2 Pedro 1:3 - Nuevo Testamento Toba Sombrero Negro

³ Joñe'me Jesús joote en chiyaqayi da'me mach'e lañoqotaĝanaĝac da'me qo'mi yanema yema ga'me jo'ne youetaque da'me qat'oyaĝac qaedi yataqata qolaqatapegue' joñe'me. Qama'le qo'mi yatetonaĝanaĝaneque joñe'me Qadet'a, nach'eñe jo'ne qo'mi yiyaĝanalo qaedi jaĝaue da'me 'lonaĝac choqoda'me lejaliaĝa jo'ne ja 'nalegue.

Nuevo Testamento Toba Sur

³ Ñi Dios maichi ÿachigoxotchigui da l'añaxac da qomi' ÿanema 'enauac nam iueetac da qanachaalataxac qataq da no'on qadataxac da qolaxague ñimayi co'ollaq qomi' ÿauattonaxanaxanque so Cristo mayi qomi' iÿaxanalo, ÿachigoxotchigui da l'amaqchic qataq dam l'onataxanaxac mayi qaica ca 'en'am da lli'oxoyic.

La'aqtaqa Ñim Lo'onatac 'Enauacna 2013

³ Ñim Lo'onatac 'Enauacna do'ogoxona da la'añaxac da yaqto' qomi' ỹanema 'enauac nam seuenaqtaique, qataq yaqto' ñachaataqtaigui dam ỹataqta 'eetapeguec. Nataqa'en Ñimaye qomi' ỹanema 'enauac de'era co'ollaq qomi' ỹauattonaxanaxaneque So Jesucristo. Qataq chegoqchigui Somaye da qomi' lca'agui'she da yaqto' ñeuanaqaua'a da llo'oxoyec da lo'onataxanaxac.

2 Pedro 1:3 Referans Kwoze

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

2 Timoteo 1:9

Dios joote qo'mi nec'alaĝatedegue nataq'aen nach'eñe qo'mi yiyaĝanalo qaedi jouaqauelo gaa'me lec'oqo'te jo'ne ja 'nalo'te. Jouaĝat taĝa da'me qat'onataĝanaĝac, mac joñe'me Dios nach'eñe lelnataĝac da'me dojo', qa'a joote qo'mi noqopitalo ca'li maliaĝa ja ye'et jena'me aleua, qama'le qo'mi yamaĝalo joñe'me Cristo Jesús.

Romanos 8:32

Qom Dios ja qo'mi 'te nematapeque, nataq'aen ñe'me mach'e C'oĝot, dite da'me yanoue da'me leleuaĝa qa'a jouaĝat qo'mi, da'me qo'mi yanema ñe'me C'oĝot, ¿qo'li ja nach'e ena'am qo'mi yanema ena'uaque gaa'me uo'oe?

2 Corintios 12:9

qalaĝaja Dios jayem 'yateguet: “Da'me yichoĝodenataĝanaĝac nach'edata 'me nalo'taguet yema 'me auouetaque. Da'me yañoqotaĝanaĝac naloĝonoue da'me nachoĝolaĝa.” Chane'eja jayem en ñi'yoĝodetapela't da'me qaya'te 'yañaĝac, qaedi da'me lañoqotaĝanaĝac ñe'me Cristo jayem di'yoĝom.

1 Pedro 2:21

Qa'a naqaeda da'me 'uo da'me ami qoyiyaĝanalo, qa'a ñe'me Cristo 'uo da'me lachoĝodec yajouaĝat joda'me ami, qama'le qoyaloĝon da'me nach'eñe jo'ne jetaque qoyadenaĝat qaedi qota'ya da'me ladic.

2 Ts 2:14

Dios ami yiyaĝanalo ca'li jouaĝat da'me yataqata auacoñiyeguet jena'me jenjo' onaĝaic 'naqataĝanaĝac jo'ne ami ja'aĝataĝama ca'li, qaedi nataq'aen male oviyaue da'me 'lonaĝac ñe'me Qadejaliaĝanec Jesucristo.

