2 Timoteo 1:10 - Nuevo Testamento Toba Sombrero Negro

¹⁰ Qama'le nayi jauanaĝa da'me dojo' Dios loqopich'i jo'ne qo'mi yaloĝonalo joñe'me Cristo Jesús mach'e Qadec'alaĝaiqui, jo'ne naqaeñe male yapalaĝat da'me 'lañaĝac da'me neleuaĝa, qama'le da'me dojo' lomataĝanaĝac chiyaqayi joga'me onaĝaic 'laqataĝanaĝac jo'ne 'yaĝatetac da'me 'noyaĝac jo'ne ja pal.

Nuevo Testamento Toba Sur

¹⁰ Qaq de'eda lsoxoyic ñi Dios ÿachaxan nagui, qalaxayi nactaigui naq'en da lliquiaxac so qadca'alaxaqui Jesucristo mayi deuotaxanec co'olloxochiyi da l'añaxac da nleuaxa, qataq damaxasoxoolec da qai'axat da n'aqtac mayi chigaqaigui da nca'alaxa. Qaq nachida da yi'oq naq'en da nca'alaxa mayi sa ishit da qanlaxajñi.

La'aqtaqa Ñim Lo'onatac 'Enauacna 2013

¹⁰ Qaq de'era lsoxoyec Ñim Lo'onatac 'Enauacna ỹachaxan nagui, qalaxaye nactaigui naqa'en da llecỹaxac co'ollaxa So Qarca'alaxaqui Jesucristo, maye ilaxachigui co'ollaxa da la'añaxac da nleuaxa, qataq ỹachegoxotchigui da no'on na'axaỹaxac maye chegaqaigui da nca'alaxa, da qomi' ỹanema da nca'alaxa maye chochaq tatec.

2 Timoteo 1:10 Referans Kwoze

1 Juan 1:2

Dojo' 'noyaĝac ca'li naloĝola't qama'le jauanaĝa, nach'eda ja'aĝataqatac nayi; nataq'aen ami jechoĝotaqatapema dojo' 'noyaĝac jo'ne yataqatelegue, da'me jo'ne jalchi'ena ue'tajop ñe'me Qadet'a nataq'aen da'me jo'ne qo'mi naloĝonouelo.

Romanos 16:26

Qalaĝaja nayi chiyoqotelo'te naa'me ledii's dia'me Dios 'laqataĝanaĝanaqa da'me qoyajeta da'me qoyaloĝon, naq'aeta da'me lamaĝajoĝonaĝac ñe'me Dios 'me ja 'naidena'a. Dojo' ja di'yoq 'me 'yaeñi ñe'me Dios male qoyatetonaĝaneque ena'uaque gaa'me ale'u lael, qaedi p'iida'a nataq'aen yoqochideta.

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.

Tito 2:11

Naq'aeta da'me auapaĝagueneque ena'uaque joga'me p'etaqadaiquipi, qa'a joote yaloĝon da'me lichoĝodenataĝanaĝac joñe'me Dios, nach'eda ja qalaĝa q'aen da'me lec'alaĝa'j ena'uaque joga'me jiyaĝadipi.

1 Corintios 15:26

Nataq'aen ñe'me p'ategue qadauteua jo'ne qoyapalaĝat qomle nach'eda da'me neleuaĝa.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

2 Timoteo 1:1

Mach'e jayem Pablo, Jesucristo lamaĝajec, choqoda'me jayem liquiyac joñe'me Dios, qaedi male ja'aĝat da'me joote yaqataĝañi da'me 'uo joga'me 'noyaĝac ja 'nalegue, ca'li 'yaĝatetac ñe'me Cristo Jesús jo'ne mach'e chiyoqo'ot.

