2 Timoteo 1:1 - Nuevo Testamento Toba Sombrero Negro

¹ Mach'e jayem Pablo, Jesucristo lamaĝajec, choqoda'me jayem liquiyac joñe'me Dios, qaedi male ja'aĝat da'me joote yaqataĝañi da'me 'uo joga'me 'noyaĝac ja 'nalegue, ca'li 'yaĝatetac ñe'me Cristo Jesús jo'ne mach'e chiyoqo'ot.

Nuevo Testamento Toba Sur

¹ Aÿim Pablo, aÿim ÿideuo ñi Dios da aÿim lamaxashic naq'en so Jesucristo, da sa'axateec da nca'alaxa mayi ÿachaxanapec co'olloxochiyi. Qaq de'eda nca'alaxa taÿot ca mashi n'attau'a so Cristo Jesús.

La'aqtaqa Ñim Lo'onatac 'Enauacna 2013

¹ Aỹem Pablo, aỹem lamaxashec So Jesucristo, cha'aye nachera da maiche 'eetapeguec Ñim Lo'onatac 'Enauacna da yaqto' sa'axatec da nca'alaxa maye ỹachaxanapec co'olloxocheye. Qaq de'era nca'alaxa taỹot ca mashe na'attaua'a So Cristo Jesús.

2 Timoteo 1:1 Referans Kwoze

Hebreos 9:15

Chane'eja ca'li yeleu joñe'me Jesucristo, male yiyamaĝatetac da'me 'namaqatenataĝanaĝac jo'ne dalaĝaic. Qa'a chiyaqayi da'me leleuaĝa joñe'me, male qoyapalaĝa't jogaa'me loeco joga'me jiyaĝadipi, jogaa'me lejamaĝataĝaco jo'ne e'n 'naĝa't da'me 'namaqatenataĝanaĝac jo'ne 'uaechiñe. Chane'eja nach'egaua ga'me jiyaĝadipi jo'ne joote qoyiyaĝanalo, male yaqanate't ta'le yacoteguet da'me 'noota jo'ne qaya'te loiquiaqa', da'me jo'ne joote qo'yaĝatema joca'li.

Juan 17:3

Qama'le nach'eda da'me 'noyaĝac jo'ne ja 'naidena'a chiyaqayi da'me am qoyateton, da'me am onolec Dios jo'ne yataqatelegue, nataq'aen da'me jayem qoyateton, da'me jayem Jesucristo jo'ne jayem anamaĝaquena.

2 Corintios 1:1

Jayem Pablo 'me jayem lamaĝajec ñe'me Cristo Jesús, qa'a naq'aeta da'me loequenataĝanaĝac ñe'me Dios. Ami jep'iye'tape nayi, nach'e ena'am ñe'me qadaqaya Timoteo, da'me ami qadaqaya' p'etaqadaiquipi jo'ne Dios lec'oqo'tolqa 'me oñiya'ña di'me Corinto, nataq'aen uoja'aegaua qadaqaya' 'me neda'ña di'me aleua jo'ne Acaya.

Juan 10:28

Qama'le janema da'me lec'alaĝa jo'ne qaya'te loiquiaqa' choqoda'me ja yitaĝa ta'le pa'l nataq'aen da'me ja yitaĝa ta'le 'uo ga'me doĝotaĝaneque.

Tito 1:2

qaedi yataqachiñe yayate'n jogaa'me queda'me yacoteguet qomle da'me nec'alaĝac 'me qaya'te loiquiaqa'. Dios ja doqovinaĝatac: ca'li maliaĝa ja ye'et jena'me aleua, joote 'yaĝatetac ca'li da'me dojo' qaedi gaa'me lec'oqo'tepi joñe'me nach'e eta't 'uo da'me lec'alaĝa'j.

Efesios 3:6

Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.

Juan 6:40

Qa'a da'me lelnataĝac joñe'me Taĝadena', yemeda jogaa'me jo'ne jayem yauata da'me jayem Lec'oĝot ñe'me Dios, nataq'aen da'me jayem p'iida'a, qama'le jetaque yauata da'me lec'alaĝa'j jo'ne qaya'te loiquiaqa'. Qa'a da'me jayem male 'ñiyelaĝachidijeguem jogaa'me qom yovita ga'me nolo' jo'ne p'ategue.

1 Juan 2:25

Dojo' nach'eda jo'ne qo'mi 'yaĝatema joñe'me Jesucristo da'me 'noyaĝac jo'ne yataqatelegue.

1 Timoteo 6:19

Qama'le da'me leuoyaĝa'j jalcote da'me necochaĝac gaa'me noloqo'ote jo'ne nate', nataq'aen qom p'iida'a da'me qoyaloĝonalo male yaqanate't da'me nataq'aen tadoue da'me nec'alaĝa jo'ne qaya'te loiquiaqa'.

