2 Corintios 7:7 - Nuevo Testamento Toba Sombrero Negro

⁷ Nataq'aen ja jaldata qo'mi made'tape da'me jauanaĝa, dite da'me nach'e ena'am jayatenaq queda'me ami chiyaqayilo matac joñe'me. Tito qo'mi 'yaĝatema queda'me jetaque qo'mi auañiyalo, jo'ne ami totelo'te q'ae'n ga'me jo'ne 'uo ca'li, nataq'aen queda'me jayem auenachetapega. Mane'e ca'li jomachiya da'me lep'iquenataĝanaĝac qama'le yataqata nichiyaĝategue da'me yamaic.

Nuevo Testamento Toba Sur

⁷ Qaq sa ishit da chaqdata da lvidaxac somayi, cha'ayi somayi ÿataqta huo'o da l'añaxac souaxat da qoñiita. Cha'ayi somayi qomi' da'aqtaxaatapeguema da ÿataqta huo'o da qadyaqai da aÿim qanauañi', qataq qomi' da'aqtaxaatapeguema dam qadaquicoqoi qataq da qaica ca qadamaxayiqui souaxat aÿim. Qaq nachida da ÿoqta nquigaxatteec da ñitonaxac.

La'aqtaqa Ñim Lo'onatac 'Enauacna 2013

⁷ Qaq saishet da nachaqrata da lviraxac somaye da qomi' ỹa'añaqche't, cha'aye nataqa'en saỹaanaq da somaye ỹataqta lta'araic da ntonaxac souaxat da qoñiita. So Tito qomi' da'aqtaxaatapeguema da qami' ỹataqta huo'o da qaryaqai da qomi' qanauañito, qataq qomi' da'aqtaxaatapeguema dam qaraquicoqoi souaxat dam souaqaigui qataq da qaica ca qaramaxayiqui souaxat aỹem. Qaq can sa'axaỹa de'era, nache ỹataqta nquictec da ñetonaxac.

2 Corintios 7:7 Referans Kwoze

Judas 1:3

Ami yaqaya'olqa, jayem jalcote da'me yamaic ta'le jediñe joda'me lajoĝoc da'me qat'oyaĝac 'me dalaĝaic jo'ne joote ena'uaque qo'mi uetauelo. Qalaĝaja nayi male jela'a da'me qoyouetaque da'me ami jamaĝalo da'me dojo' qaedi ami ñachoĝodenouelo da'me aueloquiaĝanaĝañi da'me adepi'i, da'me jo'ne qoye'uauaĝanouelo joca'li ga'me lec'oqo'tepi joñe'me Dios.

2 Corintios 5:2

Queda'me cha'li jouaqa'ta jena'me aleua, 'uo da'me qadediajoĝo ga'me qat'achaqa' laqaya jo'ne nale'en jonaqa'ña qomle.

2 Juan 1:4

Yataqachiñe jayem matac queda'me uo'oe gaa'me jauanalo jo'ne am chiyoqodayi da'me quetedalegue joda'me jo'ne eja, naq'aeta da'me jo'ne Qadet'a Dios qo'mi yamaĝalo'te.

Santiago 5:17

Di'me Dios 'laqataĝanaĝanec Elías ch'e jiyaĝaua jo'ne ena'am da'me qo'mi, mane'e ca'li netamen choqoda'me 'uo da'me lepe'e da'me dajelaĝanaque da'me qaedi qaya'te uotep, qama'le da'me lajelaĝanaĝac yepaquichigui da'me ja yitaĝa ta'le 'uo ga'me uotep chayovida'a da'me tres jaa'me 'uoidi choqojo'me uo'e laeñi da'me ja yitaĝa ta'le uotep talegue jena'me aleua.

Hebreos 2:1

Chane'eja 'noota qom yataqata jeloqo'tegue da'me ladic na'me napaĝaguenataĝanaĝac jo'ne joote jomachaĝa, qaedi ja jejomaqatac.

1 Ts 3:8

Qama'le ena'am ta'le yataqata qadec'aletaye nayi, da'me jayatenaq da'me yataqata ami 'uañaĝayaqa, da'me a'vichi joga'me 'lonataĝanaĝac ñe'me Qadejaliaĝanec.

1 Ts 3:6

Qama'le nayi joote 'niyelaq joñe'me Timoteo, chiyoĝogue di'me Tesalónica, qama'le yataqata onaĝaic ga'me 'laqataĝanaĝac, da'me ami yataqata t'añi nayi joga'me adepi'i, chayovida'a da'me adoqopich'ii jo'ne ami uetauelo. Choqoda'me qo'mi t'aqataĝatapema da'me nach'e eta't qo'mi auenachetapegalo da'me qo'mi, yataqata ja qo'mi 'te auapalaĝache'talo, nach'e eta't qo'mi avichoĝodeñi, chayovida'a da'me 'uo ga'me lamaic da'me yitaĝa qo'mi auañiyalo, qama'le nach'e ena'am da'me qo'mi 'uo da'me qadamaic da'me yitaĝa ñauanaĝa't qomle.

