2 Corintios 8:3 - Nuevo Testamento Toba Sombrero Negro

³ Eja naqayem ja'aĝatetac queda'me yadegue yema ga'me maqachaĝa yaqanate't, nataq'aen yaguegue q'aen ga'me yadegue. Ja naqaeda ta'le qopaquetapegue'to, dite da'me naq'aeta da'me mach'e yauote,

Nuevo Testamento Toba Sur

³ Qaq aÿim ÿataqta sauaachigui yimayipi da ÿataqta huo'o da lyaxa da detaunaxan. Qaq ÿan 'enauac dam nalotau'a, ivida'a da ÿataqta ÿapacauec naq'en da lachitaqtaxanaxac.

La'aqtaqa Ñim Lo'onatac 'Enauacna 2013

³ Qaq ỹataqta 'eesa da yemayepi ỹan 'enauac cam nalotaua'a. Ivira'a da ỹataqta ỹapacauec naqa'en da lachetaqtaxanaxac. Qataq saishet da choche qaỹamaqtalec, nachaqrata da ỹo'ot cha'aye maiche lhuennataxac,

2 Corintios 8:3 Referans Kwoze

Filemón 1:14

Qalaĝaja qaya'te jetaque ja'uo qom cha'li ja auen 'te 'noota q'aen, qaedi ga'me adichoĝodenataĝanaĝac jo'ne jayem auanem ja ena'am da'me am qodiquetape'uo, dite da'me mach'e aviyamaĝaden.

1 Corintios 16:2

Jalcote 'noota ta'le nalochiguilo naa'me noloqo'ote 'me niyamaqataqa da'me onolqa'tape yiyota'a jaga'me naicaua, onole jaga'me yiyota'a jaga'me lomataĝanaqate nale yenoĝonegue ga'me semana, qama'le yiyamaĝat. Chane'eja qom ami jovitalo, qama'le ja jouetaque ta'le japetena't jaga'me nachetaqataĝanaqate.

Hechos 11:29

Chane'eja joga'me p'etaqadaiquipi 'me neteda'ña di'me Antioquía 'uo da'me lelnataĝa'j da'me yamaĝalo da'me lecochaĝa'j jogaa'me laqaya'olqa 'me neda'ña di'me Judea, jogaa'me mach'e yayate'n ga'me yaqanate't ta'le yadegue.

1 Corintios 9:17

Qom da'me dojo' je'et chiyaqayi da'me mach'e yelnataĝac, chane'eja 'uo ga'me ñejetenaguec; qalaĝaja eja queda'me ja naq'aeta da'me yelnataĝac joca'li, qama'le je'et qa'a Dios jayem 'yelopec.

1 Pedro 5:2

'Noota qom yataqata adechiliyalo jogaa'me 'naĝanaĝatel jo'ne Dios lec'oqo'tepi 'me ami qoyanema qaedi adechiliyalo. 'Noota qom anoualaĝañetape'to, qa'a naqaeda da'me jo'ne Dios 'yamaqaten, qama'le ena'te aueñe'tem da'me ch'e ami qoyamaqatalo'te, uotaĝa ta'le aueñi adelnataĝaqui da'me ami qoyejeteneque jaga'me laicaua, dite da'me nach'e eta't da'me anejapachita.

1 Pedro 4:11

Qom 'uo ga'me yayaten da'me t'aqataĝan, qama'le 'noota qom 'yaĝatema gaa'me 'laqataqa joñe'me Dios. Nach'e ena'am qom 'uo ga'me laqaya jo'ne lecochiyalo gaa'me laqaya', qama'le 'noota qom yapoteneguet da'me 'lañaĝac jo'ne yanem joñe'me Dios. Yema ga'me 'noota jo'ne a'vichetac, 'noota qom a'vichi qaedi male nach'e ena'am qo'nonaĝachigui joñe'me Dios, yajouaĝat da'me nach'eñe joñe'me Jesucristo jo'ne loĝot da'me 'noyaĝac choqoda'me nañoqotaĝanaĝac jo'ne ja pal. Jaja'a, nach'e naq'aeta da'me dojo'.

1 Ts 2:8

Qo'mi yataqata jalcote da'me ami qadoqopitalo. Chane'eja ja nach'edata da'me 'laqataĝanaĝac ñe'me Dios jo'ne jetaque ami janemaĝama, dite da'me nach'e ena'am jetaque ami janemaĝama da'me mach'e qat'oyaĝac. Qa'a ¡nayi yataqata ami qanauotaĝa'u!

Colosenses 4:13

Da'me jayem yataqata yauachigui ga'me Epafras lachitataic yajouaĝat da'me ami uenate'talo, nach'e ena'ama gaa'me 'lachaqa't di'me Laodicea nataq'aen Hierápolis.

Filipenses 2:13

Qa'a nach'eñe joñe'me Dios jo'ne ami yanouelo da'me nelnataĝaco jo'ne onaĝayaqa nataq'aen ami yanema da'me at'añaĝaqui qaedi aueñi di'yoq da'me yepaquetapega joñe'me.

Romanos 10:2

Da'me ami jotaua'n, yataqata jayaten da'me ami jalcote 'uo da'me adamaiqui ta'le a'uonataĝañiuo'o joñe'me Dios; jaldata da'me dojo' adamaiqui ja chiyoqotelegue da'me yataqatelegue natetonaĝanaĝac.

Gálatas 4:15

Qalaĝaja, ¿jach'e ga'me p'ayapegue da'me dojo' 'uaeñe adamaiqui ca'li jo'ne ami uetauelo mañaĝa? Ca'li yataqachiñe ja aueñi 'te qalaq da'me auacoñiyeguet, chayovida'a ta'le anaqachi' naa'me at'aechidi' qaedi jayem auañema.

Marcos 14:8

Qama'le jana'me male ya'uo ga'me jo'ne maqachaĝa yaqanatet: joote yiyoĝolegue jena'me yo'oc ga'me lata' qom maliaĝa cha'li jona'li jayem qoyijeñi.