2 Pedro 1:17 - Nuevo Testamento Toba Sombrero Negro

¹⁷ Jauanaĝa ca'li ñe'me Qadet'a Dios da'me yanem da'me li'yoĝodenataĝanaĝac nataq'aen da'me en 'lonaĝac, joca'li 'uo da'me 'laqatac joñe'me Dios jo'ne eetac: “Jenjo' jo'ne mach'e Yalec 'me ñoqopitaĝaua: nach'ena jo'ne mach'e yiquiyac.”

Nuevo Testamento Toba Sur

¹⁷ Qataq sauanaqchigui co'ollaq ñi qadta'a Dios ÿanem somayi da ñi'oxonnataguec qataq da lli'oxoyic. Qataq so l'aqtac mayi qaica ca 'en'am da lli'oxoyic 'eeta': “'Eda da ÿalec mayi ÿataqta ÿauotaxat, damayi ñitootapeguec.”

La'aqtaqa Ñim Lo'onatac 'Enauacna 2013

^17-18 Qomi' sauanaqchigui co'ollaq Ñim Lo'onatac 'Enauacna maye Nta'a, dam ỹo'otec So Jesús da lta'araic 'enec qataq ỹachaxan dam qaica ca 'ena'am llo'oxoyec Somaye. Qaq nache huaña añi saqaỹoqotcheguemec 'alhua maye sa qaishetapec da sa'axasoqchigui co'ollaq Ñim qaica ca 'ena'am da la'amaqchec qataq da llo'oxoyec co'ollaq 'eeta': «'Ena na Ỹalec. Aỹem ỹataqta ỹauotaxat namaye, qataq ỹo'ot da ỹamaicỹaxac.»

2 Pedro 1:17 Referans Kwoze

Marcos 9:7

Qama'le ua'a ca'li needañe ga'me piyem lo'oc jo'ne yapadelo'te jogaa'me. Nataq'aen queda'me chimaqapegoue joga'me lo'oc ga'me nejamaĝa jo'ne enaac: “Jenjo' mach'e yalec jo'ne jauotec: ¡anaquiaĝañiya!”

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Mateo 3:17

Nataq'aen qodomachiya ga'me nejamaĝa jo'ne chimaqapije'ma di'me piyem, 'me enaac: “Jenjo' mach'e yalec 'me jauotec, nach'ena jo'ne yataqachiñe yiquiyac.”

Lucas 3:22

qama'le ñe'me Dios Lepaqal di'yoĝoja da'me nenochi'ña joñe'me, ena'am ga'me doqoto'. Nataq'aen queda'me qodomachiya ga'me najamaĝa 'me chimaqapije'ma di'me piyem, jo'ne enaac: —Am yalec jo'ne jauotec, mach'e am jo'ne yataqata Yiquiyac.

Marcos 1:11

Nataq'aen queda'me qodomachiya ga'me nejamaĝa jo'ne chimaqapije'ma di'me piyem jo'ne enaac: “Am yalec jo'ne jauotec, mach'e am jo'ne yataqata yiquiyac.”

Mateo 12:18

“Jenjo' mach'e yalemaĝajet, Naqaena jena'me yataqachiñe yiquiyac, Nataq'aen mach'e jauotec Choqoda'me ñetotapec. Janoue ñe'me Yepaqal Qaedi 'yaĝatetapema joda'me yataqatelegue joga'me noyaqapi.

Juan 3:35

Ñe'me Net'a 'uo da'me loqopich'i ñe'me Lec'oĝot, chane'eja yanem da'me lañoqotaĝanaĝac qaedi nejaliaĝatelo'te ena'uac gaa'me uo'oe.

Juan 5:26

Qa'a naq'aeta joñe'me Taĝadena' 'uo da'me mach'e lec'alaĝa da'me jo'ne mach'e 'loyaĝac, qama'le nach'e ena'am jayem yanem yema da'me 'yoyaĝac jo'ne 'uo da'me yec'alaĝa.

2 Juan 1:3

'Noota qom Dios mach'e Qadet'a, nataq'aen Jesucristo, jo'ne Lec'oĝot joñe'me Qadet'a, ami yecodelo'te da'me leyalaqataĝanaĝac nataq'aen ami yanema da'me anichoĝodenataguequi nataq'aen da'me at'emaĝaqui, qa'a yataqatelegue joñe'me, nataq'aen yataqachiñe ami noqopitalo.

Lucas 10:22

“Ñe'me Taĝadena' jayem yanema ena'uaque gaa'me jo'ne uo'oe. Qaya'te yayaten jach'e ñe'me Nec'oĝot, dite ñe'me Taĝadena' jayem yateton. Nataq'aen qaya'te yayaten jach'e jogamaĝa Net'a, dite jayem mach'e C'oĝot jateton, nataq'aen ena'uaque jogaa'me jo'ne jetaque jatetonaĝaneque ñe'me Taĝadena'.”

2 Corintios 1:3

'Noota qom 'ñonaĝataĝaye ñe'me Nedios nataq'aen Let'a ñe'me Qadejaliaĝanec Jesucristo, nach'eñe ñe'me Qadet'a jo'ne choĝodenataĝanaĝaic nataq'aen Dios jo'ne 'uo da'me loyaĝanataĝanaĝac.

