2 Corintios 8:1 - Nuevo Testamento Toba Sombrero Negro

¹ Ami yaqaya'olqa, jetaque ami ja'aĝatema da'me loqopich'i ñe'me Dios jo'ne uetauelo gaa'me p'etaqadaiqui di'me aleua jo'ne Macedonia.

Nuevo Testamento Toba Sur

¹ Qaq nagui qami' qadqaÿa't, sauoqtaique da qami' sa'aqtaxanaxama da 'eetec da lqouagaxanaqtaic ñi Dios mayi ÿanem nam 'amqajnataxanaxaicpi mayi netalec yi 'alhua Macedonia.

La'aqtaqa Ñim Lo'onatac 'Enauacna 2013

¹ Qaq nagui qami' qarqaỹa't, sauoqtaique da qami' sa'aqtaxanaxama da 'eetec da lqouagaxanaqtaic Ñim Lo'onatac 'Enauacna maye ỹanem nam 'amqaanataxanaxaicpi maye netalec ye 'alhua Macedonia.

2 Corintios 8:1 Referans Kwoze

Colosenses 1:29

Nach'eda chiyaqayi da'me jo'onataĝatac, qama'le 'ñañaĝatec yema da'me mach'e 'yañaĝac choqoda'me lañoqotaĝanaĝac ñe'me Cristo jo'ne jayem netaye.

1 Ts 4:10

Jena'me jenjo' nach'ena joote auauoyitac da'me yataqata adoqopichiyalo jogaa'me adaqayadi' jo'ne neda'ña di'me Macedonia. Qalaĝaja yitaĝa 'uo ga'me qanachoĝodenaĝac, ami qadaqaya'olqa, 'noota ta'le na'me adoqopich'ii yitaĝa aueñi nichiguegue.

1 Corintios 15:10

Qalaĝaja nach'eñe ñe'me Dios jo'ne jayem yichoĝoden, ya'uo da'me qaedi nayi male jayem lamaĝajec joñe'me Cristo, nataq'aen da'me lichoĝodenataĝanaĝac ñe'me Dios 'uo da'me jalayaĝac, qa'a yataqachiñe t'adaic da'me 'yonataĝanaĝac, ja jena'ama gaa'me namaĝa's laqaya'. Qalaĝaja ja mach'e 'yonataĝanaĝac, dite da'me jayem 'yonataĝanaĝan da'me lichoĝodenataĝanaĝac ñe'me Dios.

Hechos 16:9

Nach'edi Pablo ua'a da'me 'uo ga'me naloĝonaĝat jo'ne 'lochaĝa; yauana ga'me jiyaĝaua jo'ne ue'ta di'me Macedonia, 'me nec'atetañe nachoĝodetapecot: “Anec'ata jena'me Macedonia qama'le qo'mi alecochiyalo.”

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

2 Corintios 9:2

Joote ami jayate'n queda'me eja jetaque alecochiiyalo. Qo'che' 'uo da'me ñi'yoĝodenaĝac ca'li ja'aqataĝatapema jogaa'me qadaqaya'olqa 'me neda'ña di'me aleua 'me Macedonia queda'me ami 'me at'achaqadi' di'me Acaya, ami uetauelo da'me nach'e eta't jetaque alecochiiyalo chiyoqo'teguet jo'me uo'e laqaya. Ca'li domachita da'me dojo' jogaa'me Macedonia laje' qayoĝode' jogaa'me yauote da'me lecochaĝa'j.

Romanos 15:26

Qa'a joga'me Macedonia laje'pi nataq'aen joga'me 'lachaqa't di'me Acaya onaĝaic da'me yauote da'me yemata'a't jaga'me lajaqaje' qaedi yamaĝalo jogaa'me qadaqaya'olqa jo'ne choĝodache 'me neda'ña di'me Jerusalén.

Hechos 11:23

Ca'li yovita, Bernabé yauana da'me lichoĝodenataĝanaĝac ñe'me Dios jo'ne uetauelo jogaa'me, qama'le jalcote da'me lamaic ñe'me. Noqoteteneque jogaa'me queda'me yataqachiñe yachimaĝachichidiñe naa'me lai'li da'me quetegue ñe'me Jaliaĝanec.

2 Corintios 11:9

Ca'li ami jouetauelo qama'le 'uo ga'me jouetaque, qalaĝaja qaya'te ua'a ta'le ami jachoĝoyalo qaedi jayem alecochiiya. Yema di'me aleua jo'ne Macedonia jogaa'me p'etaqadaiquipi jayem novideta ca'li qama'le jayem yate'm yema ga'me jouetaque. Jepaquetapega ta'le ja diyachitapiyelo naa'me adai'lidi' qa'a jouaĝat da'me jayem, qama'le nach'e eta't ja'uo da'me dojo'.

2 Corintios 9:12

Qa'a da'me jachoĝojoq jaga'me necochaĝanaqate jo'ne ami chiyaqauelo ja jaldata yelo'teguet da'me qaedi gaa'me qadaqaya'olqa 'uo ga'me jo'ne youetedaque, dite da'me nach'e ena'am chiyaqayi da'me yate'm lamai'j joñe'me Dios.

2 Corintios 9:4

Ta'le uo'oe gaa'me Macedonia laje' jayem quetegue qama'te maliaĝa ja aviyamaĝacheta't jaga'me adajaqaje, qama'le degueja da'me 'yaloĝo, ja jetaque ñenaĝategue ga'me mach'e auanomiguet ta'le, qama'le ¡jach'e jogamaĝa p'ayapegue da'me ami qauepeteque!

Hechos 24:17

“Uo'oe gaa'me 'uoidi yenoĝodegue, da'me jec'atapegalo qayoĝode' 'nachaqa'te, qama'le 'ñiyelaĝa jena'me 'ñaleua qaedi janeuo jaga'me yachetaĝanaqate nataq'aen janeuo jaga'me yajaqaje.

Mateo 25:22

Nataq'aen ca'li dajoya'aguet ñe'me jo'ne qoyanema ga'me dojole talentos enaac: «Jaliaĝanec, jayem auanema ca'li gaa'me dojole talentos; naajo' naa'me yomataĝanaqatel jo'ne dojole talentos laqaya'.»