2 Ts 1:10 - Nuevo Testamento Toba Sombrero Negro

¹⁰ Nach'ena 'uo jo' qomle male 'niyelaq ñe'me Qadejaliaĝanec Jesucristo, qama'le ga'me Dios lec'oqo'tepi yataqata 'nonaĝachidegue joñe'me, chayovida'a da'me yoqochetem yemeda ga'me p'etaqadaiquipi. Qama'le da'me ami nach'e ena'am ovitaue joga'me Dios lec'oqo'tepi, qa'a auacoñiyeguet ca'li ga'me 'laqatac joñe'me Qadec'alaĝaiqui jo'ne ami ja'aĝatapema.

Nuevo Testamento Toba Sur

¹⁰ que'eca na'a'q qom ñi'iguelaq somayi da qaÿi'oxoden, ÿi'oxoden na maichi lalamaxatpi, qataq da qai'aalac, i'aalac 'enauac na 'amqajnataxanaxaicpi. Cha'ayi qami' mashi qau'amaqchiñi dam qami' sa'axataqtapeguema.

La'aqtaqa Ñim Lo'onatac 'Enauacna 2013

¹⁰ 'Ena nam huo'o qom ñe'eguelaq So Qarataxala' Jesucristo ñe'eguelaxa nam lalamaxatpi, yaqto' namayepi ỹo'oxoren qataq huo'o da la'aalaxa. Qaq qami' nache qaraỹepi ne'ena shiỹaxauapi, cha'aye qaua'amaqchiñi da na'aqtaxanaxac maye qami' sanaxama.

2 Ts 1:10 Referans Kwoze

2 Timoteo 4:8

Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.

Efesios 1:18

Nataq'aen male ñachoĝodenot joñe'me Dios qaedi ami yaloĝo'talo chayovida'a da'me yataqata auayachiñe da'me eeta da'me qadeuataqataĝanaĝac jo'ne chiyaqayi da'me nec'alaĝa jo'ne jetaque qo'mi yanouelo, nataq'aen qaedi auayachiñe da'me eeta da'me lajo'viyaĝac ga'me onaĝaic jo'ne qaya'te ena'am da'me li'yoĝodic, nach'eda da'me jetaque yanema yemeda gaa'me mach'e lec'oqo'tepi.

1 Corintios 3:13

Qom yovita ga'me p'ategue nolo', qama'le onolqa'tape qoyauana ga'me 'lonataqa, qa'a ga'me dole' yaloĝon, nataq'aen ga'me dole' yapiyen ga'me 'lonata'j jogaa'me, qom nalo'taguet ga'me dole' uotaĝa ja naq'aeta.

Juan 17:10

Yema gaa'me yalemaĝaje'te nach'e ena'am adalemaĝaje'te, nataq'aen yema adalemaĝaje'te nach'e ena'am yalemaĝaje'te, qama'le da'me mach'e 'yonaĝac qoyela'a da'me uetauelo jogaa'me.

1 Pedro 2:9

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

2 Ts 2:13

Qalaĝaja da'me qo'mi nach'e eta't janemaĝam da'me qadamaic joñe'me Dios jouaĝat da'me ami. Dios yataqata ami noqopitalo nataq'aen nach'eñe da'me ami yiyaĝanalo ca'li, qaedi ja oviyaue joga'me nachoĝodec jo'ne na'ta. Ami yiyaĝanalo ca'li en ami nayelo joñe'me Nepaqal, qaedi male ami qoye'n lalemaĝaje'te joñe'me, nataq'aen da'me auacoñiyeguet da'me 'naqatac jo'ne 'yaĝatetac da'me yataqatelegue.

1 Corintios 1:6

Qama'le da'me 'naqataĝanaĝac 'me 'yaĝatetac ñe'me Cristo joote ami qo'yetouelo;

2 Timoteo 1:18

'Noota qom Qadet'a yataqata yanem da'me lichoĝodenataĝanaĝac gaa'me noloqo'ote jo'ne p'atedegue. Qalaĝaja jenjo' joote yataqata auayaten, qa'a joote qo'mi lecochiyalo ca'li jouaqa'ta di'me Éfeso.

2 Timoteo 1:12

Qama'le nayi, nach'eda da'me 'uo ga'me yachoĝodec, yajouaĝat da'me dojo' 'yonataĝanaĝac, qalaĝaja jenjo' yataqata ja jepocoĝolegue, qa'a jayaten ñe'me jep'iya'a, yataqata jayaten da'me 'uo da'me lañoqotaĝanaĝac qaedi jayem netela, chayovida'a qom yitaĝa 'niyelaq joñe'me Jaliaĝanec.

2 Ts 1:12

Qom naq'aeta qama'le ami yataqata qo'nonaĝachigui joñe'me Qadejaliaĝanec Jesucristo yajouaĝa't da'me ami, qama'le joñe'me nach'e ena'am da'me ami 'nonaĝachiguilo onolqa'tape da'me ami, qa'a naqaeda da'me leyalaqataĝanaĝac joñe'me Qadet'a Dios, choqoñe'me Qadejaliaĝanec Jesucristo.

1 Ts 2:13

Chane'eja da'me qo'mi, nach'e eta't da'me janemaĝam da'me qadamaic joñe'me Dios, yajouaĝat da'me auomachiiya ca'li ga'me qadapaĝaguenataĝanaĝac, jo'ne mach'e 'laqataqa ñe'me Dios, qama'le yataqata auacoñiyeguet ga'me, ja aueñetapega ta'le ch'e jiyaĝaua 'laqatac. Qa'a eja yataqata Dios mach'e 'laqataqa, qama'le yataqata eja 'uo joga'me ami chiyaqayilo, da'me ami jo'ne male yataqata eja auep'iiya'a.

