2 Pedro 2:3 - Nuevo Testamento Toba Sombrero Negro

³ Yajouaĝat da'me lamai'j jaga'me laicaua, ami yapaĝagueneque da'me jo'ne ja ejoda qaedi yañoĝo't da'me naqa't jana'me anaicauai. Qalaĝaja jogaa'me ja yaĝa'n da'me ne'uaĝanague'j jo'ne male dajo'talo jogaa'me, qa'a jalchi'ena joca'li da'me joote qoyaqataĝañi.

Nuevo Testamento Toba Sur

³ Qaq souaxat da lqopichi da nshiitenaguec, nachi namayipi qami' idolguete naua napaxaguenataxanaxaco saq 'en da yaqto' nqat añi qodomi. Qalaxayi namayipi sa ishit da ÿit de'eda nhuaxanaguec, cha'ayi mashi saqaÿoqtegue da qaÿaqataxaatapigui' damayi.

La'aqtaqa Ñim Lo'onatac 'Enauacna 2013

³ Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

2 Pedro 2:3 Referans Kwoze

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

1 Ts 2:5

Qa'a ami joote auayachiñe da'me ja auañiya ta'le ch'e ji'yoĝodenaqatac ga'me qadojaĝac, uotaĝa ta'le 'uo ga'me qadapaĝaguenataĝanaĝac jo'ne jenaĝa chiyaqayi ga'me qo'mi qoyejete'n. Jena'me jenjo' yataqata Dios joote yayaten nach'eñe qo'mi nelota'ñalo.

Romanos 16:18

qa'a ja t'onataĝade'uo ñe'me Cristo mach'e Qadejaliaĝanec, dite da'me mach'e liqui'yaĝa'j, uo'oe gaa'me 'laqataqa jo'ne uayote' nataq'aen jama't qaedi yoqovi'n gaa'me lai'li jogaa'me jo'ne jaleca da'me letadenataĝanaĝa'j.

Judas 1:15

qaedi 'uo da'me nemitague'j choqoda'me nec'atenague'j ena'uaque joga'me jiyaĝadipi, qaedi qoyanema da'me ne'uaĝanague'j ena'uaque joga'me etaĝaloĝoiquipi, yajouaĝat yema gaa'me ja 'noe'n jo'ne yauo'oe nale, nataq'aen ena'uaque ga'me loeco lo'olpi jo'ne nenaĝatedegue jogaa'me 'laqataqa jo'ne ja chimadichidiñe q'ae'n nale eetedapega joñe'me Jaliaĝanec.”

Tito 1:11

Naa'me naajo' jiyaĝa'u 'noota qom anauañiyegueta qa'a yemeda gaa'me 'nachaqa'te 'naĝa't jogaa'me queda'me jetaque ch'e qoyejete'n qama'le dapaĝaguenataĝatec ga'me jo'ne ja naq'aeta.

1 Timoteo 6:5

nataq'aen 'uo ga'me neloiquiaĝac jo'ne qaya'te loiquiaqa', qa'a male uo'oe gaa'me jiyaĝa'u jo'ne yaledeuo, eetedapega 'uo ga'me layatenaĝanaĝa'j, jiyaĝa'u jo'ne yataqata ja yateto'n da'me eja, nataq'aen naajo' eetedapega 'uo ga'me lepe'e', qalaĝaja nach'egaua ch'e yachiyoĝotedayi da'me leuoyaĝac jena'me 'noota ladic.

2 Pedro 2:9

Qama'le joñe'me Jaliaĝanec yaqanatet da'me nec'alaĝate'guejopa ga'me napiyenague'j jogaa'me jo'ne yataqachiñe nemetot joñe'me, nataq'aen da'me taya'a q'ae'n da'me ne'uaĝanague'j ga'me loeco lo'olpi chayovida'a qom yovita ga'me nolo' p'ategue qom qoya'uo da'me nec'atenaĝanaĝac.

