Biblia Todo Logo
Bib sou entènèt

- Piblisite -




2 Timoteo 1:12 - Nuevo Testamento Toba Sombrero Negro

12 Qama'le nayi, nach'eda da'me 'uo ga'me yachoĝodec, yajouaĝat da'me dojo' 'yonataĝanaĝac, qalaĝaja jenjo' yataqata ja jepocoĝolegue, qa'a jayaten ñe'me jep'iya'a, yataqata jayaten da'me 'uo da'me lañoqotaĝanaĝac qaedi jayem netela, chayovida'a qom yitaĝa 'niyelaq joñe'me Jaliaĝanec.

Gade chapit la Kopi

Nuevo Testamento Toba Sur

12 Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

Gade chapit la Kopi

La'aqtaqa Ñim Lo'onatac 'Enauacna 2013

12 Qaq nachera da huo'omshe huo'o de'era ñeque'eenaxac nagui. Qalaxaye saishet da ñecoqtac souaxat nam sevireguetpi, cha'aye aỹem saỹateeta Ñim hueto'ot de'era ñaquitaxac. Qataq saỹateeta Ñimaye da huo'o da la'añaxac da ỹo'ot da nache queta da qaỹa'axattac da no'on na'axaỹaxac, choche ivitta'a ca loga't ana 'alhua.

Gade chapit la Kopi




2 Timoteo 1:12
58 Referans Kwoze  

Chane'eja ena'te anepocoĝolegue da'me dojo', da'me a'uaĝate'tape jogaa'me chiyaqayilo joñe'me Qadejaliaĝanec, nataq'aen ena'te jayem anepocoĝolegue, da'me jayem necoñetaejec, jayem qoyajouaĝatec joñe'me Qadejaliaĝanec. Qama'le qomle male am qoyanem ga'me adachoĝodec, am qoyajouaĝatec da'me 'noota; Dios am nelochi'ña jo' qomle, ya'uo at'añaĝac.


Ñe'me Qadet'a Dios 'uo da'me lañoqotaĝanaĝac qaedi ami netela'aque da'me ta'le auachiyaqaijeguem, qama'le ami nechalataĝadoue queda'me qaya'te adejamaĝataĝaqui nataq'aen ami jaqachiguilo joda'me adamaiqui qom auajoiya'aguet da'me 'lonaĝac joñe'me.


Chane'eja jogaa'me jo'ne choĝodache yajouaĝat da'me yauote da'me jo'ne chiyaqayi da'me loequenataĝanaĝac joñe'me Dios, 'noota qom nach'e eta'ajalo quetedalegue da'me 'noota jo'ne 'yetetedac, qama'le yep'aĝado'ot joñe'me Dios da'me 'loyaĝac jo'ne mach'e 'lonatac, qa'a joñe'me yataqata yepaquetelegue ga'me enaac.


Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.


Qo'che' yataqata yaqanatet ta'le nach'e eta't da'me nec'alaĝatedegue joga'me jiyaĝadipi, jogaa'me jo'ne 'yamaqate'n joñe'me da'me jetaque yec'adeta joñe'me Dios. Qa'a naqaeñe jo'ne nach'e eta't da'me nec'aletaye, qama'le nach'e eta't da'me nachoĝodetapelo'te jogaa'me.


Am yaqaya Timoteo, yataqata adetela da'me dojo' am qoyanem jo'ne am qo'yamaqatenec. Ena'te anaquiaĝanalo jogaa'me jiyaĝa'u jo'ne ja 'noe'n gaa'me 'laqataqa, jo'ne ye'uetedac joñe'me Dios nataq'aen yataqata ochichiguilo. Nach'egaua eetapela'ajalo yatenaĝanaĝayaqa, qalaĝaja ja naq'aeta.


Ja jepocoĝolegue da'me dojo' onaĝaic 'naqataĝanaĝac, qa'a nach'eda lañoqotaĝanaĝac ñe'me Dios qaedi ena'uaque gaa'me jo'ne p'iida'a yededalegue da'me qonec'alaĝatedegue, nach'egaua joga'me judiopi jo'ne 'uaediñe, qama'le nach'e ena'ama yema joga'me jiyaĝadipi.


“Qalaĝaja ga'me nolo' uotaĝa hora jo'ne laloqo' da'me dojo', qaya'te yayaten; uotaĝa gaa'me Dios lamaĝa's jo'ne neteda'ague di'me piyem nataq'aen da'me jayem yataqata ja jayaten. Nach'eñeta ñe'me Qadet'a yayaten ga'me loiquiaqa'yaĝac.