2 Corintios 1:20

qa'a nach'eñe ñe'me chiyaqayi da'me yepaquichiguilo ena'uaque ga'me jo'ne joote Dios 'yaĝa'tape jo'ne jetaque yauo'oe. Qo'che' nale 'ñonaĝataĝaye ñe'me Dios, jenaqaac “Jaja'a, nach'e naq'aeta da'me dojo',” chiyoqotelegue ñe'me Cristo Jesús.

1 Corintios 1:1

Jayem Pablo, jo'ne jayem qoyiyaĝana qaedi jayem lamaĝajec joñe'me Cristo Jesús —naq'aeta da'me mach'e loequenataĝanaĝac joñe'me Dios— choqoñe'me qadaqaya Sóstenes,

Romanos 6:23

Joda'me lejetenataĝanaĝac ga'me adoec nach'eda neleuaĝa, qalaĝaja da'me lachetaĝanaĝac ñe'me Dios mach'e 'noyaĝac 'me ja 'naidena'a da'me joqotaqa'taguet ñe'me Cristo Jesús mach'e Qadejaliaĝanec.

Romanos 5:21

Qama'le naq'aeta queda'me 'uo da'me 'lañaĝac ga'me noecopi novidaĝat da'me neleuaĝa, nataq'aen ena'am naq'aeta da'me lichoĝodenataĝanaĝac ñe'me Dios 'uo da'me lañoqotaĝanaĝac da'me qo'mi e'n yataqatelo'te nataq'aen qo'mi yanema da'me qat'oyaĝac jo'ne ja 'naidena'a, chiyaqayi ñe'me Qadejaliaĝanec Jesucristo.

Romanos 1:1

Jayem Pablo lalemaĝajet ñe'me Cristo Jesús, nach'eñe jo'ne jayem yiyaĝana qaedi jayem lamaĝajec, jayem qoyiyota'a qaedi ja'aĝatetac da'me onaĝaic 'laqataĝanaĝac ñe'me Dios, ami janema da'me yamaic.

Juan 6:54

Chane'eja joga'me jo'ne yalic jenjo' yapat nataq'aen niyomigui janjo' yetauo', male 'uo da'me lec'alaĝa jo'ne qaya'te loiquiaqa', qama'le nach'e ena'am da'me 'ñiyelaĝachijeguem ga'me nolo' jo'ne p'ategue.

Juan 5:24

“Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

Gálatas 3:26

Ami joote auep'iiya'a ñe'me Jesucristo, qo'che' ena'uaque ami joote ami Dios lec'oqo'tepi,

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

2 Timoteo 1:9

Dios joote qo'mi nec'alaĝatedegue nataq'aen nach'eñe qo'mi yiyaĝanalo qaedi jouaqauelo gaa'me lec'oqo'te jo'ne ja 'nalo'te. Jouaĝat taĝa da'me qat'onataĝanaĝac, mac joñe'me Dios nach'eñe lelnataĝac da'me dojo', qa'a joote qo'mi noqopitalo ca'li maliaĝa ja ye'et jena'me aleua, qama'le qo'mi yamaĝalo joñe'me Cristo Jesús.

2 Timoteo 1:10

Qama'le nayi jauanaĝa da'me dojo' Dios loqopich'i jo'ne qo'mi yaloĝonalo joñe'me Cristo Jesús mach'e Qadec'alaĝaiqui, jo'ne naqaeñe male yapalaĝat da'me 'lañaĝac da'me neleuaĝa, qama'le da'me dojo' lomataĝanaĝac chiyaqayi joga'me onaĝaic 'laqataĝanaĝac jo'ne 'yaĝatetac da'me 'noyaĝac jo'ne ja pal.

2 Timoteo 1:13

'Noota ta'le oque'teguelo naa'me 'yaqataqa jo'ne ejoda, da'me yapaĝaguenataĝanaĝac jo'ne joote am janem, nataq'aen ena'te aĝañi joda'me qadepe'e ladic choqoda'me noqopich'i jo'ne chiyoqo'ot ñe'me Cristo Jesús.

2 Timoteo 2:1

Am yalecolac, 'noota qom auaconeguet da'me at'añaĝac jo'ne Dios am yanem queda'me ademe'teguet joñe'me Cristo Jesús.

2 Timoteo 2:3

Qama'le da'me am jo'ne yataqata am nejoĝonec ñe'me Cristo Jesús, 'noota qom anapogaĝadenegueta jo' qomle gaa'me qoye'n adachoĝodeco.

2 Timoteo 2:10

qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.

2 Timoteo 3:15

anetouetac ca'li am jaqayi, joote auayaten jaga'me Dios 'laqataqa lae't, jo'ne nach'aga am yaloĝo'tague ga'me jetaque aua'uo, nataq'aen male am yauedoue da'me nec'alaĝa jo'ne qaya'te loiquiaqa', jouaĝat da'me yataqata auep'iya'a ñe'me Cristo Jesús.

Tito 1:4

Yamaic am janem am Tito, am jo'ne ena'am ta'le yataqachiñe am yalec qa'a qademaye da'me dojo' qadepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanem da'me anichoĝodenataguec nataq'aen da'me at'emaĝac.