2 Pedro 2:1

Nach'e ena'am uo'oe joca'li jogaa'me laqaya' netedaue ga'me noic jo'ne Israel jo'ne enapela'ajalo 'laqataĝanaĝanaqa ñe'me Dios, qalaĝaja ja eja. Qama'le nach'e ena'am da'me ami netedaue qomle jogaa'me paĝaguenataĝanaĝayaqa jo'ne qovinaĝanaĝayaqa. Jogaa'me dapaĝaguenataĝa'n qalaĝaja naa'me mach'e lelnataĝaco yoĝochidiñe queda'me jetaque yapalaĝa't ena'uac, chayovida'a da'me nematedapec da'me 'loyaĝac ñe'me mach'e Lejaliaĝane'j jo'ne yachiyoĝotedaue da'me ne'uaĝanague'j, jenjo' jo'ne chiyaqayi da'me paja'a 'uo da'me lachoĝode'j qoyen jo'ne ne'uaĝanague'j let'adaic.

2 Pedro 1:16

Joote ami japaĝaguenaĝaque da'me lañoqotaĝanaĝac ñe'me Qadejaliaĝanec Jesucristo nataq'aen da'me eeta da'me 'liyelaĝajoĝoc, qama'le jenjo' napaĝaguenataĝanaĝac jo'ne ami janemaĝam ja chiyaqayi ga'me 'naqataĝanaĝac jo'ne ch'e qoya'uo uotaĝa ga'me jo'ne ch'e qoyepetetapega, qa'a da'me qo'mi yataqata jauanaĝa ca'li ñe'me Jaliaĝanec da'me yataqachiñe let'adaic da'me lañoqotaĝanaĝac.

1 Pedro 5:2

'Noota qom yataqata adechiliyalo jogaa'me 'naĝanaĝatel jo'ne Dios lec'oqo'tepi 'me ami qoyanema qaedi adechiliyalo. 'Noota qom anoualaĝañetape'to, qa'a naqaeda da'me jo'ne Dios 'yamaqaten, qama'le ena'te aueñe'tem da'me ch'e ami qoyamaqatalo'te, uotaĝa ta'le aueñi adelnataĝaqui da'me ami qoyejeteneque jaga'me laicaua, dite da'me nach'e eta't da'me anejapachita.

Tito 1:7

Ñe'me jo'ne nepoda'tape gaa'me p'etaqadaiquipi 'noota ta'le qaya'te lejamaĝataĝac, qa'a netela da'me Dios 'lonataĝanaĝac. Nataq'aen 'noota ta'le ja pagaĝalaic da'me damaĝajoĝonaĝac, 'noota ta'le ja lemataqaic, ja yomaĝaic, uotaĝa ta'le ja dodinataĝanac, uotaĝa ena'am ta'le ch'e naquitetapega da'me nejetenaguec.

Judas 1:11

¡Degueja qom'te da'me lachoĝode'j jogaa'me! Qa'a quetede'egue di'me Caín, nataq'aen da'me eda'am di'me Balaam queda'me jetaque nauedela't jaga'me laicaua, qama'le dajediñe. Nataq'aen qoleguetaĝanaĝayaqa jogaa'me, eda'am di'me Coré joca'li, qama'le nimichidiñe jo' qom'te.

Judas 1:7

Nataq'aen anetoviñetac di'me noic jo'ne Sodoma nataq'aen di'me Gomorra choqogaa'me noyaqa laqaya' jo'ne leje'gue joca'li. Ena'ama jaajo' piyem laje', nach'egaua gaa'me noyaqa male qoye'n naloqotenaĝanaĝaiqui, yajouaĝat da'me nemedoue da'me nequejeguetaĝa, queda'me najetedoue daa'me namaĝanaĝaco jo'ne ja yauaqa'aguet da'me jo'ne mach'e 'loyaĝa'j qoyen. Chane'eja ñe'me Dios ye'uaĝa'n jogaa'me, qama'le male uetedoue da'me lachoĝode'j jo'ne dole' 'me qaya'te loiquiaqa'.

Judas 1:4

Qa'a uo'oe gaa'me jo'ne ch'e ami yeuomaĝanouelo joda'me loqovinaĝanaĝaco qaedi ami tauelo. Nach'egaua jo'ne joote uaqatetelo'te daa'me nedii's jo'ne Dios 'laqataqa joca'li, queda'me joote qoyeloĝonaĝateda'a da'me Dios le'uaĝanaĝanaĝac, nach'egaua ga'me jiyaĝadipi jo'ne yataqachiñe etaĝaloĝoiquipi. Nataq'aen ch'e yacoteguet da'me lichoĝodenataĝanaĝac joñe'me Dios qama'le ena'am ta'le ch'e yayaquiaĝa'n qaedi 'yete'tape naa'me mach'e loeco jo'ne lequejeguetaĝa. Nataq'aen nematedapec joñe'me Qadadipa mach'e Qadejaliaĝanec Jesucristo.

