lep'iquenataĝanaĝac a'uaviñe ami jo'ne judiopi. Qalaĝaja queda'me a'uoitapeguet, nataq'aen ja auacoñiyeguet da'me at'oyaĝaqui 'me ja 'naidena'a qomle, male jec'ataĝalo nayi gaa'me jo'ne ja judiopi.

Lucas 21:36

'Noota qom a'vicheta't nataq'aen anetameñetac yemeda naa'me noloqo'ote, qaedi maqachaĝa ami yaĝa'n ena'uaque naa'me naajo' uo'oe qomle nataq'aen qaedi auaqanachichi ta'le auec'aeche'uo qama'le auajoyiya'aguet ñe'me Jiyaĝaua Lec'oĝot.”