Efesios 1:9

qama'le qo'mi yaloĝonalo jena'me jenjo' lelnataĝac jo'ne ja di'yoq ca'li yemta 'uo jena'me jenjo' aleua, ga'me jo'ne jetaque ya'uo 'me chiyaqayi da'me qoyalat ñe'me mach'e Liquiyac.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Apocalipsis 22:17

Joñe'me Dios Lepaqal nataq'aen jañe'me jo'ne jetaque en loua ñe'me 'Naĝanaĝate Lec'oĝot enaac: —¡Auanaequena! Da'me ami jo'ne jayem auomachiiya, aueñeetac: —¡Auanaequena! Joga'me jo'ne yelinquip, qa'a 'uo da'me lamaic da'me jayem nec'ata, qama'le 'noota qom niyomigui jenjo' noĝop jo'ne 'uo da'me nec'alaĝa, jena'me noĝop jo'ne ja qodicot.

Apocalipsis 22:14

Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

Apocalipsis 18:1

Mane'e ca'li yem da'me dojo', qama'le jauana jo'me piyem le'ec laqaya jo'ne nenochiñe, chiyaqaje'ma di'me piyem, jo'me jo'ne 'uo da'me lañoqotaĝanaĝac let'adaic, qama'le jena'me mach'e lauaq yecoyadelegue ca'li jena'me aleua.

Apocalipsis 2:7

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»

2 Pedro 3:2

Anetoviñetaque jaa'me noloqo'ote laqaya' da'me 'yaĝatetedac dia'me Dios 'laqataĝanaĝanaqa jo'ne ja 'nalo'te; nataq'aen da'me lamaĝajoĝonaĝac joñe'me Qadejaliaĝanec mach'e Qadec'alaĝaiqui Jesucristo, da'me jo'ne joote ami yapaĝagueneque jogaa'me lamaĝa's.

2 Pedro 2:20

Qalaĝaja gaa'me jo'ne joote yaĝa'n daa'me ja 'noe'n jo'ne yodapecache 'me ueteda'ña jenjo' aleua qama'le yateto'n joñe'me Qadejaliaĝanec mach'e Qadec'alaĝaiqui Jesucristo, qom yitaĝa naje'teguet da'me lecoĝoque naa'me naajo' ja 'noe'n ta'le yitaĝa nejaliaĝatelo'te jogaa'me, qama'le nach'egaua jo'ne male 'uo da'me lachoĝode'j 'me ja ena'am da'me jo'ne 'uaechiñe.

2 Pedro 1:11

Qama'le naq'aeta qomle da'me nalo'ta't da'me ami qo'youategueta jogaa'me najo'mi ga'me nejaliaĝa jo'ne qaya'te loiquiaqa', nach'egaua jo'ne lejaliaĝa ñe'me Qadejaliaĝanec mach'e Qadec'alaĝaiqui Jesucristo.

2 Pedro 1:3

Joñe'me Jesús joote en chiyaqayi da'me mach'e lañoqotaĝanaĝac da'me qo'mi yanema yema ga'me jo'ne youetaque da'me qat'oyaĝac qaedi yataqata qolaqatapegue' joñe'me. Qama'le qo'mi yatetonaĝanaĝaneque joñe'me Qadet'a, nach'eñe jo'ne qo'mi yiyaĝanalo qaedi jaĝaue da'me 'lonaĝac choqoda'me lejaliaĝa jo'ne ja 'nalegue.

Hebreos 10:32

Qalaĝaja da'me ami auenache'talo jaa'me noloqo'ote jo'ne yenoĝodegue joca'li da'me yemta auacoñiyeguet da'me yoqochiñe. Ua'a ca'li yataqata 'uo da'me adeloiquiaĝaqui let'adaic, qalaĝaja ja aĝañiñi da'me adepi'i, dite da'me 'uo da'me at'añaĝaqui da'me anapogaĝadeñiyeguet da'me adachoĝodequi.

Tito 3:4

Qalaĝaja ca'li ñe'me Dios mach'e Qadec'alaĝaiqui yaloĝon da'me lichoĝodenataĝanaĝac nataq'aen da'me loqopich'i jouaĝat ga'me jiyaĝadipi,

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

2 Ts 2:8

Chane'eja qom male qaya ñe'me 'nelaĝatetañe, qama'le yataqata di'yoq joñe'me jo'ne yataqata ja no'en. Qalaĝaja joñe'me Qadejaliaĝanec Jesús yapalaĝat qomle, yalatec na'me layat jo'ne na'ya na'me nedegaĝat da'me yepetetot ga'me, nataq'aen qom di'yoq da'me 'lonaĝac joñe'me Jesús ena'am ta'le qonolaĝachiñe joñe'me jo'ne ja no'en.

