2 Pedro 1:6 - Nuevo Testamento Toba Sombrero Negro

⁶ Nach'e ena'am anoqochichiñegue da'me auayachiñe da'me anomachi' gaa'me mach'e adamaicodi', choqoda'me yataqata anapogaĝadeñi nataq'aen da'me oqui'tegue ñe'me Dios.

Nuevo Testamento Toba Sur

⁶ qataq da maichi ntel-la't ca shiÿaxaua, qataq qauauo'oi da qadhualaxaviqui, qataq da qoquiitegue ñi Dios,

La'aqtaqa Ñim Lo'onatac 'Enauacna 2013

⁶ qataq ñi 'oonolec da qoñiita da nala'agueta da nllerañi naua qauema lqopitaxanaqtaico. Qataq qauauo'oi da qarhualaxaviqui, qataq qaỹa'añiỹot da qanachaalataxaqui Ñim Lo'onatac 'Enauacna,

2 Pedro 1:6 Referans Kwoze

2 Pedro 1:3

Joñe'me Jesús joote en chiyaqayi da'me mach'e lañoqotaĝanaĝac da'me qo'mi yanema yema ga'me jo'ne youetaque da'me qat'oyaĝac qaedi yataqata qolaqatapegue' joñe'me. Qama'le qo'mi yatetonaĝanaĝaneque joñe'me Qadet'a, nach'eñe jo'ne qo'mi yiyaĝanalo qaedi jaĝaue da'me 'lonaĝac choqoda'me lejaliaĝa jo'ne ja 'nalegue.

Hebreos 10:36

Qa'a maliaĝa auoviñetaque da'me a'nañaĝachiyeguet da'me adachoĝodequi, qaedi auomachi da'me auauoyi da'me laqataĝac joñe'me Dios, qama'le auacoñiyeguet qomle da'me jo'ne joote ami qo'yaĝatema.

Lucas 21:19

¡'noota qom a'nañaĝachela't, qaedi auaqanachichi da'me adec'aliyegue!

Hebreos 12:1

Chane'eja da'me qo'mi, queda'me uo'oe naajo' jiyaĝa'u jo'ne qayoĝode' 'me qo'mi dajota'ualo, naqaegaua jo'ne joote daloĝonataĝata da'me lepe'e', qama'le 'noota qom cha'li jaĝanaĝadiñi yema naa'me jo'ne qo'mi nauatapegueta choqonaa'me mach'e qadoeco jo'ne e'n qo'mi lecoñetae's. Qa'a da'me qadadiquiaĝac ena'am ta'le ga'me ñaqalegoĝojoĝoc, qama'le 'noota qom yataqata qo'mi vidiaqayaqa, yataqata 'ñañaĝataĝaguet da'me qomitaĝac jo'ne qo'mi ue'tajopa, da'me jo'ne mach'e jajoqo'tague.

1 Corintios 9:25

Nataq'aen yema ga'me qomitaĝaiquipi jalcote da'me qoyapaĝague'n qaedi naqachiñe ga'me lomataĝanaĝat jo'ne ch'e epaq layoqote 'me paja'a daqaqa; qo'mi qamqa'me ñapaĝaguenaĝala't qaedi ñaqatajoĝoñi ga'me qadomataĝanaĝat jo'ne ja yitaĝa pal.

Tito 2:2

Gaa'me 'yaĝaicachidi 'noota qom ja quejaĝayaqa, 'uo da'me nauategaĝa'j nataq'aen joĝodayaqa, nataq'aen 'noota qom yataqachiñe p'iida'a da'me yataqatelegue napaĝaguenataĝanaĝac, 'noota qom noqopitalo jogaa'me laqaya'olqa, nataq'aen naloteguet ta'le napogaĝadenegueta joda'me lachoĝodeco.

Gálatas 5:23

Qo'mi joĝodayaqa, nataq'aen jayatenaq da'me ñomata' gaa'me ch'e qadamaico. Qom naq'aeta da'me qat'oyaĝac, qama'le ja qoyouetaque ga'me namaĝajoĝonaĝac.

Apocalipsis 14:12

¡Male qoyauana da'me eeta da'me napogaĝadenaĝa'j ga'me Dios lec'oqo'tepi, nach'egaua jo'ne yoqocha'alo naa'me lamaĝajoĝonaĝaco ñe'me Dios nataq'aen da'me ja yaĝadiñi da'me yataqata p'iida'a ñe'me Jesús!

