2 Pedro 1:5 - Nuevo Testamento Toba Sombrero Negro

⁵ Chane'eja 'noota qom a'nañaĝachiyeguet da'me aviyamaĝacheta't da'me adepi'i jo'ne onaĝaic, qama'le anoqochiñegue da'me adiyamaqataĝanaĝaqui choqoda'me adayatenaĝanaĝaqui.

Nuevo Testamento Toba Sur

⁵ Qaq ÿoqo'oyi sa ishit qome da ndoteec da qadpi'iÿaxaqui. Nataq'en qanpogoxoiñiÿapegue' da huo'o ca no'on qadataxaqui, qataq ca qadauattonaxanaxaqui,

La'aqtaqa Ñim Lo'onatac 'Enauacna 2013

⁵ Qaq ỹoqo'oye, da iqataxac no'on da ỹataqta qanpogoxoiñiỹapegue' da: qaua'añaxachiichiguiñi da qarpi'iỹaxaqui Ñim Lo'onatac 'Enauacna qataq qana'añaxache da qauo'oche ca ỹaỹamaqchiguiñi, qataq qanpogoxoiñiỹapegue' da ỹataqta qauauattoñiita Ñim Lo'onatac 'Enauacna,

2 Pedro 1:5 Referans Kwoze

Filipenses 4:8

Ami yaqaya'olqa, jeetapega naq'aeta jenjo' 'yaqatac nayi. 'Noota qom analoqochiñe nale jena'me jenjo' 'noota ladic, chayovida'a da'me jo'ne yataqata qo'nonaĝachigui. Qama'le nach'e eta't auenache'ta da'me eja nataq'aen da'me chimaqachiñe, da'me yataqatelegue nataq'aen da'me ja 'nalegue, da'me onaĝaic nataq'aen da'me qoyiyamaĝaden.

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.

2 Pedro 1:10

Chane'eja ami yaqaya'olqa, yajouaĝat da'me Dios ami yiyaĝanalo ca'li qama'le nayi male ami liquiyaqa, 'noota qom auepaquitapega da'me dojo' qaedi nach'e eta't nichiquetajeguem da'me adepi'i, qa'a qom naq'aeta da'me auauoyi qama'le ja yitaĝa ta'le auapolegaĝañi.

Hebreos 6:11

Da'me qo'mi yataqata 'uo da'me qadamaic ta'le onolqa'tape da'me ami nach'e eta't oquitalegue da'me adaloĝonataĝanaĝaqui chayovida'a qom yovita ga'me nolo' jo'ne p'ategue, qaedi yataqata yepaquichigui yema da'me mach'e adeuataqataĝanaĝaqui.

Filipenses 1:9

Ñachoĝodetapecot joñe'me Dios qaedi nach'e eta't en nichiquetedaye da'me anoqopich'iya't, qaedi yataqata qoyayaten nataq'aen qaya'te ami qoyec'ateneque,

2 Pedro 3:14

Chane'eja, ami yaqaya'olqa, da'me cha'li auachetaque da'me dojo', 'noota qom ena'te aueñi qalaq da'me dojo', qaedi ñe'me Dios ami yauanalo da'me 'uo da'me at'emaĝaqui, nataq'aen yema da'me ami yoqovite' choqoda'me qaya'te adaviyaĝaje'che.

Hebreos 11:6

Qalaĝaja gaa'me jo'ne qaya'te lepe'e' ja yaqanate't ta'le yiyamaĝade'n ñe'me Dios, qa'a gamachaqaega ga'me jo'ne jetaque yec'ata joñe'me, cha'li 'uaeñe youetaque da'me 'yamaqaten joñe'me da'me eja da'me 'uo, qama'le nataq'aen 'yamaqaten da'me ya'uo ga'me lomataĝanaĝa't gaa'me jo'ne yelotedaque.

Efesios 5:17

Chane'eja ena'te ami chiyoĝo's, dite da'me yataqata anachoĝodeñiyot joñe'me Dios, qaedi ami yaloĝonalo joga'me 'noota ta'le a'vichiye.

