2 Pedro 1:4 - Nuevo Testamento Toba Sombrero Negro

⁴ Naa'me naajo' jo'ne uo'oe, nach'enaua jo'ne chiyaqauelo da'me jo'ne qo'mi 'yaĝatema jo'ne yataqachiñe let'adayaqa nataq'aen da'me jalcote da'me lajo'viyaĝac, qaedi naa'me naajo' jo'ne uo'oe e'n auañoĝochi da'me aneuañiya'uo da'me lajoĝoc ñe'me Dios qama'le nach'e ena'am da'me ami yaĝa'n da'me neleuaĝa jo'ne chiyaqayilo naa'me ja 'noe'n jo'ne lelnataĝaco ga'me loeco lo'olpi 'me uetedalegue jena'me aleua.

Nuevo Testamento Toba Sur

⁴ Qaq chigoqchigui damayi da huo'o mshi qami' ÿanema ñi Dios da ÿachaxanapec co'olloxochiyi mayi ÿataqta lta'adaic qataq qaica ca ivi' da lashiichiÿaxac, da yaqto' chigoqchigui de'eda ÿachaxanapec da qami' ishit da qanhuañiÿau'a da lataxac ñi Dios qataq ishit da qauataiueguesop na ishit da deshipaxanaqtaxan mayi chigaqaigui nam qauem nhuennataxacpi mayi huetalec ana 'alhua.

La'aqtaqa Ñim Lo'onatac 'Enauacna 2013

⁴ Nataqa'en qomi' ỹanema 'enauac nam lataxacpi maye ỹataqta 'onaxaic qataq huo'o da lta'araic naigui maye qomi' ỹachaxanapeguema co'ollaxa. Qaq nache chegoqchigui damaye da qami' ishet da qoñiỹa'am da lataxac Ñim Lo'onatac 'Enauacna, qaq saishet da qoñiỹa'am na shiỹaxauapi 'etaxaloxoicpi maye huetalec ana 'alhua, cha'aye na qauem lqopitaxanaqtaiguesat namayepi, nachena na ilaxachigui na laỹepi shiỹaxauapi.

2 Pedro 1:4 Referans Kwoze

2 Corintios 3:18

Qama'le qo'mi ja qo'mi 'te netayelo ga'me ualoq jo'ne yapadelegue na'me qadatajoĝoc. Jenaqa'am ga'me c'atenaĝanaĝaqui jo'ne yaloĝon da'me 'lonaĝac ñe'me Jaliaĝanec, nach'eñe neleguemaĝat da'me qat'oyaĝac qama'le ñichigaqa'ta da'me jenaqa'am joñe'me, yajouaĝat da'me qo'mi t'onataĝanouelo ñe'me Lepaqal 'me ja 'nalegue.

Colosenses 3:10

Nataq'aen joote auaiñiñe da'me dalaĝaic at'oyaĝaqui 'me nichiquetajeguem, chayovida'a da'me ena'am da'me 'loyaĝac ñe'me Dios, nach'eñe jo'ne A'netoqo'chi, qaedi yataqachiñe nedo'ta't da'me auatetoñi.

Hebreos 12:10

Ca'li qo'mi ñoqolqapi, gaa'me mach'e qadet'al, da'me cha'li 'uo da'me nejiyaĝauayaĝa'j jo'ne jaqaloq, 'uo da'me jo'ne qo'mi yapaĝagueneque qa'a yepetetedapega qaedi qo'mi 'noote' jo' qomle. Qalaĝaja ñe'me Dios male qo'mi yapaĝagueneque da'me jo'ne yataqatelegue qaedi ñauegaĝala't da'me qo'mi yoqovite', chayovida'a da'me jenaqa'am joñe'me.

1 Juan 3:2

Ami yaqaya'olqa, joote qo'mi Dios lec'oqo'tolqa, temaqaedi maliaĝa ja jayatenaq da'me qo'mi di'yoĝoma q'ae'n ga'me qo'mi 'yeteque qom'che. Qalaĝaja, jayatenaq qom di'yo'quena joñe'me Cristo qama'le jenaqa'am joñe'me, qa'a jauanaĝa da'me 'loyaĝac qama'le jatetonaq.

2 Corintios 6:17

Qo'che' nach'e ena'am enaac ñe'me Jaliaĝanec: “'Noota qom auachiyoqoitouelo jogaa'me da'me oquiya'ae. Ena'te auepochi gamachaqaega jo'ne paĝachigui, Qama'le ami jaconegueta.

Gálatas 6:8

Qom qolaqatalo'te daa'me ja 'noe'n lamaico da'me qanejiyaĝauayaĝac, qama'le nale'en qadeleu. Qalaĝaja qom joqochaĝa ñe'me Dios Lepaqal, qama'le jaconaĝaguet da'me nec'alaĝa 'me qaya'te loiquiaqa'.