Apocalipsis 2:2

Joote jayaten yema da'me auauoyi, nataq'aen jayaten da'me 'uo da'me laqalaic da'me jo'ne at'onataĝanaĝaqui, choqoda'me nach'e eta't da'me ja aĝañiñi, nach'e ena'am jayaten da'me ja auaqanachichi ta'le anapogaĝadeñiyegueta jogaa'me jiyaĝa'u jo'ne ja 'noe'n, qama'le nach'e ena'am jayaten da'me analoqochiñe nale jogaa'me jo'ne eetapela'ajalo Dios lamaĝa's qalaĝaja ja naqaegaua, qama'le auanomiya'a da'me nach'egaua jo'ne pecayaqa.

Tito 1:8

'Noota qom ja naq'aeta, dite da'me yelo'ogueta gaa'me jo'ne yec'adeta ga'me 'lachaqa', 'noota qom jiyaĝaua jo'ne onaĝaicaloec, yataqachiñe joĝodaic, yataqatelegue, ja 'nalegue, nataq'aen mach'ega yayaten ta'le ja yaqa'a ga'me ye'et.

1 Ts 1:3

Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.

Colosenses 1:11

Jajelaĝanoqot joñe'me qaedi en chiyaqayi da'me p'ajaye lañoqotaĝanaĝac da'me ami 'yañaqate't, qaedi naq'aeta da'me auaqanachichi ta'le anapogaĝadeñiyeguet ena'uac nataq'aen 'uo da'me at'añaĝaqui choqoda'me adamaiqui.

2 Corintios 6:4

Yema ga'me jauoqo nale, jaloĝonaq queda'me qo'mi lamaĝa's ñe'me Dios, nataq'aen 'uo da'me qanapogaĝadenaĝac da'me yema ñeualaĝaenaĝaguet. Jalcote 'uo da'me qadachoĝodec nataq'aen jalcote gaa'me qadaqalaico choqodaa'me qadouenaĝanaĝaco. Joote qo'mi qoye'uaĝaneque jaga'me 'uaĝanaĝanaqate.

Romanos 8:25

Qalaĝaja qom jona'li jauanaĝa ga'me jeuataqataque, qama'le ja jaĝanaĝañi da'me jeuataqataque.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

Hechos 24:25

Qalaĝaja ca'li Pablo male 'yaĝatetac da'me 'noyaĝac jo'ne chimaqachiñe, da'me nomat da'me 'loyaĝac ga'me jiyaĝaua, nataq'aen ga'me nec'atenaĝanaĝac qom'te, Félix t'oiyapega qama'le enaac: —Paja'a oc nayi. Mach'e yitaĝa am jiyaĝana qom 'uo ga'me yedaqa'.

Lucas 8:15

Qalaĝaja jaga'me petapi lae jo'ne tachi'ña ga'me aleua jo'ne 'noota, nach'egaua jiyaĝa'u jo'ne 'noote' ga'me lai'li nataq'aen niyamaĝateta'ajalo da'me domachita da'me Dios 'laqataĝanaĝac, qama'le yoqochideta nataq'aen 'nañaĝatela'ajalo qaedi chimadichidiñe, nach'e ena'am 'nañaĝatela'ajalo gaa'me chiyaqayilo jo'ne jalayaĝa'j.”

Romanos 15:4

Qa'a ena'uaque gaa'me qoyediñe joca'li gaa'me noloqo'ote 'me joote yenoĝodegue, qoyedidiñe qaedi qo'mi yapaĝague'n, qaedi chiyaqayilo jogaa'me male qanañaĝaden nataq'aen da'me qo'mi qoloyaĝanate't qaedi 'uo da'me qadeuataqataĝanaĝac.

Apocalipsis 13:10

“Jogaa'me jo'ne yeloteda'a da'me necoñetague'j, Nach'egaua gaa'me jo'ne qoyecoñe't qomle. Nataq'aen jogaa'me jo'ne yeloteda'a da'me yeletem ga'me liaĝa ga'me nedaĝanaĝat, Nach'ega ga'me nedaĝanaĝat liaĝa da'me yala't qomle.” Chane'eja male qoyauana da'me eeta da'me napogaĝadenaĝa'j joga'me lec'oqo'tepi joñe'me Dios choqoda'me lepi'iyaĝa'j.

Apocalipsis 1:9

Jayem Juan 'me mach'e jayem adaqayai, qama'le qo'mi nepi'iyaĝa'u da'me qademe'teguet joñe'me Jesús. Qo'che' 'uo da'me qadachoĝodec nayi, nataq'aen 'uo da'me qat'añaĝac da'me qaedi ñapogaĝadenaq, chayovida'a da'me yataqata jouaqataue da'me lejaliaĝa joñe'me Dios. Da'me jayem jonetalegue ca'li di'me comadaĝa jo'ne lenaĝat da'me Patmos, yajouaĝat da'me ja'aĝate'tape naa'me 'laqataĝanaĝaco joñe'me Dios, nach'enaua jo'ne dechoqotaĝatec joñe'me Jesús.

