2 Timoteo 1:3 - Nuevo Testamento Toba Sombrero Negro

³ Ñetamenaĝaco nale jauo'oe gaa'me noloqo'ote nataq'aen gaa'me pi'yaĝadi yataqata ja am 'te japalaĝate'ta, mac da'me yamaic janem ñe'me Dios jo'ne naqaeñe jo'onataĝatape'uo, qama'le qaya'te yelnataĝac laqaya mac da'me yataqata jen yoqovichigui jena'me yeuel, qa'a naq'aeta da'me 'lonataĝanaĝa'j dia'me yet'al joca'li.

Nuevo Testamento Toba Sur

³ Da ñoqouagaxaueetac yi na'a'q qataq yi pe, nachi tachigui iuel 'am. Qaltaq sanot da ñi'achic ñi Dios mayi so'otta'pe naua l'aqtaqa, qataq ñanomta da qaica ca hueto'ot ÿasouaxashit. Qaq de'eda nachida da 'eetec nataq'en so hua'au ita'alpi.

La'aqtaqa Ñim Lo'onatac 'Enauacna 2013

³ Da tachigui ye iuel 'am, ye na'a'q qataq ye pe da ñeqouagaxaueetac, nache sanot da ña'achec Ñim Lo'onatac 'Enauacna maye so'otta'ape naua la'aqtaqa, qataq ñanomta da qaica ca hueto'ot ỹasouaxashet. Qaq de'era nachera da 'eetec nataqa'en so hua'au ita'alpi.

2 Timoteo 1:3 Referans Kwoze

Hebreos 13:8

Jesucristo nach'e eta't da'me 'uo, chiyoqotelegue da'me 'uaechiñe chayovida'a nayi, nataq'aen nach'e eta't da'me ja pal.

Hechos 23:1

Pablo yelapegouelo joga'me jiyaĝadipi 'me p'ajodaye jo'ne netedaue ga'me nojaĝaiqui qama'le enaac: —Ami yaqaya'olqa, chayovida'a nayi da'me yiyamaqachiñe da'me yetadenataĝanaĝac jo'ne mach'e Dios yayaten.

Hechos 24:14

Qalaĝaja am jechoĝotem da'me dojo': ñe'me Dios jo'ne p'iida'a dia'me yet'al nach'eñe jo'onataĝaneuo'o, nach'e naq'aeta da'me dalaĝaic nadiquiyaĝac jo'ne qoyenaqatetapec nepe'e. Qa'a yema ga'me 'uaechiñe qoyediñe joca'li ja'amaqate'n: jogaa'me lamaĝajoĝonaĝaco ñe'me Dios nataq'aen daa'me ledii's gaa'me Dios 'laqataĝanaĝanaqa.

1 Timoteo 1:19

Oquetalegue da'me adepe'e nataq'aen nach'e eta't auen onaĝaic ga'me adelnataĝac, qa'a uo'oe jogaa'me male ja yauote ga'me onaĝaic lelnataĝa'j, qama'le queda'e da'me lepe'e'.

1 Timoteo 1:5

Nataq'aen joga'me paquetapega jenjo' 'yelopaĝac: 'noota ta'le noqopitetapega't onolqa'tape jogaa'me, qa'a yataqata eja 'uo da'me loqopich'i jo'ne chiyaqayi ga'me mach'e lai'li jo'ne yataqata onaĝaic, chayovida'a da'me 'uo joga'me lepe'e' jo'ne yataqata eja.

Hechos 24:16

Qama'le jouaĝat da'me dojo' nach'e eta't 'ñañaĝat qaedi yoqovita jena'me yeuel qama'le ja jepocoĝoguet ñe'me Dios nataq'aen gaa'me jiyaĝa'u.