1 Pedro 2:9

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

1 Ts 2:12

Qama'le ga'me qadet'ayaĝac 'noota ta'le yataqata ami ejoda auauoyi ga'me yataqata qoyiyamaĝaden ga'me yataqata Dios lec'oqo'te joga, jo'ne nach'egaua male yaqanate't da'me uedaue ga'me lejaliaqa' jo'ne yataqata ja 'nalegue nataq'aen da'me qaya'te loiquiaqa' da'me qo'nonaĝachigui.

1 Ts 4:7

Qa'a auayachiñe joñe'me Qadet'a qo'mi yiyaĝanalo qaedi yataqata ja 'nalegue da'me qat'oyaĝac. Chane'eja ena'te oquiyegue joga'me yataqata ja no'en.

1 Pedro 1:15

dite da'me oviyaue qomle da'me adaloi'ta't da'me ami ja 'nalo'te, qa'a joñe'me Dios jo'ne ami yiyaĝanalo yataqachiñe ja 'nalegue.

Efesios 4:1

Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

1 Corintios 1:9

Dios nach'e eta't en yepaquetelegue ga'me jo'ne joote 'yaĝatetac, nataq'aen nach'eñe joñe'me joote ami yiyaĝanalo ca'li qaedi ademii'teguet ñe'me C'oĝot Jesucristo, mach'e Qadejaliaĝanec.

2 Pedro 1:2

'Noota qom nichiquetajeguem da'me lichoĝodenataĝanaĝac joñe'me Dios jo'ne ami yanema, nataq'aen da'me 'nemaĝac, yajouaĝat da'me male auatetoñi joñe'me Qanedios choqoñe'me Jesús mach'e Qadejaliaĝanec.

2 Pedro 1:5

Chane'eja 'noota qom a'nañaĝachiyeguet da'me aviyamaĝacheta't da'me adepi'i jo'ne onaĝaic, qama'le anoqochiñegue da'me adiyamaqataĝanaĝaqui choqoda'me adayatenaĝanaĝaqui.

1 Pedro 3:9

Ena'te a'viyelaĝachiyeguet ga'me ja no'en joga'me ja no'en jo'ne ami qo'yeteque, uotaĝa ga'me anejouenaguequi, dite da'me a'viyelaĝachiyeguet da'me adichoĝodenataĝanaĝaqui, qa'a joñe'me Dios ami yiyaĝanalo joca'li qaedi auacoñiyeguet da'me mach'e lichoĝodenataĝanaĝac.

Colosenses 1:16

Qa'a chiyaqayi joñe'me Cristo, ñe'me Dios ye't joca'li ena'uaque gaa'me uo'oe: gaa'me ueteda'ague di'me piyem nataq'aen gaa'me uetedalegue jena'me aleua, gaa'me di'yo't nataq'aen gaa'me ja di'yo't, gaa'me uo'oe jo'ne ja di'yo't 'me nejaliaĝatedelegue jena'me aleua, jo'ne 'uo da'me lañoqotaĝanaĝa'j choqoda'me 'lañaĝa'j. Ena'uaque gaa'me uo'oe qoye'tema joñe'me qama'le qoye'n lalemaĝaje'te joñe'me.

1 Timoteo 4:8

Qa'a jayatenaq qom jiyaĝaua nach'e eta't da'me ni'yetac male yataqata 'noota da'me nejiyaĝauayaĝac, qalaĝaja da'me Dios loqopich'i yema uauelo jogaa'me p'iida'a, male yataqata jouaqaue joda'me 'noyaĝac jo'ne yataqata onaĝaic, naa'me naajo' noloqo'ote chayovida'a qom jovitaĝague joñe'me.

Efesios 4:4

Qa'a jena'me Dios lec'oqo'tepi onolec da'me 'loyaĝac, nataq'aen onolec ñe'me Dios Lepaqal jo'ne qo'mi uetauelo, nataq'aen onolec da'me jepagaqatapega, nach'eda da'me nec'alaĝac jo'ne Dios qo'mi yiyaĝanalo qaedi jaĝaue.

Filipenses 4:8

Ami yaqaya'olqa, jeetapega naq'aeta jenjo' 'yaqatac nayi. 'Noota qom analoqochiñe nale jena'me jenjo' 'noota ladic, chayovida'a da'me jo'ne yataqata qo'nonaĝachigui. Qama'le nach'e eta't auenache'ta da'me eja nataq'aen da'me chimaqachiñe, da'me yataqatelegue nataq'aen da'me ja 'nalegue, da'me onaĝaic nataq'aen da'me qoyiyamaĝaden.

