2 Pedro 1:10 - Nuevo Testamento Toba Sombrero Negro

¹⁰ Chane'eja ami yaqaya'olqa, yajouaĝat da'me Dios ami yiyaĝanalo ca'li qama'le nayi male ami liquiyaqa, 'noota qom auepaquitapega da'me dojo' qaedi nach'e eta't nichiquetajeguem da'me adepi'i, qa'a qom naq'aeta da'me auauoyi qama'le ja yitaĝa ta'le auapolegaĝañi.

Nuevo Testamento Toba Sur

¹⁰ Qaq ÿoqo'oyi qami' ÿaqaÿañicpi, cha'ayi mashi ime da qami' iÿaxanalo ñi Dios qataq qami' lca'agui'shi, qaq ÿataqta qanpogoxoiñiÿapegue' de'eda da ÿataqta qami' ñaxatoiguilo. Cha'ayi da nachi qoñiitec de'eda, nachi sa ishit qome da qoviÿañi.

La'aqtaqa Ñim Lo'onatac 'Enauacna 2013

¹⁰ Qami' ỹaqaỹa't, Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi. Qaq da qauauoitaique da nache 'eetai' da qaualliquiitaigui namayepi, nache qami' iuen da qanquigaxachiitec da qana'añaxataxaqui da qauo'oche 'enauac de'era. Qaq da nache qoñiitec de'era, nache saishet da huo'o ca nqanaxat da qanachaalataxaqui da qaua'amaqchiñiitac So Cristo.

2 Pedro 1:10 Referans Kwoze

2 Pedro 3:17

Chane'eja, ami yaqaya'olqa, da'me male joote auayachiñe da'me dojo' 'naqataĝanaĝac, 'noota qom yataqata anechilela't, qaedi ja ami 'te yauetegue da'me loqovinaĝanaĝa'j jogaa'me loeco lo'olpi, qama'le ja 'naĝat da'me chimaqachiñe jo'ne ami uetauelo.

Hebreos 6:11

Da'me qo'mi yataqata 'uo da'me qadamaic ta'le onolqa'tape da'me ami nach'e eta't oquitalegue da'me adaloĝonataĝanaĝaqui chayovida'a qom yovita ga'me nolo' jo'ne p'ategue, qaedi yataqata yepaquichigui yema da'me mach'e adeuataqataĝanaĝaqui.

2 Pedro 1:5

Chane'eja 'noota qom a'nañaĝachiyeguet da'me aviyamaĝacheta't da'me adepi'i jo'ne onaĝaic, qama'le anoqochiñegue da'me adiyamaqataĝanaĝaqui choqoda'me adayatenaĝanaĝaqui.

2 Timoteo 2:19

Qalaĝaja Dios joote ya'uo joga'me 'uaechiñe nataq'aen eja jo'ne qoyediñe ca'li: “Joñe'me Jaliaĝanec yateto'n jogaa'me mach'e lec'oqo'te”, nataq'aen enaac: “Yema jogaa'me 'nonaĝachidegue joñe'me Jaliaĝanec, 'noota qom queda'e da'me ja no'en.”

Apocalipsis 22:14

Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

1 Pedro 1:5

Yajouaĝat da'me adepi'i jo'ne ami uetauelo, joñe'me Dios jo'ne 'uañaĝaic yataqata ami de'uolo'te, qaedi ami yovidaĝateda'a da'me nec'alaĝa jo'ne mach'e liyamaqatac, jenjo' jo'ne qoyaloĝon jo' qom'te jogaa'me noloqo'ote jo'ne p'atedegue.

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

Hebreos 6:19

Jenjo' qadeuataqataĝanaĝac naqaeda da'me qo'mi 'yañaĝachidiñe qaedi nach'e eta't da'me qo'mi t'añi'y, ena'am joga'me lequet jaga'me licota da'me qoyecoñeteguet ga'me cadeena jo'ne laicaua qaedi nach'e eta't en namachiñe. Chane'eja da'me qadeuataqataĝanaĝac ena'am ta'le 'youategue joga'me ualoĝo lae jo'ne lapadenaĝat ga'me tamenaĝaiqui 'me na'ague di'me piyem qaedi male jenoĝonaĝauo'o.

Mateo 22:14

“Qa'a qayoĝode' gaa'me qoyiyaĝanalo, qalaĝaja ja lama'y gaa'me niquiyaqa.”

Romanos 11:29

Qa'a ga'me jo'ne Dios yanegue, ja yitaĝa doĝotaĝanec, uotaĝa ta'le 'yiyelaĝat da'me liyaĝanaĝac.

Santiago 2:10

Qa'a qom 'uo ga'me jiyaĝaua jo'ne yoqocha'alo yemeda daa'me namaĝajoĝonaĝaco, qalaĝaja mate ja yoqocha'a ga'me onolec jo'ne chiyaqayi da'me namaĝajoĝonaĝac, nach'eda 'me 'uo da'me laviyaĝajet, qom male dajoya'agueta yemeda jogaa'me Dios lamaĝajoĝonaĝaco.

2 Pedro 1:3

Joñe'me Jesús joote en chiyaqayi da'me mach'e lañoqotaĝanaĝac da'me qo'mi yanema yema ga'me jo'ne youetaque da'me qat'oyaĝac qaedi yataqata qolaqatapegue' joñe'me. Qama'le qo'mi yatetonaĝanaĝaneque joñe'me Qadet'a, nach'eñe jo'ne qo'mi yiyaĝanalo qaedi jaĝaue da'me 'lonaĝac choqoda'me lejaliaĝa jo'ne ja 'nalegue.

2 Pedro 3:14

Chane'eja, ami yaqaya'olqa, da'me cha'li auachetaque da'me dojo', 'noota qom ena'te aueñi qalaq da'me dojo', qaedi ñe'me Dios ami yauanalo da'me 'uo da'me at'emaĝaqui, nataq'aen yema da'me ami yoqovite' choqoda'me qaya'te adaviyaĝaje'che.

Judas 1:24

Ñe'me Qadet'a Dios 'uo da'me lañoqotaĝanaĝac qaedi ami netela'aque da'me ta'le auachiyaqaijeguem, qama'le ami nechalataĝadoue queda'me qaya'te adejamaĝataĝaqui nataq'aen ami jaqachiguilo joda'me adamaiqui qom auajoiya'aguet da'me 'lonaĝac joñe'me.