1 Ts 2:1

Ami qadaqaya', yataqata auayachiñe joga'me qadeuoĝoc ja ch'e yijamaĝajaye da'me ami jec'ataĝalo.

1 Ts 1:5

Qa'a ca'li ami ja'aĝataĝama jena'me jenjo' 'noota, ja nach'edata da'me ch'e jojaqatac, dite da'me nach'e ena'am auec'achiñe joga'me jauoqo, da'me jaloĝonaq da'me lañoqotaĝanaĝac joñe'me Dios, nataq'aen da'me lajoĝonataĝanaĝac joñe'me Dios Lepaqal, nataq'aen da'me t'adaic lichoĝodenataĝanaĝac joñe'me. Qalaĝaja jena'me jenjo' joote auayachiñe ca'li ami jouaqatauelo, qama'le joote auec'achiñe da'me yataqata ami jecochaĝalo.

Efesios 3:16

Chiyaqayi da'me 'lonaĝac ñe'me Dios jo'ne p'ajaye, male jajela joñe'me qaedi ñe'me Lepaqal jo'ne yataqata ja 'nalegue 'yañaĝateque naa'me adai'lidi' qaedi yataqata ami 'uañaĝayaqa.

Efesios 3:10

Qama'le nayi male 'uo jena'me jenjo' Dios lec'oqo'tepi jo'ne qoyemata'a't, qama'le chiyaqayi da'me dojo' male qoyayatenaĝanaĝaneque yema gaa'me jaliaĝanaqa jo'ne piyem laje' da'me eeta da'me layatenaĝanaĝac let'adaic joñe'me Dios jo'ne qaya'te nalo'taguet.

Efesios 2:7

Ee'tec jena'me jenjo' qaedi naa'me naajo' noloqo'ote jayatenaq da'me eja 'uo da'me loqopich'i nataq'aen leyalaqataĝanaĝac jo'ne chiyaqayi ñe'me Lec'oĝot Jesucristo, nach'eñe jo'ne qo'mi nec'alaĝatedegue.

Efesios 1:14

Nach'eñe ñe'me Dios Lepaqal en yataqatelegue da'me jaconaĝaguet qomle yema ga'me jo'ne Dios joote qo'mi 'yaĝatema, qom male yem da'me en uojotedañi q'ae'n yemeda gaa'me mach'e liquiyaqa. Chane'eja, ¡'noota qom nach'e eta't da'me qa'nonaĝachigui da'me lañoqotaĝanaĝac t'adaic joñe'me!

Efesios 1:12

Dios yataqata paquetapega da'me qo'mi jo'ne judío laje' yataqata je'uauaqachiñe da'me eja jep'iyaqa joñe'me Cristo, qaedi male yataqata qa'nonaĝachigui da'me lañoqotaĝanaĝac t'adaic ñe'me Qadet'a Dios.

Efesios 1:6

Chane'eja 'noota qom yataqata 'ñonaĝataĝaye joñe'me jouaĝat jena'me jenjo' t'adaic 'lonaĝac, 'me chiyaqayi da'me onaĝaic loqopich'i jo'ne qo'mi yanema. Jayatenaq da'me yataqata eja da'me loqopich'i, qa'a joote qo'mi yanema joga'me qadec'alaĝac chiyaqayi joñe'me onolec lec'oĝot ca'li namaĝaquena.

Gálatas 1:24

Qama'le yemeda 'nonaĝachidegue ñe'me Dios, qa'a nach'eñe ñe'me jayem yanem da'me yadalaĝac.

Juan 11:4

Mane'e da'me Jesús domachiya, qama'le enaac: —Jenjo' lapite'nayaĝac ja naqaena ta'le en yeleu q'aen, nach'edata da'me uetaue da'me nichoĝodenataĝanaĝac qaedi yaloĝon da'me 'loyaĝac ñe'me Lec'oĝot joñe'me Dios, da'me 'uo da'me li'yoĝodic joñe'me Dios.

Lucas 10:12

Ami ja'aĝatema qom yovita jo' qom'te ga'me nolo' jo'ne p'ategue qom Dios ya'uo da'me lec'atenaĝanaĝac, qama'le da'me ne'uaĝanaguec jenjo' noic yataqachiñe napacalegue da'me Sodoma ne'uaĝanaguec.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Mateo 24:36

“Qalaĝaja ga'me nolo' uotaĝa hora jo'ne laloqo' da'me dojo', qaya'te yayaten; uotaĝa gaa'me Dios lamaĝa's jo'ne neteda'ague di'me piyem nataq'aen da'me jayem yataqata ja jayaten. Nach'eñeta ñe'me Qadet'a yayaten ga'me loiquiaqa'yaĝac.

Mateo 7:22

Qom yovita ga'me nolo' da'me 'uo da'me nec'atenaĝanaĝac qama'le qayoĝode' gaa'me jayem yiyaĝatedapecot, enapega't: «Am Jaliaĝanec, ¿qo'li ja eja da'me ja'aĝataqatac da'me adenaĝat ca'li japaĝaguenataĝanaq, nataq'aen ca'li jamaĝajoĝodegue ga'me payagodipi choqoda'me jalcote jenaĝa di'yoq da'me lañoqotaĝanaĝac joñe'me Dios?»

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Mateo 16:28

Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.

1 Ts 2:12

Qama'le ga'me qadet'ayaĝac 'noota ta'le yataqata ami ejoda auauoyi ga'me yataqata qoyiyamaĝaden ga'me yataqata Dios lec'oqo'te joga, jo'ne nach'egaua male yaqanate't da'me uedaue ga'me lejaliaqa' jo'ne yataqata ja 'nalegue nataq'aen da'me qaya'te loiquiaqa' da'me qo'nonaĝachigui.

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.