Yajouaĝat da'me adepi'i jo'ne ami uetauelo, joñe'me Dios jo'ne 'uañaĝaic yataqata ami de'uolo'te, qaedi ami yovidaĝateda'a da'me nec'alaĝa jo'ne mach'e liyamaqatac, jenjo' jo'ne qoyaloĝon jo' qom'te jogaa'me noloqo'ote jo'ne p'atedegue.


'Noota qom Qadet'a yataqata yanem da'me lichoĝodenataĝanaĝac gaa'me noloqo'ote jo'ne p'atedegue. Qalaĝaja jenjo' joote yataqata auayaten, qa'a joote qo'mi lecochiyalo ca'li jouaqa'ta di'me Éfeso.


Jena'me jenjo' qadapachiyaĝac jo'ne choĝolaĝaic male qoyapalaĝat qomle, qalaĝaja joñe'me male en nec'alijeguem jena'me jenjo' qadapat, qama'le qoyen yataqata onaĝaic, chayovida'a neleguemaĝata da'me 'loyaĝac joñe'me. Yataqata 'uo da'me lañoqotaĝanaĝac qaedi ya'uo da'me dojo', qa'a nejaliaĝatelo'te yema jogaa'me uo'oe.


Nach'ena jena'me jenjo' 'naqataĝanaĝac jayem qoyajouaĝatec, qama'le jayem qoyecoñedetac, qoyene'tem ta'le jayem etaĝaloĝoic. Qalaĝaja gaa'me 'laqataqa ñe'me Dios ja qoyaqanatet ta'le qoyecoñe't,


Qama'le nayi nach'edata da'me yataqata jetaque jateton ñe'me Cristo, qaedi yataqata ñauela't da'me lañoqotaĝanaĝac, nach'eda jo'ne chiyaqayi da'me nec'alijeguem ca'li joñe'me, qama'le qom 'uo ga'me yachoĝodec qomle, jetaque jena'am joñe'me ca'li yataqata qoya'uo da'me lachoĝodec, nataq'aen joda'me leleuaĝa ca'li, nach'e ena'am jetaque jena'am qomle da'me jayem,


Qama'le yema jo'me 'yonataĝanaĝac ca'li, yataqata jaĝañi nayi, qa'a jouaĝat da'me male yataqata jateton joñe'me Jesucristo mach'e Yejaliaĝanec, qama'le nach'ena na'me yatetonaĝanaĝac jo'ne yataqata onaĝaic. Chane'eja joote jaĝañi yema da'me 'yonataĝanaĝac ca'li, qa'a yataqata jen ja no'en, qaedi jepitaqatenac da'me male joue'tajop joñe'me Cristo


Qom yovita ga'me p'ategue nolo', qama'le onolqa'tape qoyauana ga'me 'lonataqa, qa'a ga'me dole' yaloĝon, nataq'aen ga'me dole' yapiyen ga'me 'lonata'j jogaa'me, qom nalo'taguet ga'me dole' uotaĝa ja naq'aeta.


Qalaĝaja ja jiyaĝanaque da'me aue'n queda'e jena'me aleua, dite da'me aueuolo'te, ena'te auaje'tema da'me ja no'en.


Qama'le yema ga'me noyaqapi 'Uo da'me leuataqataĝanaĝa'j Da'me naqaeñe jo'ne chiyaqayi da'me nec'alaĝa.”


jo'ne nach'ega 'yaĝatetac naa'me nedii's, eet'oi: “Jayem jana'ña di'me Sión ga'me qa' t'adaic, nach'ega qa' jo'ne poguelaĝatot qomle. Ga'me jo'ne p'iya'a joñe'me qama'le ja qoyoqovitac joga'me.”


Qalaĝaja qom 'uo da'me adachoĝodequi yajouaĝat da'me ami p'etaqadayaqa, 'noota qom ena'te adepocoqoilegue, dite da'me a'nonaĝachiyegui joñe'me Dios queda'me yataqata ami lec'oqo'tepi joñe'me.


'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.


Chane'eja, queda'me 'uo da'me lachoĝodec joñe'me Jesús da'me qoyapiyen ca'li, qama'le nayi nach'eñe joñe'me jo'ne male yaqanatet ta'le qo'mi lecochiyalo, da'me qo'mi jo'ne nach'e ena'ama da'me uo'oe gaa'me qanapiyenagueco.


Qama'le nale jetaque jojaqapegue'to joga'me ja judiopi qaedi nach'e ena'am da'me qonec'alaĝatedegue, nach'e ena'am ja qo'mi 'te yaje'tema. Qama'le nach'eda da'me dojo' yataqata en nichiquetedajeguem da'me loe'j. Qalaĝaja qom qoya'uo ga'me loiquiaqa' jena'me jenjo', yataqata jalcote t'adaic joga'me en lachoĝode'j joga'me, mach'e chiyoqo'ot joñe'me Dios.