2 Pedro 3:11

Yema gaa'me uo'oe male qoyolaĝachigui qomle. Chane'eja da'me ami, ¡'noota qom let'adaic da'me anetelaĝaqui nataq'aen da'me nach'e eta't aueñi yoqovita da'me at'oyaĝaqui da'me oquitapegue' ñe'me Dios!

Hebreos 6:15

Qama'le ñe'me Abraham 'uo da'me napogaĝadenaĝac let'adaic, chayovida'a da'me yovida'a da'me male yaconeguet da'me jo'ne Dios joote 'yaĝatem.

Hebreos 6:12

Chane'eja da'me ami, 'noota qom ja adouali, dite da'me auadenaĝachi' gaa'me jo'ne nach'e eta't p'iida'a joñe'me Cristo nataq'aen da'me 'nañaĝadeteguet ena'uac, qama'le yacoteguet da'me qoyen loĝo't jo'ne joote Dios yaloĝon.

Tito 1:1

Jayem Pablo, jo'ne lalemaĝajet ñe'me Dios, nataq'aen jayem Jesucristo lamaĝajec qaedi jeda'alo da'me 'laqataĝanaĝac jogaa'me jo'ne joote yiyota'alo ñe'me Dios, qaedi p'iida'a joñe'me, nataq'aen qaedi yateto'n da'me yataqatelegue. Nach'eda jo'ne yapaĝagueneque jogaa'me da'me qaedi ye't ga'me jo'ne yepaquetapega joñe'me Dios,

2 Timoteo 3:5

Nalaĝayelo da'me eetedapega 'uo ga'me lepe'e', qalaĝaja yataqata yoqolegue't da'me qadepe'e ladic. Ena'te ta'le ch'e cholic da'me aualegouelo naa'me naajo' jiyaĝa'u,

1 Timoteo 6:11

Qalaĝaja da'me am Dios nejoĝonec, 'noota ta'le oca'ae naa'me naajo' ja qoyiyamaĝade'n. Nach'e eta't auen yataqatelegue da'me anejiyaĝauayaĝac, auen yelo'ta joñe'me Dios, nataq'aen aua'uo da'me adepe'e, auaconeguet da'me adoqopich'i, da'me am 'uañaĝaicolec nataq'aen da'me yataqata am joĝodaic.

1 Timoteo 6:6

Yataqata 'noota da'me nepe'e ladic, eja nach'ega joga'me chiyaqayi da'me neuoyaĝac; qalaĝaja qoyiyamaĝaden qom jiyaĝaua nach'e eta't matac, 'nonaĝachigui joga'me ja let'adaic ga'me yauana.

1 Timoteo 6:3

Qom 'uo ga'me dapaĝaguenataĝaneque gaa'me mach'e lelnataĝaco jo'ne ja 'yamaqate'n da'me napaĝaguenataĝanaĝac jo'ne yataqata eja 'me chiyoqo'ot joñe'me mach'e Qadejaliaĝanec Jesucristo, chayovida'a ja yeuaten da'me mach'e qadepe'e ladic,

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

1 Timoteo 2:10

Qom jaga'me yauo jetaque ya'uo ga'me onaĝaic 'netaĝac, 'noota ta'le en onaĝaic ga'me en yelo'teguet, qa'a nach'eda da'me eeta da'me 'netaĝac jaga'me yauo jo'ne eetapela't 'nonaĝachigui ñe'me Dios.

1 Timoteo 2:2

Nataq'aen anetameñilo'te nale gaa'me p'ajodaye nataq'aen jogaa'me jaliaĝanaqa, qaedi 'uo da'me qat'achaqa'yaĝac 'me 'noota, uotaĝa qo'mi yataqata machidiñe, choqoda'me 'uo da'me qadepe'e chayovida'a onaĝaic da'me qadoec.

2 Ts 3:5

Qama'le ñe'me Qadejaliaĝanec ami lecochiyalo qaedi yataqata adoqopichiyalo gaa'me adaqayadi', ena'am ñe'me Dios yataqata yema noqopitalo ga'me jiyaĝadipi, nataq'aen yataqata ami yanema da'me anapogaĝadenaĝaqui 'me ena'am da'me napogaĝadenaĝac joñe'me Cristo.

2 Ts 1:4

Qama'le nayi yataqata 'uo da'me qadamaic nale ami jenataqa'talo nataq'aen ami ja'aĝataqa'tape nale 'uo ga'me jouaqa'ta na'me tamenaĝaiqui jena'me jenjo' aleua jo'ne mach'e Dios 'lemaqa. Nataq'aen da'me jayatenaq na'me ovi'ta yataqata 'uo ga'me laqalaic da'me jenjo' 'noota, chayovida'a da'me 'uo ga'me adachoĝodequi, qalaĝaja yataqata ami ejoda da'me auep'iiya'a joñe'me Qadet'a Dios.