Hechos 22:3

“Jayem judío. Ñiyi'ña di'me Tarso jo'ne Cilicia, qalaĝaja joue'ta ca'li jayem jaqayi jena'me jenjo' Jerusalén, ñapaĝaguetapecot ñe'me Gamaliel, jo'ne yataqachiñe que'teguelo daa'me namaĝajoĝonaĝaco 'me chiyoqo'oto dia'me qadet'al. Nach'e eta't jetaque jemata' jena'me yeuel da'me jo'onataĝaneuo'o ñe'me Dios, nach'e naq'aeta da'me ena'uaque ami auauoyi nayi jenjo' nolo'.

2 Timoteo 3:15

anetouetac ca'li am jaqayi, joote auayaten jaga'me Dios 'laqataqa lae't, jo'ne nach'aga am yaloĝo'tague ga'me jetaque aua'uo, nataq'aen male am yauedoue da'me nec'alaĝa jo'ne qaya'te loiquiaqa', jouaĝat da'me yataqata auep'iya'a ñe'me Cristo Jesús.

2 Timoteo 1:5

Nataq'aen ja japalaĝate'ta da'me adepe'e ladic, jo'ne 'uaeñe yacoteguet jenjo' jaga'me adecomena' Loida, nach'e ena'am jaga'me adat'e Eunice. Qama'le yataqata jepetapega nach'e ena'am oquegue jena'me jenjo' nayi.

1 Ts 3:10

Pi'yaĝadi choqoga'me noloqo'ote 'uo joga'me qanachoĝodenaĝac janemaĝam joñe'me Qadet'a Dios qaedi qo'mi yaje'tema da'me yitaĝa ami jauanaĝalo qomle, nataq'aen da'me male ami yecochaĝalo qaedi yataqata nalochiñe da'me adepi'iyaĝaqui.

Efesios 1:16

qama'le yataqata ja ami 'te japalaĝate'talo nale ñetametac, chayovida'a da'me nach'e eta't janem da'me yamaic ñe'me Dios queda'me eja yataqata auep'iiya'a joñe'me.

Gálatas 1:14

Jeque'tegue da'me lepe'e' jogaa'me judiopi, jo'ne ñapacalo'te gaa'me yaqaya' 'me jena'ama yataqachiñe jalemaqa'teguet da'me jeque'teguelo jodaa'me namaĝajoĝonaĝaco jo'ne chiyoĝogueta dia'me qadet'al.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

Romanos 9:1

Queda'me jep'iya'a ñe'me Cristo, male ja'aĝatetac da'me eja yataqatelegue, ja joqovinaĝatac. Uoja'eda, da'me yetadenataĝanaĝac 'me equegue ñe'me Dios Lepaqal jayem yayataĝadenec queda'me yataqachiñe eja da'me dojo'.

Hechos 27:23

Qa'a jepi'yaq jayem naloĝoneguet ñe'me piyem le'ec, namaĝaquena ñe'me Dios jo'ne nach'eñe joue'tot nataq'aen jo'onataĝaneuo'o,

Hechos 26:4

“Ena'uaque joga'me judiopi yayate'n queda'me mach'e 'yachaqadiaĝa'u jogaa'me, jena'me 'ñaleua nataq'aen di'me Jerusalén, chiyoqo'teguet ca'li jayem nejoqolec.

Lucas 2:37

qama'le male p'ai chayovida'a ochenta y cuatro gaa'me ne'uoidi. Nach'e eta't yec'ata ga'me tamenaĝaiqui, noloqo'ote, pi'yaĝadi, yema'a ñe'me Jaliaĝanec, choqoda'me noqouaqatetapela't nataq'aen gaa'me netamenaĝaco jo'ne yauo'oe.

1 Timoteo 5:5

Jaga'me yataqata p'ai jo'ne onola, joote yanem da'me leuataqataĝanaĝac ñe'me Dios, qama'le ja yaĝañi da'me nachoĝodenaĝac, chayovida'a lajelaĝanaĝac yemeda naa'me noloqo'ote, nataq'aen pi'yaĝadi.