2 Pedro 3:3 - Nuevo Testamento Toba Sombrero Negro

³ Qama'le 'noota qom ena'uac da'me ami yataqata auayachiñe nataq'aen da'me anetoviñetaque da'me dojo': jogaa'me noloqo'ote jo'ne p'atedegue qama'le novi't qomle ga'me jiyaĝadipi jo'ne quetapegue'to jogaa'me ja 'noe'n jo'ne mach'e lamaico, choqoda'me e'n le'uenaĝanaĝaco

Nuevo Testamento Toba Sur

³ Qataq qami' qauennachiÿa'a qome de'eda 'eeta': Caua pa'atreec na'axa'te, nachi huo'o qome ca shiÿaxauapi ÿataqta ÿi'inai' da qad'amqajnataxanaxaqui. Camayipi quetaiguilo naua n'onataxaco mayi qauema.

La'aqtaqa Ñim Lo'onatac 'Enauacna 2013

³ Qaq da hua'auñi, qami' iuen da qauaỹachiñi da que'ecaua pa'atre'c na'axa'te, nache nvi' qome ca shiỹaxauapi maye quetague' nam qauem lqopitaxanaqtaiguesat. Qataq qami' ỹe'eeta'ape.

2 Pedro 3:3 Referans Kwoze

Judas 1:18

ca'li enapega't: “Gaa'me p'atedegue noloqo'ote qom'te qama'le uo'oe ga'me jiyaĝadipi 'me 'uenaĝanaĝaiquipi jo'ne quetapegue'to daa'me nejiyaĝauayaĝaco lamaico jo'ne ja 'noe'n.”

2 Pedro 2:10

Joñe'me Jaliaĝanec yataqata ye'uaĝa'n qomle ena'uaque jogaa'me jo'ne ja yaĝadiñi da'me quetalo'te naa'me namaico jo'ne ja 'noe'n nataq'aen da'me ja yacoteguet da'me lamaĝajoĝonaĝac ñe'me Jaliaĝanec. Yataqachiñe t'añi'y jogaa'me nataq'aen p'aguenataĝanaĝayaqa, choqoda'me qaya'te loqolanaqa' da'me yojoue'n gaa'me neteda'ague di'me piyem jo'ne 'uo da'me 'lonaĝa'j.

Judas 1:16

Jenjo' jiyaĝadipi yataqachiñe da'me jaĝaiquipi nataq'aen ja chimadichidiñe daa'me 'laqataqa. Nach'edata da'me yelodaque da'me ja no'en jo'ne yepaquetapegue' daa'me nejiyaĝauayaĝaco. Nataq'aen 'yoĝodenaĝayaqa daa'me 'laqataqa, nataq'aen da'me doja'a ga'me laqaya't qama'le yi'yoĝode'n qaedi daquitetapega nale joga'me.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

2 Pedro 1:20

Qalaĝaja 'noota qom yataqata auayachiñe da'me dojo': queda'me qaya'te 'uo ga'me yaqanatet ta'le yachiyoĝotayi ga'me mach'e lelnataĝac da'me 'yaĝatetac naa'me nedii's.

2 Timoteo 3:1

'Noota ta'le auayaten jena'me jenjo', queda'me gaa'me noloqo'ote p'atedegue, yataqata 'uo jo' qomle ga'me laqalai'j jena'me jiyaĝadipi,

1 Juan 2:18

Ami yalaqapi, male yovideta gaa'me noloqo'ote jo'ne p'atedegue, nataq'aen joote auomachiiya queda'me 'uo ga'me na'taquena jo'ne nautena joñe'me Cristo. Qama'le nayi uo'oe gaa'me qayoĝode' jo'ne nautetedapega joñe'me Cristo: qo'che' jayatenaq queda'me male yovideta gaa'me noloqo'ote jo'ne p'atedegue.

Juan 12:48

Ga'me jo'ne ja jayem 'te 'yamaqaten nataq'aen da'me ja yoqocha'alo naa'me 'yaqataqa, joote 'uo na'me naviyaqatoqo't: naa'me 'yaqataqa jo'ne joote ñenaĝatedegue nach'enaua jo'ne mach'e naviyaqatoqo't jogaa'me, qom novita ga'me nolo' jo'ne p'ategue.

Hebreos 1:2

Qalaĝaja nayi naa'me naajo' noloqo'ote jo'ne p'atedegue, male 'uo joñe'me jo'ne mach'e C'oĝot, qama'le nach'eñe jo'ne qo'mi yapaĝague'n, nach'eñe jo'ne qoyen loqo'te ena'uaque jogaa'me jo'ne uo'oe, qa'a nach'eñe 'me chiyaqayi da'me ye'et ena'uac joca'li.