2 Pedro 1:1 - Nuevo Testamento Toba Sombrero Negro

¹ Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

Nuevo Testamento Toba Sur

¹ Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

La'aqtaqa Ñim Lo'onatac 'Enauacna 2013

¹ Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

2 Pedro 1:1 Referans Kwoze

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

Tito 1:4

Yamaic am janem am Tito, am jo'ne ena'am ta'le yataqachiñe am yalec qa'a qademaye da'me dojo' qadepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanem da'me anichoĝodenataguec nataq'aen da'me at'emaĝac.

2 Corintios 4:13

Daa'me nedii's jo'ne qoyedidiñe ca'li eet'oi: “Jep'iya'a ca'li ñe'me Dios, qo'che' nayi male jojetac.” Qo'mi nataq'aen jep'iyaqa ñe'me Dios, qo'che' ja'aĝataqatac da'me onaĝaic 'naqataĝanaĝac.

Juan 12:26

Qom 'uo ga'me jo'ne jetaque jayem t'onataĝaneuo'o, 'noota qom jayem equegue. Qama'le ga'me joue'ta da'me jayem, nach'e ena'am ue'ta ga'me jo'ne jayem lecochiya. Qom 'uo ga'me jayem lecochiya, ñe'me Taĝadena' nataq'aen 'nonaĝachichigui joga'me.

Romanos 1:12

eetojo' da'me 'yaqatac, qaedi onolqa'tape 'yañaqatetapec ga'me laqaya da'me qadepe'e 'me qo'mi uetauelo.

2 Pedro 1:4

Naa'me naajo' jo'ne uo'oe, nach'enaua jo'ne chiyaqauelo da'me jo'ne qo'mi 'yaĝatema jo'ne yataqachiñe let'adayaqa nataq'aen da'me jalcote da'me lajo'viyaĝac, qaedi naa'me naajo' jo'ne uo'oe e'n auañoĝochi da'me aneuañiya'uo da'me lajoĝoc ñe'me Dios qama'le nach'e ena'am da'me ami yaĝa'n da'me neleuaĝa jo'ne chiyaqayilo naa'me ja 'noe'n jo'ne lelnataĝaco ga'me loeco lo'olpi 'me uetedalegue jena'me aleua.

1 Pedro 1:1

Jayem Pedro, da'me jayem lamaĝajec joñe'me Jesucristo, male ami jamaĝalo da'me yep'iyenataĝanaĝac, da'me ami jo'ne lagaĝaiquipi 'me oñita'ña ga'me jo'ne p'aye joga'me te'me at'achaqadi', gaa'me ale'u lael jo'ne lenaqa'te da'me Ponto, Galacia, Capadocia, Asia nataq'aen di'me Bitinia.

Efesios 4:11

Qama'le nach'eñe jo'ne yauo'oe daa'me nayatenaĝanaĝaco jo'ne yanema jena'me jiyaĝadipi. Chane'eja uo'oe gaa'me qoyanema da'me 'lonata'j jo'ne Dios lamaĝa's, nataq'aen gaa'me laqaya' jo'ne Dios 'laqataĝanaĝanaqa, nataq'aen gaa'me laqaya' jo'ne qoyanema da'me 'yaĝa'tape da'me Dios 'laqatac, nataq'aen gaa'me laqaya' jo'ne yelolo'te jena'me Dios lec'oqo'tepi nataq'aen yapaĝague'tape.

Romanos 1:1

Jayem Pablo lalemaĝajet ñe'me Cristo Jesús, nach'eñe jo'ne jayem yiyaĝana qaedi jayem lamaĝajec, jayem qoyiyota'a qaedi ja'aĝatetac da'me onaĝaic 'laqataĝanaĝac ñe'me Dios, ami janema da'me yamaic.

Lucas 1:47

nataq'aen najaqachigui da'me yamaic, yajouaĝat ñe'me Dios mach'e Yec'alaĝaiqui,

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

2 Timoteo 1:5

Nataq'aen ja japalaĝate'ta da'me adepe'e ladic, jo'ne 'uaeñe yacoteguet jenjo' jaga'me adecomena' Loida, nach'e ena'am jaga'me adat'e Eunice. Qama'le yataqata jepetapega nach'e ena'am oquegue jena'me jenjo' nayi.