1 Juan 2:25

Dojo' nach'eda jo'ne qo'mi 'yaĝatema joñe'me Jesucristo da'me 'noyaĝac jo'ne yataqatelegue.

2 Pedro 1:1

Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

Hebreos 9:15

Chane'eja ca'li yeleu joñe'me Jesucristo, male yiyamaĝatetac da'me 'namaqatenataĝanaĝac jo'ne dalaĝaic. Qa'a chiyaqayi da'me leleuaĝa joñe'me, male qoyapalaĝa't jogaa'me loeco joga'me jiyaĝadipi, jogaa'me lejamaĝataĝaco jo'ne e'n 'naĝa't da'me 'namaqatenataĝanaĝac jo'ne 'uaechiñe. Chane'eja nach'egaua ga'me jiyaĝadipi jo'ne joote qoyiyaĝanalo, male yaqanate't ta'le yacoteguet da'me 'noota jo'ne qaya'te loiquiaqa', da'me jo'ne joote qo'yaĝatema joca'li.

2 Corintios 1:20

qa'a nach'eñe ñe'me chiyaqayi da'me yepaquichiguilo ena'uaque ga'me jo'ne joote Dios 'yaĝa'tape jo'ne jetaque yauo'oe. Qo'che' nale 'ñonaĝataĝaye ñe'me Dios, jenaqaac “Jaja'a, nach'e naq'aeta da'me dojo',” chiyoqotelegue ñe'me Cristo Jesús.

Gálatas 3:16

Qama'le nayi, gaa'me jo'ne yaqataĝadiñi ñe'me Dios jo'ne 'yetem ca'li ñe'me Abraham, nach'egaua qoyeloĝonaĝachiguilo ñe'me nataq'aen ga'tae'me c'oĝot. Daa'me nedii's ja 'yaĝatetedac ga'me qoyaqataĝañi ta'le qoyeloĝonaĝachiguilo “gaa'me c'oqo'tepi”, dite da'me qoyeloĝonaĝachigui “ga'me c'oĝot”, jo'ne nach'eñe Cristo.

Romanos 9:4

Jogaa'me mach'e Israel c'oqo'tepi, nataq'aen Dios e'n liaqataqa jogaa'me qaedi ena'am da'me c'oqo'tolqa. Dios uetauelo ca'li jogaa'me, di'yoq q'aen ca'li da'me 'lonaĝa, qama'le yanema da'me yamaĝataĝac, daa'me lamaĝajoĝonaĝaco jo'ne chiyoqodo'ot di'me Moisés, da'me qouenate'ta joñe'me nataq'aen daa'me 'laqataqa 'me 'yaediñi joca'li.

Efesios 4:13

Qom naq'aeta qama'le yema da'me qo'mi qadalo'ta't da'me qademalegue jena'me onaĝaic qadepe'e ladic, qaedi yataqata jatetonaq joñe'me Dios Lec'oĝot, nataq'aen male yemta jovitaĝa da'me qo'mi p'etaqadayaqa jo'ne chimadichidiñe, chayovida'a da'me qadalaje'ma da'me 'loyaĝac joñe'me Cristo jo'ne yataqata ja 'nalegue.

Santiago 1:27

Da'me nepe'e jo'ne qaya'te lale'gue nataq'aen da'me ja paĝachigui jo'ne yec'atetac joñe'me Dios mach'e Qadet'a, nach'eda jo'ne chiyaqayi da'me lecochaĝac, lecochiyalo jogaa'me japelqo't choqogaa'me p'ail jo'ne uetedaue da'me lachoĝode'j, nataq'aen da'me ja yaje'tema ta'le en paĝachiguilo da'me ja no'en jo'ne ueta'ña jenjo' aleua.

2 Pedro 3:9

Uo'oe gaa'me jo'ne eetedapega ja eja da'me 'niyelaĝaquena ñe'me Qadejaliaĝanec, qalaĝaja ja naq'aeta, dite da'me cha'li uayaloĝoden da'me en yepaquichigui da'me jo'ne joote 'yaĝatetac, qa'a yajouaĝat da'me ami neualaĝae'to, queda'me ja 'yamaqaten ta'le 'uo ga'me yeleu, dite da'me yeuate'ta ena'uac da'me 'niyeloqot joñe'me.

2 Pedro 3:13

Qalaĝaja da'me qo'mi jeuataqa'ta ga'me piyem jo'ne dalaĝaic nataq'aen ga'me aleua jo'ne dalaĝaic, nach'egaua jo'ne Dios joote qo'mi 'yaĝatema, qama'le ena'uaque ga'me jiyaĝadipi jo'ne ueda'ña nach'e eta't da'me 'noote' nataq'aen da'me yataqatelo'te.