2 Pedro 1:7 - Nuevo Testamento Toba Sombrero Negro

⁷ Nach'e ena'am avichoĝodeñi' gaa'me adaqayadi' qama'le yataqata adoqopichiya ena'uac.

Nuevo Testamento Toba Sur

⁷ qataq da qaÿauotec ca nÿa, qataq da qadsoxoyiqui.

La'aqtaqa Ñim Lo'onatac 'Enauacna 2013

⁷ qataq qauauochec na qaraỹepi maye ỹa'amaqteetac So Cristo, qaq da pa'atec, iuen da qauauochec 'enauac na laỹepi, qaica ca qauỹocheetegueuga.

2 Pedro 1:7 Referans Kwoze

Hebreos 13:1

Ena'te aĝañiñi da'me anoqopichiyapega't, da'me mach'e ami naqaya'.

Romanos 12:10

Ena'am da'me mach'e adanogaĝa'u gaa'me adaqayadi' da'me yataqachiñe adoqopichiyalo, 'uo da'me auepaquitapegalo nale nataq'aen nach'e eta't auaquiya ga'me adaqaya.

1 Ts 3:12

Nach'e ena'am 'noota ta'le Qadejaliaĝanec yataqata ami yanema da'me jalcote da'me nichiguegue da'me adoqopich'ii, qaedi nichigaĝategue da'me anoqopichiyapega't nataq'aen da'me adoqopichiyalo yema ga'me jiyaĝadipi, chayovida'a da'me qo'mi auadenaĝachi da'me yataqata ami qadoqopitalo nale da'me ami.

Gálatas 6:10

Qo'che', qom nach'e eta't jaqanatetaq, je'etaĝama da'me 'noota jogaa'me qadaqaya', qalaĝaja yataqachiñe p'ajaye yecochaĝalo jogaa'me jo'ne quetegue ñe'me Cristo.

1 Juan 4:21

Dios joote qo'mi yanema dojo' lamaĝajoĝonaĝac: queda'me ta'le qadoqopita joñe'me Dios, 'noota qom nach'e ena'am ñoqopitaqapega't.

1 Juan 3:16

Jayatenaq da'me jo'ne yataqata noqopich'i qa'a ena'am ta'le noqopich'i ñe'me Jesucristo, ca'li yanegue da'me nejiyaĝauayaĝac da'me qoyalat qa'a jouaĝat qo'mi. Chane'eja, nach'e naq'aeta qo'mi, 'noota qom yecochaĝanaĝanegueta da'me qanejiyaĝauayaĝac jogaa'me qadaqaya'olqa.

1 Juan 3:14

Jayatenaq queda'me jachiyajaqaue da'me neleuaĝa qama'le nayi jaĝaue da'me qadec'alaĝa; dojo' jayatenaq qa'a qadoqopitalo gaa'me qadaqaya'olqa. Ga'me jo'ne ja noqopita ga'me laqaya maliaĝa uetaue da'me neleuaĝa.

1 Pedro 2:17

Auañema yema da'me aviyamaĝache'tape, nataq'aen yataqata adoqopichiyalo jogaa'me adaqayadi', choqoda'me a'nonaĝachiyegui joñe'me Dios, nataq'aen auoqochiiya ñe'me Roma le'ec jo'ne nejaliaĝatelo'te yema joga'me jiyaĝadipi.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

Colosenses 3:14

Anapaquiyalo'te naa'me naajo' qom anaviquila't joda'me adoqopich'ii, nach'eda necoñeteguet da'me yataqatelegue naqayayaĝac.

1 Pedro 3:8

Chane'eja, 'noota qom aueñi onolec da'me adelnataĝaqui, choqoda'me joĝodayaqa naa'me adai'lidi', nataq'aen da'me ami qopitaĝanaqataqayaqa, choqoda'me ami choĝodenataĝanaĝayaqa, nataq'aen da'me ja ami 'te 'yoĝodenaĝayaqa.

1 Ts 5:15

Auelaĝañitapema ena'uaque jogaa'me jo'ne te'me lelnataĝa'j da'me jetaque yauote lovi' joga'me laqaya, qa'a jena'me jenjo' yataqata ja no'en, dite da'me a'nañaĝachi da'me yataqata a'vichi joga'me 'noota ladic, qa'a jena'me jenjo' yataqata 'noota, da'me mach'e ami anoqopichiila't ena'uaque, nataq'aen aueñe'tema naa'me adaqayadi' jo'ne qaya'alo jo'ne neda'ña jena'me jenjo' aleua.