Filipenses 3:9

nataq'aen yataqata jeme'teguet joñe'me. Qama'le nayi da'me jayem yichoĝoden ñe'me Dios qaedi jayem yaconeguet, ja ta'le jouaĝat joda'me mach'e 'yonataĝanaĝac nale jauo'oe naa'me namaĝajoĝonaĝaco, dite da'me jouaĝat joda'me yataqata jep'iya'a joñe'me Cristo, qa'a naq'aeta jena'me jenjo' jo'ne mach'e yataqata yepaquetapega joñe'me Dios.

Hechos 15:14

Simón qo'mi 'yaĝatetapema da'me eeta queda'me yemta nayi Dios yotaua'n joga'me ja judiopi, nataq'aen 'yatetelo'te joga'me noic jo'ne mach'e c'oqo'tepi.

Mateo 10:2

Naajo' mach'e lenaqa'te joga'me doce 'me lamaĝa's: 'uaechiñe ñe'me Simón (da'me lenaĝat laqaya Pedro), Andrés jo'ne laqaya ñe'me Simón, Santiago nataq'aen laqaya Juan mach'e c'oqo'te ñe'me Zebedeo,

1 Pedro 2:7

Ami jo'ne auep'iiya'a joñe'me yataqata a'uamaqachiñe da'me 'uo da'me lajo'viyaĝac let'adaic. Qalaĝaja uo'oe gaa'me jo'ne ja p'iida'a, qama'le yepaquichigui da'me 'yaĝatetedac jonaa'me nedii's jo'ne qoyedidiñe joca'li, eet'oi: “Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec.”

1 Pedro 1:7

Qa'a da'me adepi'iyaĝaqui ena'am jaga'me oro, da'me youen da'me qoyapiyenec ga'me lauaq ga'me dole', qaedi qoyayaten da'me yataqata yoqovita, qaya'te lale'gue. Qa'a ga'me nepe'e jo'ne ja yaqanatet da'me napiyenaguec, napacalegue da'me lajo'viyaĝac jaga'me oro jo'ne 'uo ga'me loiquiaqa'. Qama'le naq'aeta da'me adepi'i da'me ami, qom ja yaqanatet da'me napiyenaguec, qama'le 'uo qomle da'me aniyamaĝadenataguequi choqoda'me adi'yoĝodiqui nataq'aen da'me at'onaĝaqui, qom yovita ga'me nolo' p'ategue qom yataqata di'yo'quena joñe'me Jesucristo.

Tito 1:1

Jayem Pablo, jo'ne lalemaĝajet ñe'me Dios, nataq'aen jayem Jesucristo lamaĝajec qaedi jeda'alo da'me 'laqataĝanaĝac jogaa'me jo'ne joote yiyota'alo ñe'me Dios, qaedi p'iida'a joñe'me, nataq'aen qaedi yateto'n da'me yataqatelegue. Nach'eda jo'ne yapaĝagueneque jogaa'me da'me qaedi ye't ga'me jo'ne yepaquetapega joñe'me Dios,

Filipenses 1:29

Joote ami qoyaje'tema ta'le ami lalemaĝaje'te joñe'me Cristo, qama'le nayi male auep'iiya'a joñe'me, uotaĝa qom 'uo joga'me qoyen adachoĝodequi jouaĝat joñe'me.

Efesios 4:5

Onolec joñe'me Qadejaliaĝanec, nataq'aen onolec da'me qadepe'e ladic, chayovida'a da'me onolec da'me nachilaĝanataĝanaĝac.

Efesios 3:5

Jena'me jenjo' lelnataĝac joñe'me Dios ca'li dia'me 'uaediñe ja yayate'n, qalaĝaja nayi Dios male yaloĝonalo jogaa'me ja 'nalo'te jo'ne mach'e lamaĝa's nataq'aen gaa'me 'laqataĝanaĝanaqa, jouaĝat da'me 'uo ñe'me Lepaqal jo'ne uetauelo jogaa'me.

Gálatas 2:8

Nach'eñe ñe'me Dios yamaq ñe'me Pedro qaedi namaĝajec jo'ne qoyeloĝonaĝa'tegueta gaa'me judiopi, nataq'aen jayem qamqa'me namaĝajec jo'ne qoyeloĝonaĝa'tegueta gaa'me ja judiopi.

2 Corintios 5:21

Ñe'me Cristo yataqata qaya'te loec ca'li, qalaĝaja Dios 'yetem da'me ena'am ta'le loeco lo'o, qaedi Cristo qo'mi yovidaĝateda'a da'me ena'am ta'le qaya'te qadejamaĝataĝac.

