2 Corintios 5:5 - Nuevo Testamento Toba Sombrero Negro

⁵ Qama'le ñe'me Dios nach'eñe qo'mi yaqataĝata'ajalo qaedi jaconaĝaguet da'me dojo' qo'mi qoyeleguemaĝa't, qama'le queda'me qo'mi yanema ñe'me Lepaqal 'me ja 'nalegue, nach'eda en di'yoq da'me naq'aeta qomle da'me ya'uo.

Nuevo Testamento Toba Sur

⁵ Qaq nachiñi ñim Dios mayi qomi' ÿaqataxaata'agueta 'enauac de'eda, qataq qomi' ÿanema so n'Espíritu Santo, qaq nachiso som ÿoqta 'itchiguiñi naq'en da saconaxaguet cam qomi' qoÿaatapigui'salo.

La'aqtaqa Ñim Lo'onatac 'Enauacna 2013

⁵ Ñim Lo'onatac 'Enauacna nacheñi Ñim ỹo'ot de'era dalaxaic qanaralaxataxac, qaq dam la'anaxat de'era qomi' ỹo'oteque, damaye chegoqchigui So Saqcha'a Na'añaxac Qui'itta maye qomi' ỹanema Ñimaye.

2 Corintios 5:5 Referans Kwoze

2 Corintios 1:22

Joote qo'mi 'yaneque jaga'me 'lanaĝanaqate, nataq'aen yanayelo naa'me qadai'li ñe'me Lepaqal 'me ja 'nalegue nach'eda 'nanaĝajet qoyen ga'me jo'ne qo'mi qoyanema qom'te.

Romanos 8:23

Nataq'aen ja jaldata da'me 'uo ga'me lachitataic jaga'me, dite da'me nach'e ena'am qo'mi, jo'ne joote ua'ajopa ñe'me Dios Lepaqal jo'ne qane'uauaĝat queda'me 'uo ga'me uoja'ega qo'mi qoyanema qomle. Yataqachiñe qaya'ñgui da'me qadachoyaĝac, jediajoqo'taguet ga'me nolo' qom ñe'me Dios qo'mi yaconegueta da'me male lec'oqo'tolqa, nach'eda male qoyejodegue naa'me qadoje'.

Efesios 4:30

Ena'te aueñi totelegue joñe'me Dios Lepaqal jo'ne ja 'nalegue, qa'a naqaeñe joote ami 'yaneque da'me qoyen di'yoq queda'me ami lec'oqo'tepi joñe'me Dios. Nach'eñe jo'ne ami uetauelo chayovida'a qom yovita ga'me nolo' p'ategue qom Dios ami e'n uojotedañi.

1 Juan 3:24

Jogaa'me jo'ne yoqochideta daa'me lamaĝajoĝonaĝaco joñe'me Dios, nach'egaua neteda'ajop joñe'me, nataq'aen joñe'me netauelo jogaa'me. Nataq'aen dojo' jayatenaq queda'me qo'mi uetauelo: qa'a jouaĝat joñe'me Lepaqal jo'ne qo'mi yanema.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

2 Corintios 4:17

'Uo ga'me qalaqa't jo'ne qo'mi 'uaĝayeta nale qalaĝaja nach'enaua uo'oe jo'ne ja let'adayaqa, nataq'aen ja nale'en uo'oe jogaa'me. Ena'am ta'le qadamaic janemaĝam joga'me qa'a Dios qo'mi e'n najaqachiguilo da'me 'lonaĝac jo'ne ja yitaĝa yem nale'en 'uo: 'lonaĝac jo'ne yataqachiñe let'adaic nataq'aen onaĝaic.