1 Pedro 2:8

Qama'le nach'e ena'am jenjo' 'naqatac laqaya eet'oi: “Nach'ena na'me qa' jo'ne en dapolegaĝa'n ga'me jiyaĝadipi, Na'me qa' jo'ne en 'naqadiñe jogaa'me.” Qa'a jogaa'me dapolegaĝa'n yajouaĝat da'me ja yoqochideta na'me 'naqataĝanaĝac. Qama'le nach'eda da'me jo'ne chiyaqayi da'me ne'uaĝanague'j.

1 Timoteo 3:8

Nach'e naq'aeta gaa'me necochaĝa'u, 'noota ta'le jiyaĝa'u jo'ne onaĝayaqa loec. 'Noota qom jiyaĝa'u jo'ne ja pecayaqa, nataq'aen ja lataĝa lete', nataq'aen ja ch'e naquitetedapega da'me nejetenague'j.

1 Timoteo 3:3

'Noota qom ja lataĝa lae't, uotaĝa ta'le ja dodinataĝanac, dite da'me yataqata qopitaĝanaqataqaic, napogaĝadeneguet ga'me ja no'en, nataq'aen ja en 'te p'ajaye jaga'me laicaua.

1 Ts 5:3

Qa'a jena'me jiyaĝadipi enaac jo' qomle: “Yataqata qo'mi 'noote', chayovida'a da'me qo'mi machidiñe,” qama'te paja'a da'me 'uo ga'me ne'uaĝanague'j let'adaic jo'ne yedalo'te jogaa'me, ga'me layaliaĝa'j ena'am jaga'me yauo nale c'oe, yataqata co'yaq nale maliaĝa dayaletac, qama'le yataqata qaya'te yaĝan.

Juan 2:16

Qama'le enapegalo gaa'me menaĝayaqa joga'me doqoto'pi: ¡Anaqachidegue yema naa'me naajo'! ¡Ena'te ta'le aueñi anemenaĝaiquii jenjo' 'lemec ñe'me Taĝadena'!

Lucas 22:47

Qaale maliaĝa dojetac ñe'me Jesús, ca'li qoyovita ñe'me jalcote ga'me jiyaĝadipi. Ñe'me jo'ne lenaĝat da'me Judas, jo'ne nach'eñe chiyaqauelo ca'li gaa'me doce 'me namaĝa's, nach'eñe qodajotalegue. Yec'ata ñe'me Jesús qaedi nec'ouoq,

Lucas 20:20

Uo'oe gaa'me qoyama' c'atenaĝanaĝayaqa jo'ne eetapela'ajalo jiyaĝa'u jo'ne yataqatelo'te, qaedi e'n nenaĝatedegue ñe'me Jesús gamachaqaegaua uo'oe jo'ne chiyaqayi da'me uajoilo'te ga'me 'laqataqa, qama'le naq'aeta da'me male qoyanot ñe'me jaliaĝanec 'me Roma le'ec jo'ne nejaliaĝatelo'te gaa'me judiopi.

Lucas 18:8

Ami ja'aĝatema queda'me ja nayaloĝode'n da'me de'uolo'te. Qalaĝaja jayem jo'ne Jiyaĝaua Lec'oĝot 'ñiyelaq qomle, qama'le ¿qo'li jauana da'me maliaĝa uo'oe gaa'me jo'ne jayem p'iida'a?

Judas 1:16

Jenjo' jiyaĝadipi yataqachiñe da'me jaĝaiquipi nataq'aen ja chimadichidiñe daa'me 'laqataqa. Nach'edata da'me yelodaque da'me ja no'en jo'ne yepaquetapegue' daa'me nejiyaĝauayaĝaco. Nataq'aen 'yoĝodenaĝayaqa daa'me 'laqataqa, nataq'aen da'me doja'a ga'me laqaya't qama'le yi'yoĝode'n qaedi daquitetapega nale joga'me.