Efesios 1:18

Nataq'aen male ñachoĝodenot joñe'me Dios qaedi ami yaloĝo'talo chayovida'a da'me yataqata auayachiñe da'me eeta da'me qadeuataqataĝanaĝac jo'ne chiyaqayi da'me nec'alaĝa jo'ne jetaque qo'mi yanouelo, nataq'aen qaedi auayachiñe da'me eeta da'me lajo'viyaĝac ga'me onaĝaic jo'ne qaya'te ena'am da'me li'yoĝodic, nach'eda da'me jetaque yanema yemeda gaa'me mach'e lec'oqo'tepi.

Gálatas 5:4

Jogaa'me jo'ne eetedapega Dios yaconegueta queda'me que'teguelo daa'me namaĝajoĝonaĝaco, de'uotedapeguet da'me loqopich'i ñe'me Dios qama'le ja yemetede'eguet ñe'me Cristo.

2 Corintios 5:4

Tamaliaĝa cha'li jouaqataue jena'me qat'emec 'me nach'ena qadapat, 'uo da'me qo'mi totelo'te nataq'aen qadeliñi. Ja naqaeda ta'le jetaque qadeleu, dite da'me jepagaqatapega ta'le qoyeleguemaĝat da'me toijec qat'oyaĝac, qaedi da'me qat'oyaĝac qoyen ta'ya ga'me 'noyaĝac nec'aletaye 'me ja yitaĝa pal.

1 Corintios 4:5

Chane'eja da'me ami, ena'te aueñi gamachaqaega adec'atenaĝanaĝaqui qom maliaĝa ja novitequena ga'me nolo' qom 'niyelaq ñe'me Jaliaĝanec; cha'li auajoyiya'a ñe'me Jaliaĝanec qom novi' qama'le nach'eñe yachiyoĝotaue ga'me 'lalaĝa ga'me jo'ne qoyoĝotetapiñe qaedi 'yoqotelegue q'aen. Qama'le qoyaloĝon ga'me jo'ne jalchi'ena yepaquetapegalo joga'me. Qom yem da'me dojo' qama'le nach'eñe ñe'me Dios yanema da'me qaedi qo'nonaĝachiguilo jogaa'me.

Romanos 6:6

Jayatenaq ga'me qat'oyaĝac toijec ca'li qoyen caje'megue ñe'me Cristo ca'li qoyep'enajeguem, qaedi da'me qat'oyaĝac 'me etaĝaloĝoic joga'me qoyolaĝachigui nataq'aen male ja qolaqatalegue da'me qo'mi lelataqa daa'me qadoeco.

Romanos 3:31

Chane'eja da'me 'uo da'me qadepe'e, ¿qo'li ja jenaĝa 'te lajo'vi da'me namaĝajoĝonaĝaco? ¡Qa'ejo' ja naq'aeta! Dite da'me jachimaĝataĝañi da'me lajo'viyaĝa'j naa'me namaĝajoĝonaĝaco.

Hechos 13:23

Ga'me chiyaqayi ñe'me David mach'e Jesús, nach'ena Dios Lamaĝajec qaedi nec'alaĝatedegue ga'me israelpi, naq'aeta da'me joote yaqataĝañi da'me 'laqatac ca'li.

Hechos 5:31

Dios yañijeguem qama'le yana'ña na'me yayaten, qama'le en najoĝola' nataq'aen nec'alaĝaiqui qaedi ga'me Israel c'oqo'tepi 'viyelaĝadeta ñe'me Dios qama'le yacoteguet da'me qoyapalaĝa't daa'me loeco.

