2 Timoteo 4:5 - Nuevo Testamento Toba Sombrero Negro

⁵ Qalaĝaja da'me am Timoteo, yataqata adetela da'me at'onataĝanaĝac, a'nañaĝateta jogaa'me adachoĝodeco, mac joda'me nach'e eta't auapaĝaguenataĝatac jena'me jenjo' 'noota, yataqata aviyamaĝatetac da'me qoyen at'onatac.

Nuevo Testamento Toba Sur

⁵ Qalaxayi 'am ÿataqta 'anloteeco' qome, qataq 'an'añaxateguet na 'anque'ejnaxaguesat, qoquetot da 'au'axat da n'aqtac mayi chigaqaigui da nca'alaxa, 'aupactelco' da 'ad'onataxanaxac.

La'aqtaqa Ñim Lo'onatac 'Enauacna 2013

⁵ Qalaxaye 'am Timoteo, ỹataqta 'anaỹanaxanaqchen qome, qataq 'ana'añaxateguet na 'anque'eenaxaguesat, qoqueto'ot da 'aua'axat da no'on na'axaỹaxac maye chegaqaigui da nca'alaxa, 'apactelco' da ỹoqta lataxac da 'aro'onataxanaxac.

2 Timoteo 4:5 Referans Kwoze

2 Timoteo 1:8

Chane'eja ena'te anepocoĝolegue da'me dojo', da'me a'uaĝate'tape jogaa'me chiyaqayilo joñe'me Qadejaliaĝanec, nataq'aen ena'te jayem anepocoĝolegue, da'me jayem necoñetaejec, jayem qoyajouaĝatec joñe'me Qadejaliaĝanec. Qama'le qomle male am qoyanem ga'me adachoĝodec, am qoyajouaĝatec da'me 'noota; Dios am nelochi'ña jo' qomle, ya'uo at'añaĝac.

1 Pedro 1:13

Chane'eja 'noota qom aneloyitaye nataq'aen aniyamaĝacheta't qaedi auauoyi gaa'me at'onataqadi' jo'ne onaĝayaqa, qama'le auachiyaue yema da'me mach'e adeuataqataĝanaĝaqui da'me lichoĝodenataĝanaĝac joñe'me Dios jo'ne ami qoyanema qom yovita ga'me nolo' p'ategue qom yataqata di'yo'quena joñe'me Jesucristo.

2 Timoteo 2:3

Qama'le da'me am jo'ne yataqata am nejoĝonec ñe'me Cristo Jesús, 'noota qom anapogaĝadenegueta jo' qomle gaa'me qoye'n adachoĝodeco.

Colosenses 4:17

Nataq'aen a'uaqataĝañiyem qomle ñe'me Arquipo, aueñiyaac: “'Noota qom auepaquetapega ta'le yataqachiñe auomat da'me a'nelopaguec jo'ne am yanem ca'li ñe'me Jaliaĝanec qaedi a'uonataĝaneuo'o joñe'me.”

1 Timoteo 4:12

At'oiya'aguet qom uo'oe gaa'me ja am 'te 'yamaqate'n queda'me am yaloĝo'n da'me am nejoqolec, mac da'me auaconeguet da'me onaĝaic anejiyaĝauayaĝac, qaedi yataqata am yelodelegue gaa'me Dios lec'oqo'te, qa'a jouaĝat da'me onaĝaic adojaĝac choqoda'me at'oyaĝac, chayovida'a da'me adoqopich'i, da'me t'adaic adepe'e, nataq'aen da'me yataqata am yauata da'me am jiyaĝaua jo'ne yataqata qaya'te auepita'a jena'me aleua.

Hechos 21:8

Yitaĝa qolaq ca'li ga'me nete' laqaya qama'le jovitaĝa di'me Cesarea. Jec'otaĝa di'me 'lachaqa' ñe'me Felipe jo'ne paĝaguenataĝanaĝaic, nach'eñe uetauelo gaa'me siete lecochaĝa'u jogaa'me Jesús lamaĝa's, qama'le jouaqa'ajop ñe'me.

1 Timoteo 4:15

Qama'le 'noota ta'le yataqata analoqote'n naa'me naajo' 'yaqataqa qama'le yataqata anichiquetaye, qaedi yema am qoyec'aten da'me anapacalo'te jogaa'me adaqaya'.

1 Ts 5:6

Chane'eja 'noota ta'le ja jo'ochaq, ena'te jadenaĝataq joga'me ochaĝayaqa, dite da'me nach'e eta't ñeloqotaye nataq'aen yataqata jeloqo'tegue da'me qadadiquiyaĝac.

