2 Corintios 8:8 - Nuevo Testamento Toba Sombrero Negro

⁸ Ja naqaeda ta'le ami janema ga'me yamaĝajoĝonaĝac. Jaldata da'me jetaque auayachiñe da'me eeta da'me yauote lajaqaje' jogaa'me qadaqaya'olqa jo'ne p'etaqadaiquipi, qaedi ami auaqanachichi ta'le aualoĝoñi da'me adoqopich'ii jo'ne qaya'te lale'gue.

Nuevo Testamento Toba Sur

⁸ Qaq de'eda shinapec sa ishit da ÿamaxasoxonaxac. Chaqdata da ñishitaique da qami' qauaÿajñi da n'añaxataxac cam qadÿai, yaqto' ishit da qaila'a de'eda qadsoxoyiqui qom ÿoqta 'eesa da 'en.

La'aqtaqa Ñim Lo'onatac 'Enauacna 2013

⁸ Qaq de'era saishet da ỹamaxasoxonaxac. Nachaqrata da ñeshetaique da qami' qauaỹaañi da 'eetec da lachetaqtaxanaxac na laỹepi 'amqaanataxanaxaicpi, da yaqto' qami' ishet nataqa'en da qauachaxañi dam huesota qarsoxoyiqui.

2 Corintios 8:8 Referans Kwoze

1 Corintios 7:6

Qalaĝaja ja ami 'te jamaĝalo'te ta'le auauoyi da'me dojo', dite da'me ami jaje'tema.

Hebreos 10:24

Qama'le onolqa'tape da'me qo'mi, 'noota qom jelaqaque ga'me lajoĝoc da'me ñecochaĝapega't, qaedi nichiguegue da'me qadoqopich'i, chayovida'a da'me nach'e eta't jauoqo da'me jo'ne 'noota.

2 Corintios 9:7

Onolqa'tape yadegue ga'me eetedapega nalo'taguet ta'le yanegue. Qom jachetaĝanaq qama'le 'noota qom ja qo'mi 'te totelo'te, uotaĝa qa'a qo'mi qopaquetapegue'to. ¡Dios noqopita ga'me jo'ne matac da'me dachetaĝan!

2 Corintios 6:6

Temaqaedi da'me uo'oe ena'uaque naa'me naajo', qalaĝaja jaloĝonaq da'me qaya'te lale'gue da'me qat'oyaĝac, jatetonaq da'me eja, 'uo da'me qadapogaĝadec nataq'aen qo'mi qopitaĝanaqataqayaqa. Ñe'me Dios Lepaqal 'me ja 'nalegue uetaue da'me qat'oyaĝac nataq'aen qadoqopita da'me eja.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

Efesios 6:24

'Noota qom joñe'me Dios yataqata yichoĝode'n onolqa'tape naa'me jo'ne yataqata ja yaĝadiñi da'me noqopideta joñe'me Qadejaliaĝanec Jesucristo, nach'e eta't ja pal.

Efesios 4:15

Chane'eja 'noota ta'le da'me qadoqopich'i nach'ena qo'mi yaloĝo'talo qaedi nach'e eta't ja'aĝataĝatac da'me eja, chayovida'a da'me nach'e eta't ñaqaloĝodaqataje'ma joñe'me Cristo, jo'ne nach'eñe qo'mi nejaliaĝatelo'te yemeda naa'me noloqo'ote.

2 Corintios 9:2

Joote ami jayate'n queda'me eja jetaque alecochiiyalo. Qo'che' 'uo da'me ñi'yoĝodenaĝac ca'li ja'aqataĝatapema jogaa'me qadaqaya'olqa 'me neda'ña di'me aleua 'me Macedonia queda'me ami 'me at'achaqadi' di'me Acaya, ami uetauelo da'me nach'e eta't jetaque alecochiiyalo chiyoqo'teguet jo'me uo'e laqaya. Ca'li domachita da'me dojo' jogaa'me Macedonia laje' qayoĝode' jogaa'me yauote da'me lecochaĝa'j.

2 Corintios 8:24

Qo'che' aualoĝoñiyalo da'me adoqopich'ii, qaedi jogaa'me p'etaqadaiqui jo'ne yama' naajo' lamaĝa's yataqata yayate'n queda'me qo'mi ejoda da'me qani'yoĝodenaĝac jouaĝat ami.

2 Corintios 8:10

Qaedi 'uo da'me mach'e adiyamaĝaqui, ami janema da'me jaqatelegue da'me dojo'. Jo'me uo'e laqaya naqa'ami a'uaviñe 'uo ga'me auañiyegue, nataq'aen jalcote avidiaqailegue ta'le auauoyi da'me dojo'.

1 Corintios 7:25

Nayi japaĝague'n jogaa'me jamaĝayaqa: dojo' qaya'te lapaĝaguenataĝanaĝac ñe'me Jaliaĝanec ta'le yeloĝonaĝa'teguet joda'me, qalaĝaja ami janema da'me mach'e yelnataĝac, nach'eda lelnataĝac ga'me jo'ne joote yedalegue da'me Dios lichoĝodenataĝanaĝac, qama'le auaqanachichi da'me a'uamaqachiñe.

1 Corintios 7:12

Nataq'aen ami ja'aĝatema dojo' jo'ne ja 'laqatac ñe'me Jaliaĝanec ca'li: qom 'uo ga'me adaqayai jo'ne p'etaqadaic 'uo jaga'me loua jo'ne ja p'etaqadai, qalaĝaja jaga'me jetaque que'tot da'me ue'tajop joñe'me, qama'le 'noota qom ja yaĝañi uotaĝa ta'le jetaque yeguem jaga'me.

Romanos 12:9

'Noota qom qaya'te lale'gue da'me onolqa'tape anoqopichiyapega't. A'uoitapeguet joda'me ja no'en nataq'aen anaviquila't joda'me 'noota.