2 Timoteo 1:18 - Nuevo Testamento Toba Sombrero Negro

¹⁸ 'Noota qom Qadet'a yataqata yanem da'me lichoĝodenataĝanaĝac gaa'me noloqo'ote jo'ne p'atedegue. Qalaĝaja jenjo' joote yataqata auayaten, qa'a joote qo'mi lecochiyalo ca'li jouaqa'ta di'me Éfeso.

Nuevo Testamento Toba Sur

¹⁸ Qaq ñi Dios itauan qome somayi que'eca pa'ateec na'a'q, da yaqto' ÿaconguet da lchoxonnataxanaxa. Qaq 'am mashi 'auaÿateeta somayi da ÿataqta saqalota da ltaunaxanaxac, co'ollaq 'am soota'aguet na Éfeso.

La'aqtaqa Ñim Lo'onatac 'Enauacna 2013

¹⁸ Qaq ỹoqo'oye huo'o da ñaquitaxac da So Qarataxala' Jesús da ỹaalec da lauotaxanaqtaic que'eca na'a'q qom Ñim Lo'onatac 'Enauacna nmit 'enauac na shiỹaxauapi. 'Am ỹataqta 'auaỹateeta da so Onesíforo ỹataqta lta'araic da ltaunaxanaxac co'ollaq souaqta'a ye Éfeso.

2 Timoteo 1:18 Referans Kwoze

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

2 Timoteo 1:12

Qama'le nayi, nach'eda da'me 'uo ga'me yachoĝodec, yajouaĝat da'me dojo' 'yonataĝanaĝac, qalaĝaja jenjo' yataqata ja jepocoĝolegue, qa'a jayaten ñe'me jep'iya'a, yataqata jayaten da'me 'uo da'me lañoqotaĝanaĝac qaedi jayem netela, chayovida'a qom yitaĝa 'niyelaq joñe'me Jaliaĝanec.

2 Timoteo 1:16

'Noota qom Qadejaliaĝanec jalcote yichoĝoden ga'me layi ñe'me Onesíforo, qa'a ñe'me jalcote nale jayem nec'ata qama'le 'uo nale ga'me jayem yanem jo'ne 'yañaĝacolac, nataq'aen da'me ja jayem 'te nepocoĝolegue da'me jayem qoyecoñe'.

1 Timoteo 1:3

Yitaĝa am je'elopec joga'me joote am ja'aĝatem quelqaya da'me jajoyi jodi'me aleua Macedonia qama'le jenaac: “Ch'e oue'ta jo' jena'me Éfeso,” qaedi auamaĝalo'te jogaa'me jiyaĝa'u jo'ne ja yataĝalo'te, queda'me ja 'noota ta'le dapaĝaguenataĝatec joga'me ch'e lelnataĝa'j jo'ne yataqachiñe ja no'en.

Apocalipsis 2:1

“Auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Éfeso: «Da'me ami jo'ne oñiya'ña di'me Éfeso, ami janema nayi jenjo' 'yaqatac, mach'e jayem jo'ne uo'oe gaa'me siete uaqachiñil uetedañgui na'me youaq jo'ne yayaten, nataq'aen da'me jouetañelo jogaa'me siete coyadaĝanaqatel jo'ne oro.

1 Pedro 1:10

Jodia'me Dios 'laqataĝanaĝanaqa napaĝagueta joca'li da'me dojo' jo'ne qadec'alaĝa nataq'aen da'me denataĝatedapelegue, qama'le 'yaĝatetedac joda'me lichoĝodenataĝanaĝac joñe'me Dios jo'ne jetaque ami yanema da'me dojo'.

2 Timoteo 4:12

Ñe'me Tíquico qamqa'me jamaĝa di'me noic Éfeso.