Ja jetaque jen lichigui nale jena'me yeuel, dite da'me qom maliaĝa jayem 'uo, uotaĝa qom male jeleu, jetaque jaco'teguet joda'me 'yañaĝac, qaedi nale jayem qoyec'atetac, male yataqata qo'nonaĝachigui joñe'me Cristo.


Qalaĝaja Pablo 'yategueta: —¿Toqoch'e anoyeñitac nataq'aen jayem a'vichiyec da'me jayem totelegue? Jayem joote ñiyamaĝateta't ja nach'edata da'me jayem qoyecoñe' dite da'me nach'e ena'am jeleu qom joue'ta di'me Jerusalén, qa'a jajouem ñe'me Jaliaĝanec Jesús.


Qalaĝaja joga'me judiopi dojapegue'to gaa'me yauo' jo'ne choĝodenataĝanaĝail nataq'aen 'uo da'me li'yoĝodi'j choqogaa'me jiyaĝa'u jo'ne p'ajodaye 'me neteda'ña ga'me noic, qama'le qoyachelo'te jogaa'me qaedi paja'a qonautenalo ñe'me Pablo nataq'aen Bernabé, qaedi qoyen queda'e ga'me aleua.


Qama'le Pablo nataq'aen Bernabé 'uo da'me 'lañaĝa'j da'me doje'tape, 'yategueta: —Qo'mi qoyanema da'me qa'nelopaguec qaedi ja'aĝataqatac da'me Dios lep'iquenataĝanaĝac a'uaviñe ami jo'ne judiopi. Qalaĝaja queda'me a'uoitapeguet, nataq'aen ja auacoñiyeguet da'me at'oyaĝaqui 'me ja 'naidena'a qomle, male jec'ataĝalo nayi gaa'me jo'ne ja judiopi.


Qa'a jaloĝona qomle queda'me jalcote da'me lachoĝodec qa'a jouaĝat da'me yenaĝat.”


Mate mane'e da'me qoyajaĝaque ga'me qadipi, Esteban enaac ca'li netamen: “Jaliaĝanec Jesús, ¡auaconeguet jena'me yepaqal!”


Qaya'te ta'le yaqanatet jayem nec'ata, qom ja jayem 'te novidaĝa'ta joga'me joñe'me Taĝadena' jo'ne jayem namaĝaquena, qama'le naqayem da'me 'ñiyelaĝachijeguem qom yovita ga'me nolo' jo'ne p'ategue.


Jesús ya'uo 'lañaĝac ca'li niyaĝajeguem, enaac: ¡Taĝadena', am janem jena'me yepaqal! Ca'li nenaĝategue da'me dojo', qama'le yeleu.


Qalaĝaja, ami yaqaya'olqa, da'me ami ja ovitaue joga'me 'naltapiye, qama'le ga'me nolo' qom 'niyelaq ñe'me Jaliaĝanec ja ami 'te yepelaĝa't, ja ena'am ga'me cachaĝaic.


Ami ja'aĝatema qom yovita jo' qom'te ga'me nolo' jo'ne p'ategue qom Dios ya'uo da'me lec'atenaĝanaĝac, qama'le da'me ne'uaĝanaguec jenjo' noic yataqachiñe napacalegue da'me Sodoma ne'uaĝanaguec.


Qom yovita ga'me nolo' da'me 'uo da'me nec'atenaĝanaĝac qama'le qayoĝode' gaa'me jayem yiyaĝatedapecot, enapega't: «Am Jaliaĝanec, ¿qo'li ja eja da'me ja'aĝataqatac da'me adenaĝat ca'li japaĝaguenataĝanaq, nataq'aen ca'li jamaĝajoĝodegue ga'me payagodipi choqoda'me jalcote jenaĝa di'yoq da'me lañoqotaĝanaĝac joñe'me Dios?»


Nach'eñe ami 'yañaqate't chayovida'a ga'me p'ategue nolo', qaedi qaya'te ja no'en adejamaĝataĝaqui qom yovita ga'me nolo' da'me 'niyelaq joñe'me.


Yataqata adetela jona'me Dios Lepaqal jo'ne qo'mi ue'tajopa, qa'a nach'ena am lecochiya qomle qaedi ja aĝadiñi naa'me naajo' napaĝaguenataĝanaĝaco.


'Noota qom Qadejaliaĝanec jalcote yichoĝoden ga'me layi ñe'me Onesíforo, qa'a ñe'me jalcote nale jayem nec'ata qama'le 'uo nale ga'me jayem yanem jo'ne 'yañaĝacolac, nataq'aen da'me ja jayem 'te nepocoĝolegue da'me jayem qoyecoñe'.


Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.


Swiv nou:

Piblisite


Piblisite