2 Timoteo 1:14 - Nuevo Testamento Toba Sombrero Negro

¹⁴ Yataqata adetela jona'me Dios Lepaqal jo'ne qo'mi ue'tajopa, qa'a nach'ena am lecochiya qomle qaedi ja aĝadiñi naa'me naajo' napaĝaguenataĝanaĝaco.

Nuevo Testamento Toba Sur

¹⁴ 'Antelo'o' da 'am ipataxalec ñi Dios da 'aulo'ogue, qaq 'am itauan so Espíritu Santo mayi qomi' hueta'agueta.

La'aqtaqa Ñim Lo'onatac 'Enauacna 2013

¹⁴ 'Antelo'o' da no'onataxanaxac maye 'am ipataxalec Ñim Lo'onatac 'Enauacna, qaq So Saqcha'a Na'añaxac Qui'itta maye qomi' hueta'agueta 'am itauan qome.

2 Timoteo 1:14 Referans Kwoze

Juan 14:17

Nach'eñe ñe'me Dios Lepaqal jo'ne yataqatelegue; joga'me aleua laje'pi ja yaqanate't ta'le yacoteguet, qa'a ja yauata nataq'aen da'me ja yateto'n; qalaĝaja da'me ami yataqata auatetoñi, qa'a nach'e eta't ami ue'tajopa nataq'aen da'me male ami uetauelo qomle.

Romanos 8:13

Qa'a qom oquitalo'te ga'me ch'e adamaicodi', qama'le adelevi: qalaĝaja qom jouaĝat da'me chiyaqayi ñe'me Dios Lepaqal da'me aualachi' daa'me adamaicodi', qama'le adec'aliyegue.

1 Timoteo 6:20

Am yaqaya Timoteo, yataqata adetela da'me dojo' am qoyanem jo'ne am qo'yamaqatenec. Ena'te anaquiaĝanalo jogaa'me jiyaĝa'u jo'ne ja 'noe'n gaa'me 'laqataqa, jo'ne ye'uetedac joñe'me Dios nataq'aen yataqata ochichiguilo. Nach'egaua eetapela'ajalo yatenaĝanaĝayaqa, qalaĝaja ja naq'aeta.

2 Timoteo 1:12

Qama'le nayi, nach'eda da'me 'uo ga'me yachoĝodec, yajouaĝat da'me dojo' 'yonataĝanaĝac, qalaĝaja jenjo' yataqata ja jepocoĝolegue, qa'a jayaten ñe'me jep'iya'a, yataqata jayaten da'me 'uo da'me lañoqotaĝanaĝac qaedi jayem netela, chayovida'a qom yitaĝa 'niyelaq joñe'me Jaliaĝanec.

1 Corintios 3:16

¿Qo'li ja auayachiñe queda'me aueñiya'am ga'me 'lemec ñe'me Dios nataq'aen da'me ami uetauelo ñe'me Lepaqal?

Romanos 8:9

Qalaĝaja ami male ja oquitalo'te naa'me lamaico jo'ne yepaquetapegalo da'me anejiyaĝauayaĝaqui, dite ga'me jo'ne yepaquetapega ñe'me Dios Lepaqal, qom yataqachiñe eja ami uetauelo joñe'me. Ga'me jo'ne ja netaye ñe'me Cristo Lepaqal ja Cristo nejoĝonec.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

1 Ts 5:19

Ena'te a'uomaĝachi da'me 'lonataĝanaĝac joñe'me Dios Lepaqal,

2 Timoteo 2:2

Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.

1 Timoteo 1:11

Nach'ena jenjo' napaĝaguenataĝanaĝac onaĝaic uetaue da'me 'nonaĝac nec'alaĝaiqui jo'ne Dios 'me ja 'nalegue jayem yamaĝalegue.

Efesios 5:18

Ena'te ami taĝayaqa, qa'a gaa'me jo'ne jalcote da'me niyo'm male ja yayate'n joga'me yauote, dite da'me nach'e eta't anajeñe'teguet joñe'me Dios Lepaqal qaedi ami najaqachiguilo chayovida'a da'me ami yaloĝonalo yema joga'me auauoyi nale.

Efesios 2:22

Da'me ami qoyecoñetegueta joñe'me Jaliaĝanec Jesucristo nataq'aen male ami ovitaue jena'me jenjo' emec jo'ne Dios netaue, mach'e Lepaqal jo'ne ja 'nalegue.

1 Corintios 9:17

Qom da'me dojo' je'et chiyaqayi da'me mach'e yelnataĝac, chane'eja 'uo ga'me ñejetenaguec; qalaĝaja eja queda'me ja naq'aeta da'me yelnataĝac joca'li, qama'le je'et qa'a Dios jayem 'yelopec.

Colosenses 4:11

Nach'e ena'am ami yamaĝalo da'me lamaic ñe'me Jesús, nach'eñe qoyenaqatenec Chimaqachiñe. Naa'me naajo' judío laje' jo'ne p'etaqadayaqa, nach'enauate' jo'ne yataqachiñe jayem lecochitedapega da'me ja'aĝataqatac da'me lejaliaĝa joñe'me Dios, qama'le ena'am ta'le jayem qoloyaĝanatet da'me jayem ueteda'ajop jogaa'me.

Gálatas 2:7

Jogaa'me yayate'n queda'me Pedro qoyanem da'me 'nelopaguec da'me 'yaĝatetac dojo' onaĝaic 'naqataĝanaĝac 'me qoyanema jogaa'me judiopi, nataq'aen jayem qamqa'me jayem qo'yelopec da'me ja'aqataĝanema ena'uaque gaa'me jo'ne ja judiopi.

2 Corintios 5:16

Chiyoqotelegue nayi ja yitaĝa jenaĝa lajo'vi ga'me ch'e qadec'atenaĝanaĝac jo'ne aleua le'ec. Mate mane'e naq'aeta ga'me jec'atenaĝac ca'li ñe'me Cristo, male ja yitaĝa jauoqo da'me dojo'.

1 Corintios 6:19

¿Jeele ja auayachiñe queda'me adapachidiaĝaqui ena'am ta'le naqaega 'lachaqa' jo'ne netaue ñe'me Nepaqal 'me ja 'nalegue, nach'eda jo'ne ami yanema ñe'me Dios? Qama'le da'me ami ja naq'aeta ta'le adoqochidi' naa'me adapa'chidi',

Romanos 8:11

Nataq'aen qom ñe'me Dios Lepaqal 'me 'niyelaĝachijeguem ca'li ñe'me Jesús qom eja ami uetauelo, nach'eñe joñe'me 'me 'niyelaĝachijeguem ca'li ñe'me Cristo ami yanema naa'me adoje'edi' da'me ladalaĝa'j 'me netayelo da'me leleuaqa't qa'a chiyaqayi ñe'me Dios Lepaqal 'me ami netayelo.

Romanos 3:2

Yataqata jalcote ga'me chiyaqayilo. Da'me 'uaeñe, yaje'tema jogaa'me judiopi da'me yanema da'me 'laqataĝanaĝac.

Lucas 16:11

Chane'eja, qom ja a'nonaĝachita da'me aueloyilegue da'me dojo' ja 'noe'n neuoyaĝaco jena'me aleua, qama'le ¿jach'e jogamaĝa ami yepataĝaeta gaa'me chimadichidiñe neuoyaĝaco?