1 Ts 2:19

Qalaĝaja, ¿jach'e ga'me mach'e qaneuatoqo't, uotaĝa mach'e qadamaic, chayovida'a ga'me chiyaqayi ga'me ñetonaqata't, nale qo'mi yec'ate'tape joñe'me Qadejaliaĝanec mach'e Jesús jo' qomle male 'niyelaq? Qom ja naqa'ami, ¿teua'atoqo' ta'le 'uo ga'me jiyaĝaua laqaya ta'le eetapega naqaega male qoyichoĝoden?

Efesios 2:4

Qalaĝaja joñe'me Dios yataqata let'adaic da'me lichoĝodenataĝanaĝac, yataqata onaĝaicaloec, jouaĝat da'me jalcote da'me qo'mi noqopitalo.

2 Corintios 9:1

Qama'le jaga'me najaqaje' jo'ne jetaque qolecochaĝanegueta jogaa'me qadaqaya'olqa 'me qadepi'iyaĝa'u, eja ja youetaque ta'le ji'iyelaĝalegue ja'aĝatetac da'me ami yitaĝa jedenaqatenalo ga'me yediije.

1 Corintios 16:8

Qalaĝaja cha'li joue'ta jenjo' Éfeso chayovida'a yovita nolo' Pentecostés,

Hechos 19:1

Mane'e ca'li cha'li ue'ta di'me Corinto ñe'me Apolo, Pablo talegue ga'me aleua jo'ne uo'oe gaa'me qajoĝona'a qama'le yovita di'me Éfeso, ua'a da'me yauanalo gaa'me qayoĝode' jo'ne p'etaqadayaqa.

Lucas 8:3

nach'e ena'am Juana, loua ñe'me Cuza jo'ne yelolegue ga'me 'lachaqa' ñe'me Herodes Antipas; nataq'aen Susana, chaqagaa'me qayoĝode' laqaya' jo'ne lecochaĝanaĝateguet ga'me jo'ne yauata ñe'me Jesús nataq'aen gaa'me lapaĝaguenataqa.

Lucas 1:78

Qa'a da'me let'adaic lichoĝodenataĝanaĝac ñe'me mach'e Qanedios, Qama'le qo'mi namaĝalo ñe'me Qadec'alaĝaiqui, jo'ne chiyaqaje'ma di'me p'ajeguem, ena'am ta'le nolo' jo'ne dalaĝaic,

Lucas 1:72

Nataq'aen queda'me ja yapalaĝate'talo da'me yichoĝode'n jodia'me jachiyojoĝogueta jo'ne mach'e qadet'al, Da'me ya'uo da'me yataqachiñe ja 'nalegue ca'li ye'tem ga'me jiyaĝadipi qaedi male niyamaĝadeteguet joñe'me.

Hechos 18:19

Ca'li yovideta di'me Éfeso, Pablo yaĝadegue ñe'me Priscila nataq'aen Aquila qama'le yec'ata ga'me nemaĝaiqui, ua'a da'me t'aqataĝatapema ga'me judiopi jo'ne yema'a't ca'li.

Hechos 18:21

dite da'me yep'iye'tape jogaa'me, qama'le enaac: Qom naq'aeta da'me lelnataĝac ñe'me Dios, qama'le yitaĝa 'ñiyelaq qaedi ami jejapichiyalo. Yem qama'le Pablo nañgui jaga'me licota da'me dajoyi di'me Éfeso.

1 Corintios 1:8

Nach'eñe ami 'yañaqate't chayovida'a ga'me p'ategue nolo', qaedi qaya'te ja no'en adejamaĝataĝaqui qom yovita ga'me nolo' da'me 'niyelaq joñe'me.

1 Corintios 3:13

Qom yovita ga'me p'ategue nolo', qama'le onolqa'tape qoyauana ga'me 'lonataqa, qa'a ga'me dole' yaloĝon, nataq'aen ga'me dole' yapiyen ga'me 'lonata'j jogaa'me, qom nalo'taguet ga'me dole' uotaĝa ja naq'aeta.

2 Timoteo 1:17

Ca'li novita jena'me Roma paja'a jayem yelaque, chayovida'a da'me jayem yejomalegue.

2 Timoteo 4:8

Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.