2 Corintios 6:1 - Nuevo Testamento Toba Sombrero Negro

¹ Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

Nuevo Testamento Toba Sur

¹ Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

La'aqtaqa Ñim Lo'onatac 'Enauacna 2013

¹ Cha'aye qomi' ltau' Ñim Lo'onatac 'Enauacna de'era lo'onataxanaxac. Qaq ỹoqo'oye qami' ñachoxorenaqtoiguilo da saishet qome da saqca ca naigui qanqa'eñi da lqouagaxanaqtaic maye qami' ỹachaxanalo Ñimaye.

2 Corintios 6:1 Referans Kwoze

Hebreos 12:15

Nach'e eta't da'me adechilela't qaedi qaya'te 'uo joga'me jetaque yeguem da'me loqopich'i joñe'me Dios, uotaĝa ta'le 'uo joga'me jetaque ami 'naĝa't, qa'a dojo' yelagaĝa'j jena'me qadayi qama'le ena'am jaga'me nana jo'ne 'uo ga'me pata' jo'ne chem, da'me t'aĝanataĝanac da'me yedo'n jogaa'me.

1 Corintios 3:9

Qa'a jayem nataq'aen Apolo qo'mi necochaĝa'u da'me 'lonataĝanaĝac ñe'me Dios, qama'le da'me ami aueñiya'am ga'me lanaĝanaqa' ñe'me Dios, nach'e ena'am aueñiya'am ga'me emec 'me 'noĝojeguem ñe'me Dios.

1 Pedro 4:10

Nataq'aen joote auacoñiyegueta gaa'me leyalaqataĝanaĝaco joñe'me Dios, onolqa'tape da'me ami. Chane'eja 'noota qom a'uonataĝañiya qaedi yataqata alecochiiyalo gaa'me adaqayadi', qa'a yataqata auayachiñe da'me aueloyiye jena'me yodapecache jo'ne lichoĝodenataĝanaĝaco joñe'me Dios.

Gálatas 2:21

Chane'eja ja jemaĝaguet da'me loqopich'i ñe'me Dios, qa'a ta'le ñe'me qo'mi yataqatelo'te q'ae'n queda'me qolaqa'teguelo daa'me namaĝajoĝonaĝaco, qama'le qaya'te chiyaqayi da'me leleuaĝa ñe'me Cristo.

Hebreos 12:25

Chane'eja yataqata a'uamaqachiñe da'me 'laqatac joñe'me Dios. Qa'a joga'me Israel lec'oqo'tepi jo'ne ja yacoteguet joca'li joñe'me Dios 'laqataĝanaĝanec jo'ne ch'e aleua le'ec, qaya'te onolec jo'ne yaqanatet ta'le yaĝan joda'me qoyen lachoĝodec. Qama'le nayi, qo'mi jo'ne jomachaĝa da'me 'laqatac joñe'me jo'ne chiyaqayi di'me piyem, qom ja ja'amaqatenaq, qama'le ¿teua'atoqo' jaqanatetaq ta'le qo'mi yaĝa'n da'me qoyen mach'e qadachoĝodec?

Romanos 12:1

Chane'eja, ami yaqaya'olqa, yajouaĝat da'me lichoĝodenataĝanaĝac ñe'me Dios, ami ñachoĝodenouelo da'me 'noota qom mach'e ami auec'achiya joñe'me Dios ena'am ta'le najaqajec jo'ne nec'aletaye, ja 'nalegue jo'ne jama ga'me laetayaĝac 'me qoyanem ñe'me Dios. Naqaena jena'me 'nemaĝac 'me yataqatelegue auañem joñe'me.

Gálatas 3:4

¿Qo'li jalcote da'me a'nañaĝataĝaqui jo'ne qaya'te chiyaqayi? Mate mane'e ¡ja jeetapega ta'le qaya'te ami chiyaqayilo!

Hechos 14:3

Qalaĝaja gaa'me namaĝa's cha'li qayoĝode' gaa'me noloqo'ote copa'alo da'me uetede'edi, nataq'aen ñe'me Jaliaĝanec 'yañaqate'tape jogaa'me da'me t'aqataĝa'tape. Qama'le ñe'me Jaliaĝanec nach'eñe jo'ne yachimaĝachidiñe gaa'me 'laqataqa jogaa'me nale 'yaĝatetedac da'me lichoĝodenataĝanaĝac joñe'me Dios, qama'le yanema jogaa'me qaedi chiyaqayilo da'me yauo'oe gaa'me 'lanaqa nataq'aen lañoqotaĝanaĝaco.

Tito 2:11

Naq'aeta da'me auapaĝagueneque ena'uaque joga'me p'etaqadaiquipi, qa'a joote yaloĝon da'me lichoĝodenataĝanaĝac joñe'me Dios, nach'eda ja qalaĝa q'aen da'me lec'alaĝa'j ena'uaque joga'me jiyaĝadipi.

Mateo 23:37

“¡Ami Jerusalén laje', jo'ne aualachi' dia'me Dios 'laqataĝanaĝanaqa nataq'aen auajaĝayique ga'me qadipi dia'me aqataĝanaĝayaqa jo'ne Dios ami namaĝalo! ¡Nach'eda da'me jetaque ami jemata'a't, ena'am jaga'me olegaĝa yapetetapega't gaa'me c'oqo'tolqa yacho'oto ga'me laua, qalaĝaja ami ja a'uamaqachiñe!

2 Corintios 10:1

Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

Hechos 11:23

Ca'li yovita, Bernabé yauana da'me lichoĝodenataĝanaĝac ñe'me Dios jo'ne uetauelo jogaa'me, qama'le jalcote da'me lamaic ñe'me. Noqoteteneque jogaa'me queda'me yataqachiñe yachimaĝachichidiñe naa'me lai'li da'me quetegue ñe'me Jaliaĝanec.

1 Ts 3:5

Qama'le nayi jayem, jo'ne mach'e yoĝot, male yataqata male ja jalo'oguet joga'me jayem ualegue, qama'le ja'uo joga'me yenataĝanaĝac quelqaya, jouaĝat da'me ami, jetaque jayaten qom maliaĝa oquitelegue jena'me jenjo' mach'e qadepe'e ladic, 'noota qom maliaĝa ja aĝañiñi, qa'a 'uo da'me yoqolanaĝa joñe'me oiquiaĝaic ta'le 'uo ga'me ami 'yeteque joga ta'le ami nauanegueta chayovida'a da'me ami yoqovi'n, qama'le joga'me qat'onatac yataqata yijamaĝajaye, qaya'te chiyaqayi.

Hebreos 4:1

Qama'le nayi, da'me qo'mi maliaĝa qo'mi qoyiyaĝanalo qaedi jenoĝonaĝaue di'me 'nomataqa' joñe'me Dios. Chane'eja, 'noota qom qadetelapega't qaedi qaya'te onolec da'me ami jo'ne qoyauana da'me ja nalo'oguet ta'le yenoĝoneuo.