2 Pedro 1:12 - Nuevo Testamento Toba Sombrero Negro

¹² Chane'eja nach'e eta't da'me ja jaĝañi da'me ami ñetouenaĝanaĝaneque yema da'me dojo', queda'me joote yataqachiñe auayachiñe nataq'aen da'me nach'e eta't da'me oquitalegue da'me eja jo'ne joote ami qoyapaĝagueneque.

Nuevo Testamento Toba Sur

¹² Qaq ÿoqo'oyi aÿim shicto'ot da qami' seuennataxanaxaatapegueque de'eda, nai'ctaxa da qami' mashi qauaÿajñi damayi, qataq ÿataqta sa ishit da qoquiÿa'ai de'eda 'eesa lataxac mayi qami' hueto'oto nagui.

La'aqtaqa Ñim Lo'onatac 'Enauacna 2013

¹² Qaq ỹoqo'oye aỹem shecto'ot da qami' seuennataxanaxaatapegueque de'era, na'aictaxa da qami' mashe qauaỹaañi damaye, qataq ỹataqta saishet da qoquiỹa'ai de'era 'eesa lataxac maye qami' qaỹapaxagueneque.

2 Pedro 1:12 Referans Kwoze

1 Juan 2:21

Qama'le nayi ami janema jenjo' 'yaqatac; qalaĝaja, yaqa'a ta'che ja auayachiñe da'me jo'ne eja, dite da'me joote auayachiñe; nataq'aen auayachiñe queda'me gamachaqaega noqovinaĝanaĝac ja yaqanatet ta'le qoyachiyoĝotaye q'aen da'me jo'ne eja.

Filipenses 3:1

Chane'eja, ami yaqaya'olqa, 'noota qom yataqata ami made'tape, yajouaĝat da'me ademii'teguet joñe'me Jaliaĝanec. Yataqata ja jouala da'me ji'iyelaĝatelegue da'me joote jediñe ca'li, qa'a qom naq'aeta da'me ja'uo qama'le yataqata ami qo'yañaqateneque.

Colosenses 2:7

'Noota qom gaa'me lepatadi' da'me at'oyaĝaqui yoqoteteda'aguet joñe'me, nataq'aen da'me adepi'i 'noota qom naqaloĝodije'ma joñe'me, naq'aeta da'me ami qoyapaĝagueneque ca'li, qama'le nach'e eta't auañem da'me adamaiqui joñe'me Dios.

Judas 1:5

Mate mane'e joote auayachiñe da'me dojo', qalaĝaja jetaque ami ñetouenaĝanaĝaneque da'me jo'ne ya'uo joca'li ñe'me Jaliaĝanec, queda'me jetaque nec'alaĝatedegue gaa'me Israel lec'oqo'tepi. Qama'le ya'uo da'me naqatedegue jogaa'me, yachiyoĝotauelo jogaa'me Egipto laje', qalaĝaja ca'li yem da'me dojo' qama'le yapalaĝa't jogaa'me jo'ne ja p'iida'a joñe'me.

2 Juan 1:2

Ami joqopitalo qa'a jouaĝat da'me jo'ne qo'mi uetauelo jo'ne eja 'me yataqatelegue, jo'ne uetauelo naa'me qadai'li qama'le nach'e eta't da'me qo'mi uetauelo.

2 Pedro 1:13

Da'me cha'li maliaĝa jec'aletaye, 'uo da'me yelnataĝac da'me jeetapega 'noota ta'le nach'e eta't ami ñetouenaĝanaĝaneque da'me dojo' napaĝaguenataĝanaĝac.

Judas 1:17

Qalaĝaja ami yaqaya'olqa, anetoviñetac da'me 'laqata'j gaa'me lamaĝa's joñe'me Qadejaliaĝanec Jesucristo,

Judas 1:3

Ami yaqaya'olqa, jayem jalcote da'me yamaic ta'le jediñe joda'me lajoĝoc da'me qat'oyaĝac 'me dalaĝaic jo'ne joote ena'uaque qo'mi uetauelo. Qalaĝaja nayi male jela'a da'me qoyouetaque da'me ami jamaĝalo da'me dojo' qaedi ami ñachoĝodenouelo da'me aueloquiaĝanaĝañi da'me adepi'i, da'me jo'ne qoye'uauaĝanouelo joca'li ga'me lec'oqo'tepi joñe'me Dios.

