2 Corintios 8:4 - Nuevo Testamento Toba Sombrero Negro

⁴ nataq'aen chayovida'a jalcote qo'mi nachoĝodenoto qaedi jajenaqa'tem da'me qaedi yacoteguet da'me qadecochaĝac jogaa'me Dios lec'oqo'tepi.

Nuevo Testamento Toba Sur

⁴ Qataq ÿataqta qomi' nachoxodeetapoiguilo da sauaxasoqta'a da nhuanau'a de'eda ntaunaxanaxac da qaitauan ca qadqaÿañicpi.

La'aqtaqa Ñim Lo'onatac 'Enauacna 2013

⁴ ivira'a da qomi' nachoxoreetacoto da sa'axasoqta'a, da nache queto'ot da itauaatac nam lalamaxatpi Ñim Lo'onatac 'Enauacna.

2 Corintios 8:4 Referans Kwoze

Hechos 24:17

“Uo'oe gaa'me 'uoidi yenoĝodegue, da'me jec'atapegalo qayoĝode' 'nachaqa'te, qama'le 'ñiyelaĝa jena'me 'ñaleua qaedi janeuo jaga'me yachetaĝanaqate nataq'aen janeuo jaga'me yajaqaje.

Gálatas 6:10

Qo'che', qom nach'e eta't jaqanatetaq, je'etaĝama da'me 'noota jogaa'me qadaqaya', qalaĝaja yataqachiñe p'ajaye yecochaĝalo jogaa'me jo'ne quetegue ñe'me Cristo.

2 Corintios 9:1

Qama'le jaga'me najaqaje' jo'ne jetaque qolecochaĝanegueta jogaa'me qadaqaya'olqa 'me qadepi'iyaĝa'u, eja ja youetaque ta'le ji'iyelaĝalegue ja'aĝatetac da'me ami yitaĝa jedenaqatenalo ga'me yediije.

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

1 Corintios 16:15

Ami yaqaya'olqa, joote auayachiñe queda'me Estéfanas nataq'aen gaa'me 'lachaqa' laje' nach'egaua 'uaediñe ga'me jiyaĝadipi di'me aleua Acaya jo'ne yacoteguet da'me 'laqataĝanaĝac ñe'me Jesucristo, nataq'aen nach'egaua yauote da'me qaedi lecochiyalo joga'me p'etaqadaiquipi.

Gálatas 2:10

Jaldata da'me qo'mi yamaĝalo'te da'me qaedi ja japalaĝataqa'talo jogaa'me choĝodache 'me neda'ña di'me Jerusalén, tachigui da'me nach'eda jetaque ja'uo nale.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.

1 Corintios 16:1

Nayi ami ja'ategueta da'me auauoyi adajaqajai, qom auachetaĝañi qaedi alecochiiyalo joga'me p'etaqadaiquipi 'me neda'ña di'me Judea: joote auayachiñe ga'me yoqotenaĝanaĝaco jo'ne janema ga'me p'etaqadaiquipi jo'ne ueteda'a di'me aleua 'me Galacia; 'noota ta'le nach'e ena'am ami auauoyi da'me dojo'.

Romanos 15:31

Anachoĝodeñiyot joñe'me Dios qaedi jayem yaĝa'n jogaa'me ja p'iida'a ñe'me Dios 'me neda'ña di'me Judea, nataq'aen gaa'me qadaqaya'olqa 'me neda'ña di'me Jerusalén, yataqachiñe jalcote 'noota qom yacoteguet jana'me necochaĝanaqate jo'ne jeda'alo,

Hechos 16:15

Qonachilaĝan ca'li nataq'aen ena'uaque gaa'me jo'ne mach'e laqaya'. Ca'li yem qama'le qo'mi nachoĝodenoto: —Qom aueñetapega queda'me yataqachiñe jep'iya'a ñe'me Jaliaĝanec, qama'le jayem anec'achiya qaedi oviya'a di'me 'yachaqa'. Qama'le qo'mi paquetapegue'to qaedi jouaqa'tedi.

Hechos 11:29

Chane'eja joga'me p'etaqadaiquipi 'me neteda'ña di'me Antioquía 'uo da'me lelnataĝa'j da'me yamaĝalo da'me lecochaĝa'j jogaa'me laqaya'olqa 'me neda'ña di'me Judea, jogaa'me mach'e yayate'n ga'me yaqanate't ta'le yadegue.

Marcos 14:7

Qa'a gaa'me choĝodache nach'e eta't ami uetauelo, nataq'aen auaqanachichi ta'le 'noota ga'me a'vichiyeque qom naq'aeta da'me adelnataĝaqui. Qalaĝaja da'me jayem ja nach'e eta't ami jouetauelo.

Mateo 25:40

Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne a'vichiyeque naajo' yaqaya'olqa 'me 'najode' qama'le nach'ayem jo'ne jayem a'vichiyec da'me dojo'.»

Mateo 12:50

Qa'a gamachaqaega jo'ne yoqo'cha da'me yepaquetapega ñe'me Taĝadena' 'me na'ague di'me piyem, naqaega yanoqolec, ya'nole, nataq'aen yat'e.

Mateo 10:42

Nataq'aen gamachaqaega jo'ne yanem ga'me laiquip ga'me jiyaĝaua jo'ne chiyaqauelo naa'me naajo' jo'ne ja p'ajodaye, qa'a yajouaĝat da'me mach'e yapaĝaguenataqa, eja ami ja'aĝatema queda'me yataqachiñe 'uo qomle ga'me nejetenaguec.