Mateo 28:18

Jesús nichiidi'uo jogaa'me qama'le yanema da'me laqataĝac, enaac: —Dios joote jayem yachalegue da'me yañoqotaĝanaĝac let'adaic, qaedi ñejaliaĝatelo'te yemeda gaa'me ueteda'ague di'me piyem nataq'aen gaa'me uetedalegue jena'me aleua.

Hebreos 1:3

Queda'me naqaeñe jo'ne laqaselegaĝac da'me 'lonaĝac joñe'me Dios, nataq'aen da'me 'loyaĝac joñe'me ena'am da'me 'loyaĝac joñe'me Dios. Qama'le naa'me 'laqataqa joñe'me C'oĝot 'uo da'me lañoqotaĝanaĝa'j qaedi nelaĝatetedañe ena'uaque naa'me naajo' jo'ne uo'oe. Chane'eja ca'li yomat da'me ena'am ta'le qo'mi yiyo'y qaedi qoyapalaĝa't naa'me mach'e qadoeco, qama'le neta'ña di'me yayaten joñe'me Dios, da'me male na'ague di'me piyem jo'ne lejaliaqa'.

1 Pedro 1:5

Yajouaĝat da'me adepi'i jo'ne ami uetauelo, joñe'me Dios jo'ne 'uañaĝaic yataqata ami de'uolo'te, qaedi ami yovidaĝateda'a da'me nec'alaĝa jo'ne mach'e liyamaqatac, jenjo' jo'ne qoyaloĝon jo' qom'te jogaa'me noloqo'ote jo'ne p'atedegue.

Romanos 9:24

Naq'aeta da'me Dios qo'mi yiyaĝanalo, uo'oe gaa'me chiyaqauelo joga'me judiopi qama'le gaa'me laqaya' chiyaqauelo joga'me jo'ne ja judiopi.

Filipenses 3:8

Qama'le yema jo'me 'yonataĝanaĝac ca'li, yataqata jaĝañi nayi, qa'a jouaĝat da'me male yataqata jateton joñe'me Jesucristo mach'e Yejaliaĝanec, qama'le nach'ena na'me yatetonaĝanaĝac jo'ne yataqata onaĝaic. Chane'eja joote jaĝañi yema da'me 'yonataĝanaĝac ca'li, qa'a yataqata jen ja no'en, qaedi jepitaqatenac da'me male joue'tajop joñe'me Cristo

2 Pedro 1:6

Nach'e ena'am anoqochichiñegue da'me auayachiñe da'me anomachi' gaa'me mach'e adamaicodi', choqoda'me yataqata anapogaĝadeñi nataq'aen da'me oqui'tegue ñe'me Dios.

2 Pedro 1:8

Qom naq'aeta da'me aueñi adoqochidi' naa'me naajo' jo'ne uo'oe nataq'aen da'me anichiyaĝachiyegue, qama'le da'me at'oyaĝaqui 'uo ga'me chiyaqayi qomle, qa'a ja ch'e yajamaĝajaye da'me auatetoñi ñe'me Jesucristo mach'e Qadejaliaĝanec.

2 Pedro 1:10

Chane'eja ami yaqaya'olqa, yajouaĝat da'me Dios ami yiyaĝanalo ca'li qama'le nayi male ami liquiyaqa, 'noota qom auepaquitapega da'me dojo' qaedi nach'e eta't nichiquetajeguem da'me adepi'i, qa'a qom naq'aeta da'me auauoyi qama'le ja yitaĝa ta'le auapolegaĝañi.

2 Pedro 2:20

Qalaĝaja gaa'me jo'ne joote yaĝa'n daa'me ja 'noe'n jo'ne yodapecache 'me ueteda'ña jenjo' aleua qama'le yateto'n joñe'me Qadejaliaĝanec mach'e Qadec'alaĝaiqui Jesucristo, qom yitaĝa naje'teguet da'me lecoĝoque naa'me naajo' ja 'noe'n ta'le yitaĝa nejaliaĝatelo'te jogaa'me, qama'le nach'egaua jo'ne male 'uo da'me lachoĝode'j 'me ja ena'am da'me jo'ne 'uaechiñe.

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.