2 Corintios 11:31

Ñe'me Dios nataq'aen Let'a ñe'me Qadejaliaĝanec Jesús, jo'ne nach'eñe qoyanem da'me nach'e eta't qo'nonaĝachigui, nach'eñe yayaten queda'me ja joqovinaĝatac.

Juan 17:21

Am ñachoĝodenot qaedi yemeda naa'me naajo' da'me nach'e eta't nalo'ta't; qama'le ena'am da'me am Taĝadena' jayem oue'tajop qama'le da'me jayem nach'e ena'am am jone'tajop, nataq'aen naa'me naajo' qo'mi ue'tajopa, qaedi joga'me aleua laje'pi ja yoqolegue't da'me naqa'am jo'ne jayem anamaĝaquena.

Judas 1:1

Jayem Judas 'me jayem lalemaĝajet joñe'me Jesucristo, nataq'aen jayem lanoqolec joñe'me Santiago, ami janema naa'me naajo' yedii's, da'me ami jo'ne ami noqopitalo joñe'me Qadet'a Dios nataq'aen ami netelalo joñe'me Jesucristo, qa'a joote ami yiyaĝanalo joñe'me Qadet'a, ami yiyota'alo qaedi yataqachiñe ami e'n lec'oqo'tepi.

Juan 6:27

Da'me ami, a'uonataĝañi, qalaĝaja ja a'uonataĝañetapiye ga'me nalic jo'ne di'yoq, dite ga'me niqui'yaĝat jo'ne nach'e eta't 'uo, 'me chiyaqayi da'me 'nec'alaĝa jo'ne qaya'te loiquiaqa', da'me jo'ne janegue, da'me jayem jo'ne jayem Jiyaĝaua Lec'oĝot, naqayem jo'ne jayem daloĝonataĝana ñe'me Qadet'a Dios, queda'me naqayem jo'ne jayem 'yamaqaten.

Juan 6:39

Qama'le da'me jo'ne lelnataĝac joñe'me, ja jetaque 'uo ga'me onolec jo'ne yejomac gaa'me jo'ne jayem qoyanema, qa'a naqayem jo'ne en 'ñiyelaĝachidijeguem qom yovita ga'me nolo' jo'ne p'ategue.

Juan 20:17

Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

Juan 10:36

Chane'eja qom jayem en yataqatelegue ñe'me Dios, male jayem namaĝa'ña jenjo' aleua, qama'le ¿toqoch'e anenaĝachiyegue da'me 'ñaĝat queda'me ja 'noote' naa'me 'yaqataqa, da'me ñenaĝategue da'me jayem Lec'oĝot ñe'me Dios?

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 10:15

Qama'le nach'e ena'am da'me jayem yateton ñe'me Taĝadena' nataq'aen da'me jayem jateton ñe'me Taĝadena', qama'le janegue da'me 'yoyaĝac qaedi ñec'alaĝatedegue jogaa'me 'naĝanaĝatel.

Mateo 17:3

Qama'le ñaa'me lapaĝaguenataqa ñe'me Jesús yauata ñe'me Moisés nataq'aen Elías da'me dojetedapegue' ñe'me Jesús.

Juan 14:11

Ena'te jayem auoqoleguechi dite da'me jayem a'uamaqachiñe queda'me jenaac da'me jone'tajop joñe'me Taĝadena', nach'e ena'am joñe'me Taĝadena' jayem ne'tajop; qalaĝaja qom ja auaqanachichi ta'le jayem auep'iiya'a yajouaĝat da'me jenaac, qama'le maqachaĝa jayem auep'iiya'a yajouaĝat naa'me mach'e 'yonataqa.

Juan 6:37

Ena'uaque gaa'me jiyaĝa'u jo'ne jayem yanema joñe'me Taĝadena', jayem nec'adeta qama'le da'me jayem ja je'uotapegueta.

Romanos 15:6

qaedi ena'uaque ami adaloi'ta't, da'me onolec ga'me nejamaĝa a'nonaĝachigui ñe'me Dios mach'e let'a ñe'me Qadejaliaĝanec Jesucristo.

Mateo 28:19

Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

Juan 5:20

Qa'a ñe'me Taĝadena' jayem noqopita nataq'aen da'me jayem yaloĝonalo ena'uaque jogaa'me uo'oe jo'ne 'lonataqa, nataq'aen jogaa'me 'lonataqa laqaya' jo'ne let'adayaqa nach'e ena'am jayem yaloĝonalo qomle, qaedi ami ua'ajopa qomle da'me auoqoch'iyem.

Hebreos 1:3

Queda'me naqaeñe jo'ne laqaselegaĝac da'me 'lonaĝac joñe'me Dios, nataq'aen da'me 'loyaĝac joñe'me ena'am da'me 'loyaĝac joñe'me Dios. Qama'le naa'me 'laqataqa joñe'me C'oĝot 'uo da'me lañoqotaĝanaĝa'j qaedi nelaĝatetedañe ena'uaque naa'me naajo' jo'ne uo'oe. Chane'eja ca'li yomat da'me ena'am ta'le qo'mi yiyo'y qaedi qoyapalaĝa't naa'me mach'e qadoeco, qama'le neta'ña di'me yayaten joñe'me Dios, da'me male na'ague di'me piyem jo'ne lejaliaqa'.