Biblia Todo Logo
Bib sou entènèt

- Piblisite -




2 Timoteo 2:2 - Nuevo Testamento Toba Sombrero Negro

2 Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.

Gade chapit la Kopi

Nuevo Testamento Toba Sur

2 Qataq 'enauac na 'ad'axaÿaqtaguishic mayi aÿim 'auachigoxottot, nataq'en hua'aqchigui na saqalota shiÿaxauapi, nachina qome na 'aupataxalec na ÿallippi mayi ÿataqta 'adpe'et, qataq ishit da nalalec ca lÿa da ÿapaxaguen.

Gade chapit la Kopi

La'aqtaqa Ñim Lo'onatac 'Enauacna 2013

2 'Am 'aua'aqchigui nam sapaxagueeteguec na qalota shiỹaxauapi. Qaq nagui sauotaique da 'am 'auapaxaguenec ne'enapi na 'amqaanataxanaxaicpi cam ỹataqta 'arpe'et, da yaqto' sa nqalat da ỹapaxaguen ca lỹa.

Gade chapit la Kopi




2 Timoteo 2:2
33 Referans Kwoze  

Qom auapaĝaguenataĝaneque naa'me naajo' namaĝajoĝonaĝaco jogaa'me adaqaya', qama'le am yataqata eja nataq'aen onaĝaic lamaĝajec joñe'me Cristo Jesús. Qa'a nataq'aen yataqata aue'n ejoda naa'me 'naqataqa jo'ne en t'añi da'me qadepe'e, nach'enaua jo'ne joote oquetapegue'to 'me napaĝaguenataĝanaĝaco jo'ne yataqata onaĝayaqa.


Nach'e eta't aueloiquitapegue'to jogaa'me adoeco qa'a yataqata 'uo da'me adepe'e, nataq'aen qaedi ja anepaten da'me nec'alaĝa jo'ne qaya'te loiquiaqa'. Nach'ena jenjo' ca'li Dios am yiyaĝana, qama'le nayi yataqata eja da'me adepe'e jo'ne joote qoyec'atetac.


Qalaĝaja da'me am, joote auaconegueta yemeda daa'me yapaĝaguenataĝanaĝaco, nataq'aen da'me auadenaĝat da'me 'yoyaĝac nataq'aen ga'me jetaque ja'uo nale, da'me yepi'iyaĝac, da'me ñapogaĝadenaĝac, da'me yoqopich'i nataq'aen da'me qoyen 'yañaĝac qaedi yema jalo'oguet nale.


Ñe'me Jaliaĝanec 'yateguet: —Jega: ¿jach'e jogamaĝa ga'me namaĝajec da'me yataqata yepaquetelegue ga'me 'lonatac nataq'aen 'uo da'me yayaten, da'me uotaĝa ga'me ladipa yamaĝalegue qaedi yiqui'yaĝa'tape gaa'me ueteda'a ga'me 'lachaqa' nale yovita ga'me laloqo' da'me niqui'yaĝac?


Am yalec Timoteo, nayi am janem jenjo' 'yelopaĝac qaedi oquetalo'te jogaa'me 'laqataqa gaa'me qadaqaya' jo'ne am yachedalegue ca'li, qaedi yataqata eja joga'me at'onatac nale aueloiquitapegue' ga'me ja no'en.


Nach'e eta't janem da'me yamaic ñe'me Cristo Jesús mach'e Qadejaliaĝanec jo'ne nach'e eta't ya'uo 'yañaĝac, qa'a jouaĝat queda'me yataqata eja en jayem lamaĝajec, nataq'aen ya'uo di'me en 'yonatac jo'ne onaĝaic,


Ena'te auen qaya'ye joñe'me Dios am yanem mach'e Lepaqal ca'li am qo'yaĝatem jogaa'me 'yaĝaicachidi jo'ne am netamedelegue nataq'aen am yacodedelegue ca'li.


Qa'a ga'me jo'ne yaconeguet da'me 'nelopaguec, 'noota ta'le yaloĝon queda'me eja nalo'taguet da'me yataqachiñe ye'et joga'me.


Qalaĝaja da'me am, 'noota qom nach'e eta't a'nañaĝatec joga'me joote auayaten jo'ne auen eja. Joote auateto'n gaa'me jo'ne am yapaĝague'n:


Dojo' ami yapaĝagueneque ca'li ñe'me qadaqaya Epafras, nach'eñe jo'ne qat'onataĝanaĝaua nataq'aen Cristo nejoĝonec jo'ne yataqatelegue, nach'eñe jo'ne adiyamaqai'tem.


Qo'che' joñe'me youen da'me yataqata ena'am qoyen da'me 'loyaĝa'j jogaa'me laqaya'olqa, qaedi yovida'a da'me qoyen Letaĝayaĝanaĝane'j jo'ne p'ajaye 'me yataqatelegue nataq'aen choĝodenataĝanaĝaic da'me dajo'tot joñe'me Dios, nataq'aen da'me yapalaĝa't gaa'me loeco joga'me jiyaĝadipi, qama'le yachiyoĝotayilo da'me leleuaĝa'.


Qom jetaque aua'uo ga'me adecochaĝaua, cha'li ena'te paja'a auacolegue, dite qom yataqata analoqoten, qaedi ja am 'te yajouaĝat jo' qomle ga'me loec, qa'a uotaĝa ja yataqatelegue ga'me. Yataqata at'oiyalegue.


¡Auec'achiñe! Male ami ja'aqataĝanouelo da'me 'uo qom'te jo'ne tatalegue.


Chane'eja Jesús 'yaĝatema jogaa'me, enaac: —Qom 'uo ga'me judiopi napaĝaguenoqo't male yaconeguet da'me lejaliaĝa jodi'me piyem, ena'am da'me ladipa ga'me emec jo'ne yayaten da'me yachiyoĝotedaue jaga'me neuoyaĝac lae't gaa'me dalaĝayaqa choqogaa'me toye's.


Jalcote janem da'me yamaic ñe'me Dios queda'me qo'mi yapetede'uo da'me lomataĝanaĝac ñe'me Cristo, nataq'aen queda'me qo'mi yanema da'me ja'aqataĝanaqatapema ena'uaque gaa'me ale'u lael da'me 'laqataĝanaĝac qaedi naq'aeta da'me ena'uaque yateto'n ñe'me Cristo. Ja'aĝataqatac da'me onaĝaic 'naqataĝanaĝac ena'am ta'le jelagaĝataĝalegue ena'uaque gaa'me ale'u lael ga'me jama da'me laetayaĝac ena'am ga'me yoĝoqui jo'ne davioĝon.


Ja naqaeda ta'le mach'e qo'mi jaqanatetaq qadalo'oguet je'etaq ga'me mach'e qadoĝot; ja naq'aeta, dite da'me yema ga'me je'etaq nach'eñe ñe'me Dios chiyoĝoguet.


Swiv nou:

Piblisite


Piblisite