Juan 20:31

Qalaĝaja naa'me naajo' 'naqataqa male qoyedidiñe qaedi a'uamaqachiñe joñe'me Jesús da'me nach'eñe jo'ne Dios Liquiyac, nataq'aen da'me yataqachiñe Lec'oĝot joñe'me Dios. Chane'eja qom auep'iiya'a joñe'me qama'le 'uo da'me adec'alaĝaqui jo'ne chiyaqayi joñe'me.

Juan 5:40

qalaĝaja ami ja jetaque jayem anec'achiya qaedi ami ua'ajopa da'me adec'alaĝaqui.

Juan 4:42

Chane'eja t'aqataĝatem jañe'me yauo: —Nayi male ja nach'edata da'me jep'iyaqa joñe'me jouaĝat da'me jo'ne qo'mi a'uaĝatema, qa'a nayi mach'e qo'mi da'me jomachaĝa joñe'me, qama'le jayatenaq da'me yataqatelegue eja naqaeñe ñe'me jo'ne Lec'alaĝaiqui ena'uac ga'me jiyaĝadipi.

Juan 1:9

Ñe'me necoyadaĝanaĝat jo'ne yataqatelegue nec'achi'ña jena'me aleua qaedi yecoyadelegue ena'uaque gaa'me jiyaĝadipi.

Lucas 13:7

Chane'eja t'aqataĝanem ñe'me jiyaĝaua jo'ne en netela ga'me uva lichidijat: «Pega, yenoĝodegue tres gaa'me 'uoidi da'me ñec'ata janjo' higuera da'me jetaque jachi jaga'me jala, qalaĝaja qaga'te ua'a ta'le 'uo jaga'me jejomalegue. Chane'eja auequejoq; ¿toqoch'e yijamaĝajaye da'me netaue jena'me yanaĝanaqa'?»

Lucas 11:36

Qa'a qom yema da'me qat'oyaĝac netaye da'me yoqochiñe, qama'le qaya'te netaye jo'ne 'lalaĝa, yataqachiñe yema auauatalegue, ena'am jaga'me coyadaĝanaqate nale am yecoyadelegue ga'me lauaq.”

Lucas 2:11

Nayi niyi'ña di'me David 'lachaqa' ñe'me adec'alaĝaiqui, nach'eñe Jaliaĝanec jo'ne Dios Liquiyac.

1 Juan 4:14

Ca'li jauanaĝa queda'me joñe'me Qadet'a namaĝaquena joñe'me Lec'oĝot qaedi nec'alaĝatedegue jogaa'me jiyaĝadipi jo'ne aleua laje'pi, qama'le nach'e eta't jechoĝotaqatac da'me dojo'.

2 Pedro 1:1

Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

Apocalipsis 20:14

Yem da'me dojo', qama'le joñe'me lejaliaĝanec da'me neleuaĝa chaqañe'me necoñetaĝanaĝaiqui' ga'me napa'lpi male nach'e ena'ama da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

2 Timoteo 1:8

Chane'eja ena'te anepocoĝolegue da'me dojo', da'me a'uaĝate'tape jogaa'me chiyaqayilo joñe'me Qadejaliaĝanec, nataq'aen ena'te jayem anepocoĝolegue, da'me jayem necoñetaejec, jayem qoyajouaĝatec joñe'me Qadejaliaĝanec. Qama'le qomle male am qoyanem ga'me adachoĝodec, am qoyajouaĝatec da'me 'noota; Dios am nelochi'ña jo' qomle, ya'uo at'añaĝac.

2 Timoteo 4:1

Da'me yaqataĝac am janem nayi, queda'me yataqata qo'mi yec'ate'tape joñe'me Dios choqoñe'me Cristo Jesús, jo'ne qomle male 'niyelaq, male ena'am ga'me jaliaĝanec t'adaic jo'ne ya'uo lec'atenaĝanaĝac jogaa'me nec'aletedaye choqodia'me joote yele'u, qama'le nejaliaĝatelo'te yema jogaa'me jiyaĝadipi.

2 Timoteo 4:8

Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.