2 Pedro 3:17

Chane'eja, ami yaqaya'olqa, da'me male joote auayachiñe da'me dojo' 'naqataĝanaĝac, 'noota qom yataqata anechilela't, qaedi ja ami 'te yauetegue da'me loqovinaĝanaĝa'j jogaa'me loeco lo'olpi, qama'le ja 'naĝat da'me chimaqachiñe jo'ne ami uetauelo.

2 Pedro 3:1

Ami yaqaya'olqa, naajo' yedii's male dos gaa'me nedel 'me ami jamaĝalo. Da'me mach'e 'yamaqatenataĝanaĝac naa'me dos nedel uedaye da'me ami japaĝagueneque, da'me ami jayatenaĝanaĝaneque da'me jo'ne chimaqategue.

2 Pedro 1:15

qalaĝaja ja'uo yema ga'me jo'ne maqachaĝa jaqanatet qaedi nach'e ena'am qom male jayem qaya qama'le da'me ami maliaĝa anetoviñetaque yema naa'me naajo' 'naqataĝanaĝaco jo'ne ami janema.

1 Pedro 5:12

Joñe'me Silvano mach'e yaqaya jo'ne yataqatelegue, nach'eñe joñe'me jo'ne jayem lecochiya qaedi jediñe jenjo' yediijec. Qama'le nayi ami jamaĝalo jenjo' jo'ne jaqaloq qaedi ami jaqatalo nataq'aen qaedi ami japaĝagueneque da'me yataqachiñe eja jo'ne lichoĝodenataĝanaĝac joñe'me Dios, nach'eda jo'ne joote auacoñiyeguet qaedi oqui'tegue.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

Hebreos 13:9

Qama'le ena'te auajeñeta ta'le ami qoyauequeteda'alo gaa'me napaĝaguenataĝanaĝaco jo'ne yodapecache 'me ja qoyateto'n. Nach'edata da'me lañoqotaĝanaĝac joñe'me Dios jo'ne yataqata 'yañaqate't naa'me mach'e adai'lidi'. Chane'eja ena'te oqui'teguelo naa'me namaĝajoĝonaĝaco jo'ne qoye'n ladiquiyaĝac da'me niqui'yaĝac, qa'a jogaa'me jo'ne quetede'egue da'me dojo' qaya'te ta'le 'uo ga'me naueguedela't.

Hebreos 10:32

Qalaĝaja da'me ami auenache'talo jaa'me noloqo'ote jo'ne yenoĝodegue joca'li da'me yemta auacoñiyeguet da'me yoqochiñe. Ua'a ca'li yataqata 'uo da'me adeloiquiaĝaqui let'adaic, qalaĝaja ja aĝañiñi da'me adepi'i, dite da'me 'uo da'me at'añaĝaqui da'me anapogaĝadeñiyeguet da'me adachoĝodequi.

2 Timoteo 1:6

Chane'eja yitaĝa am ja'aĝatem qaedi ena'te aĝañi da'me auen t'onataĝan na'me jo'ne Dios am yanem ca'li youa' am jecodelegue.

1 Timoteo 4:6

Qom auapaĝaguenataĝaneque naa'me naajo' namaĝajoĝonaĝaco jogaa'me adaqaya', qama'le am yataqata eja nataq'aen onaĝaic lamaĝajec joñe'me Cristo Jesús. Qa'a nataq'aen yataqata aue'n ejoda naa'me 'naqataqa jo'ne en t'añi da'me qadepe'e, nach'enaua jo'ne joote oquetapegue'to 'me napaĝaguenataĝanaĝaco jo'ne yataqata onaĝayaqa.

Hechos 16:5

Chane'eja joga'me p'etaqadaiquipi qo'yañaqate'tapeque da'me lepe'e', qama'le liñi ga'me p'etaqadaiquipi onolqa'tape noloqo'ote nichiquetedaye.

Colosenses 1:5

Dojo' yajouaĝat da'me anaquichi'ta ga'me jo'ne jalchi'ena qoyiyamaĝatetac qaedi ami qoyanema qomle da'me oviya'ague di'me piyem, da'me jo'ne auomachiiya ca'li ami qo'yaĝatema da'me yataqatelegue jo'ne 'laqataĝanaĝac ñe'me Dios.