Filipenses 2:12

Ami yaqaya'olqa, ca'li maliaĝa ami jouetauelo, yataqata jayem auoqochiiya nale 'uo ga'me ami jamaĝalo'te. Qama'le nayi da'me jayem qaya'a, jetaque nach'e ena'am auauoyi nale ga'me ami jamaĝalo'te. Chane'eja nach'e eta't a'nañaĝachi da'me a'nonaĝachiyegui joñe'me Dios qaedi yataqata ami 'noote', qaya'te auoviñetaque.

Colosenses 2:3

Qa'a nach'eñe ue'tajopa ena'uaque daa'me nayatenaĝanaĝaco nataq'aen daa'me natetonaĝanaĝaco.

Juan 6:27

Da'me ami, a'uonataĝañi, qalaĝaja ja a'uonataĝañetapiye ga'me nalic jo'ne di'yoq, dite ga'me niqui'yaĝat jo'ne nach'e eta't 'uo, 'me chiyaqayi da'me 'nec'alaĝa jo'ne qaya'te loiquiaqa', da'me jo'ne janegue, da'me jayem jo'ne jayem Jiyaĝaua Lec'oĝot, naqayem jo'ne jayem daloĝonataĝana ñe'me Qadet'a Dios, queda'me naqayem jo'ne jayem 'yamaqaten.

Lucas 24:21

“Qo'mi 'uo da'me qadajoĝonataĝanaĝac queda'me nach'eñe de'uolegue qomle jena'me 'naleua di'me Israel. Qalaĝaja nayi joote yenoĝodegue gaa'me tres noloqo'ote da'me 'uo da'me dojo'.

Colosenses 1:9

Qo'che' da'me qo'mi, chiyoqotelegue jo'me nolo' ca'li ami janoma'alo, ja jaĝanaĝañi da'me ami jajelaĝanaĝalo'te nataq'aen jajelaĝanaqatapecot joñe'me Dios qaedi yataqachiñe ami yayatenaĝanaĝaneque da'me loequenataĝanaĝac, choqogaa'me yodapecache nayatenaĝanaĝaco nataq'aen gaa'me netadenataĝanaĝaco 'me ami yanema joñe'me Lepaqal.

1 Pedro 3:7

Qama'le naq'aeta da'me ami le'mi jo'ne joote a'uoñi, 'noota qom auayachiñe da'me aueloyeguet joda'me adouayaĝaqui, qama'le auañema da'me netelaĝac jo'ne mach'e loĝot, yajouaĝat da'me ja ena'am da'me 'lañaĝa'j jogaa'me yauo'. Nataq'aen 'noota qom qo'nonaĝachidegue gaa'me yauo', qa'a nach'e ena'ama da'me qoyiyaĝanalo qaedi ne'uaĝada'uo da'me nec'alaĝa jo'ne chiyaqayi da'me lichoĝodenataĝanaĝac ñe'me Dios. 'Noota qom naq'aeta da'me aueñe'teque qaedi qaya'te 'uo ga'me nauanegueta jogaa'me jo'ne mach'e anetamenaĝacodi'.

Hebreos 12:15

Nach'e eta't da'me adechilela't qaedi qaya'te 'uo joga'me jetaque yeguem da'me loqopich'i joñe'me Dios, uotaĝa ta'le 'uo joga'me jetaque ami 'naĝa't, qa'a dojo' yelagaĝa'j jena'me qadayi qama'le ena'am jaga'me nana jo'ne 'uo ga'me pata' jo'ne chem, da'me t'aĝanataĝanac da'me yedo'n jogaa'me.

1 Corintios 14:20

Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.

Lucas 16:26

Choqoda'me uoja'eda, 'uo di'me uañe laeñi da'me qo'mi nataq'aen jo'ne yataqata qaya'ñgui; qama'le qo'mi da'me jouaqa'ta jenjo' qaya'te yaqanatet ta'le dajoyi na'me naja', nataq'aen ami da'me ovi'ta na'me naja' qaya'te yaqanatet ta'le najoequena.»

2 Pedro 1:11

Qama'le naq'aeta qomle da'me nalo'ta't da'me ami qo'youategueta jogaa'me najo'mi ga'me nejaliaĝa jo'ne qaya'te loiquiaqa', nach'egaua jo'ne lejaliaĝa ñe'me Qadejaliaĝanec mach'e Qadec'alaĝaiqui Jesucristo.