Apocalipsis 3:2

Chane'eja aneloyiye nayi, ena'te a'uochiitac, nataq'aen a'uañaqachichi' gaa'me uo'oe jo'ne at'onataqadi' 'me yamta'le ye'm, qa'a jelotapega nayi da'me at'onataĝanaĝaqui jo'ne ja nalo'ta't, nach'eda jo'ne nach'e eta't yec'atetac joñe'me mach'e Ñedios.

Efesios 4:11

Qama'le nach'eñe jo'ne yauo'oe daa'me nayatenaĝanaĝaco jo'ne yanema jena'me jiyaĝadipi. Chane'eja uo'oe gaa'me qoyanema da'me 'lonata'j jo'ne Dios lamaĝa's, nataq'aen gaa'me laqaya' jo'ne Dios 'laqataĝanaĝanaqa, nataq'aen gaa'me laqaya' jo'ne qoyanema da'me 'yaĝa'tape da'me Dios 'laqatac, nataq'aen gaa'me laqaya' jo'ne yelolo'te jena'me Dios lec'oqo'tepi nataq'aen yapaĝague'tape.

Hebreos 13:17

Ñaa'me adajoĝola'chidi', 'noota qom auoqochiiyalo, nataq'aen da'me aueñi eja ga'me ami yapaĝagueneque, qa'a nach'eñaua jo'ne ja 'nomatedegue da'me ami netelalo, queda'me yayate'n da'me Dios naloqoten qomle da'me mach'e 'lonataĝanaĝa'j. Chane'eja anapogoĝoiñitapec da'me 'uo da'me lamai'j joñaa'me nale yauote da'me dojo', ena'te aueñi co'yaq da'me 'lonata'j, qa'a ta'le naq'aeta qama'le qaya'te 'uo da'me anaviquila't.

2 Timoteo 2:10

qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.

Lucas 12:37

Made'tapolqa gaa'me nalemaĝaje'te jo'ne nelotedaye qom yejomalo'te ñe'me ladipa' da'me yovi'. Eja da'me ami ja'aĝatema queda'me en ñidiñe jogaa'me, qama'le mach'eñe yanouelo ga'me niqui'yaĝat.

Marcos 13:37

Da'me 'yaqatac jo'ne ami janema, nach'e ena'am janema yema ga'me jiyaĝadipi: ¡A'nañaĝachela't: aneloyitaye!”

Colosenses 1:25

Dios jayem 'yetec da'me qaedi jayem lecochoqo't ga'me p'etaqadaiquipi, qama'le jayem 'yelopec da'me adiyamaqai'tem, qaedi ja'aĝatetac da'me mach'e 'laqataĝanaĝac.

Romanos 15:19

Qoyen uaĝayet da'me 'lañaĝac ga'me 'nanaqapi, nataq'aen gaa'me di'yo't nañoqotaĝanaĝaco, nataq'aen da'me 'lañaĝac ñe'me Dios Lepaqal. Chane'eja jachiyoqochi'ña di'me Jerusalén nataq'aen ga'me qoyode'talo noyaqapi chayovida'a Iliria. Yataqachiñe yemet'a't da'me japaĝaguenataĝanec da'me onaĝaic 'laqataĝanaĝac ñe'me Cristo.

Marcos 13:34

'Noota qom aueñe'tema gaa'me lalemaĝaje'te ñe'me jiyaĝaua jo'ne yec'ata ga'me aleua laqaya. Qama'le yepotanegueta gaa'me lalemaĝaje'te ga'me 'lachaqa' qaedi neteleta: onolqa'tape yepotaneguet ga'me 'lonatac, nataq'aen yamaĝalegue ga'me neteloqo't ga'me jom qaedi yeviteta't.

Efesios 4:12

Ya'uo ca'li da'me dojo' qaedi yema da'me qo'mi jo'ne jouaqaue jena'me Dios lec'oqo'tepi, jo'ne nach'e ena'am ta'le qo'mi Cristo lapat, yataqata chimaqachiñe da'me qat'onataĝanaĝac, qaedi jauoqo 'lañaĝac ga'me qadepi'iyaĝa'u laqaya'.

2 Timoteo 4:17

Qalaĝaja joñe'me Jaliaĝanec yataqata jayem lecochiya nataq'aen da'me ya'uo da'me 'yañaĝac, qama'le yataqata jaqanatet da'me ja'aĝatema naa'me Dios 'laqataĝanaĝaco jogaa'me ja p'iida'a jena'me jenjo' 'noota. Qama'le ñe'me Jaliaĝanec en ñec'alegue male jeca'e ga'me nedegaĝat ñe'me jauaĝaic.

Mateo 25:16

Ñe'me jo'ne qoyanema gaa'me cinco talentos, paja'a ec ca'li, t'onataĝanalo gaa'me, qama'le uoja'aegaua cinco talentos jo'ne lomataĝanaqate.