1 Corintios 15:9

Qa'a jayem qaya'te yi'yoĝodic, ja jena'am gaa'me namaĝa's laqaya', nataq'aen ja jayet ta'le jayem qoyenaqatenec Jesucristo lamaĝajec, qa'a ca'li jecaa'tape gaa'me jo'ne p'iida'a ñe'me Dios qaedi japalaĝa't joga'me p'etaqadaiquipi.

1 Corintios 9:1

Qalaĝaja jayem uojotañi qaedi ja'uo ga'me jo'ne jepaquetapega, queda'me jayem lamaĝajec ñe'me Jesús; joote auayachiñe da'me 'uo jo'me nolo' ca'li jauana ñe'me Qadejaliaĝanec Jesús. Qama'le nach'e ami jo'ne ami jachiyoĝotayilo da'me 'yonataĝanaĝac queda'me jo'onataĝaneuo'o ñe'me Jaliaĝanec. ¿Qo'li ja naq'aeta?

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

Romanos 1:17

Qa'a da'me onaĝaic 'naqatac qo'mi yatetonaĝanaĝaneque da'me lajoĝoc q'aen da'me qo'mi e'n chimadichidiñe: nach'eda da'me qadepe'e, chiyoqotelegue ga'me 'uaechiñe chayovida'a qom yovita ga'me p'ategue. Naq'aeta da'me 'yaĝatetedac jogaa'me nedii's, eet'oi: “Ga'me jo'ne chiyaqayi da'me lepe'e da'me male chimaqachiñe, nach'ega nec'alegue.”

Juan 20:21

Qama'le Jesús yitaĝa enaac: —¡'Nemaĝac ami uetauelo! Queda'me jayem namaĝaquena ca'li joñe'me Taĝadena', qama'le nach'e ena'am da'me jayem male ami jama'.

Juan 1:42

Ca'li yem da'me dojo' qama'le Andrés yauec ñe'me Simón yauega joga'me ue'ta ñe'me Jesús. Mane'e ca'li Jesús yauana joñe'me, qama'le eetac: —Naqa'am jo'ne am Simón, lec'oĝot ga'me Juan, qalaĝaja nayi jen adenaĝat da'me Cefas ('me yeloteguet da'me Pedro.)

Lucas 11:49

“Qo'che' da'me layatenaĝanaĝac ñe'me Dios enaac: «Jamaĝalo gaa'me 'yaqataĝanaĝanaqa nataq'aen yamaĝa's, qama'le jogaa'me uo'oe gaa'me qoyala't nataq'aen qoyecaa'tape jogaa'me laqaya'.»

Mateo 4:18

'Uo ga'me nolo' ca'li Jesús que'tague ga'me lae jaga'me qa'em lat'edai jo'ne na'ña di'me Galilea, qama'le yauanalo gaa'me dojolqa mach'e naqaya': 'uo ñe'me lenaĝat Simón, (jo'ne qoyen da'me lenaĝat laqaya da'me Pedro), nataq'aen ñe'me lanoqolec jo'ne Andrés. Mach'e 'yacoĝoyaqa, da'me cha'li yachetedañgui ga'me noĝop jaga'me najelaĝai'.

Filipenses 1:1

Jayem Pablo nataq'aen ñe'me Timoteo, da'me qo'mi Jesucristo lamaĝa's, yataqata jalcote da'me qadamaic ami qauamaĝalo, da'me ami Filipos laje' jo'ne ademii'teguet joñe'me Jesucristo. Nach'eda da'me qadamaic jo'ne janemaĝama gaa'me jo'ne yelolo'te ga'me Dios lec'oqo'tepi choqogaa'me necochaĝa'u nataq'aen yema ga'me Dios lec'oqo'tepi.

Santiago 1:1

Jayem Santiago jo'ne jayem lalemaĝajet ñe'me Dios choqoñe'me Qadejaliaĝanec Jesucristo, yamaic ami jamaĝalo, yema da'me ami jo'ne ami Dios lec'oqo'tepi 'me auachiyoĝoyegueta jogaa'me doce Israel lec'oqo'tepi 'me laedelegue yema jena'me aleua.

Judas 1:1

Jayem Judas 'me jayem lalemaĝajet joñe'me Jesucristo, nataq'aen jayem lanoqolec joñe'me Santiago, ami janema naa'me naajo' yedii's, da'me ami jo'ne ami noqopitalo joñe'me Qadet'a Dios nataq'aen ami netelalo joñe'me Jesucristo, qa'a joote ami yiyaĝanalo joñe'me Qadet'a, ami yiyota'alo qaedi yataqachiñe ami e'n lec'oqo'tepi.