Colosenses 2:5

Qa'a temaqaedi da'me ja ami 'te jouetauelo nayi, qalaĝaja ami uetauelo da'me yelnataĝac, qama'le jayem matac yajouaĝat da'me jauana da'me adiyamaqai, nataq'aen da'me a'nañaĝachiyec da'me auep'iiya'a ñe'me Cristo.

Filipenses 1:20

Ja jetaque jen lichigui nale jena'me yeuel, dite da'me qom maliaĝa jayem 'uo, uotaĝa qom male jeleu, jetaque jaco'teguet joda'me 'yañaĝac, qaedi nale jayem qoyec'atetac, male yataqata qo'nonaĝachigui joñe'me Cristo.

2 Corintios 8:16

¡Janem yamaic ñe'me Dios queda'me Tito ami uenate'talo qaedi ami lecochiyalo nach'e naq'aeta da'me jayem!

2 Corintios 2:9

Jaga'me yediije jo'ne ami jedenaqatenalo nach'edata da'me jetaque jayaten qom oqui'teguelo nataq'aen auoqochiiyalo daa'me yoqotenaĝanaĝaco.

2 Corintios 1:14

naq'aeta da'me lae jo'ne joote qo'mi auayachiñe', queda'me qom 'niyelaq ñe'me Qadejaliaĝanec Jesús, ami male auanomiyeguet da'me qo'mi avi'yoĝodeñi'tape, nach'e naq'aeta da'me qo'mi janomaĝaguet da'me ami ji'yoĝodenaqa'tape.

Romanos 1:12

eetojo' da'me 'yaqatac, qaedi onolqa'tape 'yañaqatetapec ga'me laqaya da'me qadepe'e 'me qo'mi uetauelo.

Hechos 11:23

Ca'li yovita, Bernabé yauana da'me lichoĝodenataĝanaĝac ñe'me Dios jo'ne uetauelo jogaa'me, qama'le jalcote da'me lamaic ñe'me. Noqoteteneque jogaa'me queda'me yataqachiñe yachimaĝachichidiñe naa'me lai'li da'me quetegue ñe'me Jaliaĝanec.

Lucas 22:44

Qama'le queda'me yataqachiñe yapadiñe da'me lachoĝodec, Jesús ma'ejama'le 'uo da'me 'nañaĝataĝac da'me netametac, qama'le naliñi ga'me najoĝoyaĝa ena'am ga'me tauo' ñitaĝae.

Mateo 26:75

qama'le Pedro netouenalo gaa'me 'laqataqa ñe'me Jesús ca'li joote t'aqataĝanem: «Qom maliaĝa ja noyen ga'me olegaĝa, qama'le joote tres jayem anematapec.» Chane'eja ca'e ga'me ue'ta qama'le yataqachiñe noyen.

Mateo 5:4

“Nataq'aen made'tapolqa qomle gaa'me jo'ne noye'tape, qa'a nach'egaua gaa'me jo'ne qoloyaĝanate'tape qomle.

1 Corintios 5:2

¡Ami qama'te ami 'yoĝodenaĝayaqa! Taqamachaĝa ami najaqachiguilo da'me adepocoĝoqui, chayovida'a auamaqayegue ga'me jo'ne ya'uo da'me dojo' 'me ami uetauelo nale ademiya'a't.

2 Corintios 1:4

Nach'eñe qo'mi loyaĝanate't nale uo'oe ena'uaque qadachoĝodeco, qaedi qo'mi nach'e ena'am jaqanatetaq ta'le qaloyaĝanate'tape jogaa'me jo'ne 'uo da'me lachoĝode'j. 'Uo da'me qadoyaĝanataĝanaĝac qa'a ñe'me Dios qo'mi loyaĝanate'tape ca'li.

2 Corintios 7:6

Qalaĝaja Dios, jo'ne 'yañaqate't gaa'me 'uo ga'me lachoĝode'j, qo'mi loyaĝanate'tape, loyaĝanatetapeque da'me ca'li qo'mi yovitalo ñe'me Tito.

2 Corintios 7:8

Jaga'me yediije jo'ne ami jedenaqatenalo ca'li ami totelo'te q'ae'n, qalaĝaja ja jayem 'te nejaliñe queda'me ja'uo jaga'me yediije. Mate mane'e da'me yemta jayem nejalichiñe qa'a jayaten queda'me jaga'me yediije chiyaqayi da'me ami totelo'te q'ae'n, qalaĝaja ja cop'a.