2 Corintios 4:7 - Nuevo Testamento Toba Sombrero Negro

⁷ Ca'li Dios qo'mi yanema da'me onaĝaic 'naqataĝanaĝac, nach'eda neuoyaĝac onaĝaic jo'ne uetaue da'me qat'oyaĝac, jenaqa'am jaga'me taĝaiqui 'me ch'e aleua, qaedi yaloĝon da'me dojo' nañoqotaĝanaĝac jo'ne chiyaqayi ñe'me Dios, qama'le ja naqaqo'mi ta'le mach'e chiyaqayilo queda'me ja qo'mi 'te t'añi'y.

Nuevo Testamento Toba Sur

⁷ Qalaxayi de'eda mayi qalota da lashiichiÿaxac, damayi sachoqtaigui da qad'oquiaxac mayi 'eeta'am aca 'alhuole, yaqto' ishit da qaila'a de'eda lta'adaic n'añaxac da chigoqo'ot ñi Dios, qaq sa ishit da nachiqomi' chigoqchiguilo.

La'aqtaqa Ñim Lo'onatac 'Enauacna 2013

⁷ Co'ollaq Ñim Lo'onatac 'Enauacna qomi' ỹanema da no'on na'axaỹaxac, nache ỹachagui de'era nsallaxa asom qaica ca la'añaxac no'oxona 'alhuole. Yaqto' da sa'axataqtac da no'on na'axaỹaxac, nache na shiỹaxauapi ỹaỹaten da de'era na'añaxac chegoqo'ot Ñim Lo'onatac 'Enauacna, qaq saishet da nache qomi' maye shenaqta'am acatai' 'alhuole maye qaica ca la'añaxac.

2 Corintios 4:7 Referans Kwoze

2 Corintios 5:1

Yataqachiñe jayatenaq queda'me jenaqa'am ga'me emec jo'ne ch'e nomachaĝaiqui, jo'ne yovita ga'me nolo' nale qonejoyeñe joga'me. Qalaĝaja 'uo ga'me qat'achaqa' di'me piyem, jo'ne ja ch'e jiyaĝaua 'lonatac nataq'aen ja yitaĝa pal, qa'a nach'eñe ñe'me Dios 'lonatac.

1 Corintios 1:28

Dios 'yatetelo'te ga'me qo'yota'tape jogaa'me jo'ne qo'enapegalo ja p'ajodaye qaedi pa'l q'ae'n gaa'me jo'ne qo'enapegalo p'ajodaye.

Colosenses 2:3

Qa'a nach'eñe ue'tajopa ena'uaque daa'me nayatenaĝanaĝaco nataq'aen daa'me natetonaĝanaĝaco.

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

2 Corintios 10:10

Uo'oe gaa'me enapega't ja damitelo'te gaa'me yediijel nataq'aen vichaĝagueta, qalaĝaja qaya'te 'yañaĝac nale yataqachiñe ja'aqataĝatac, nataq'aen ja yataqachiñe jayaten da'me yojaĝac, ja jayem 'te yoqoch'em gamachaqaega.

Mateo 13:44

“Joda'me lejaliaĝa ñe'me Dios ena'am qom qoyoĝochiñe jaga'me lae't da'me neuoyaĝac. Qama'le 'uo ga'me jiyaĝaua yejomalegue jaga'me neuoyaĝac lae't, qama'le nach'ega yacha'ña da'me yitaĝa yoĝotoue jena'me aleua. Yataqachiñe najaqachigui da'me lamaic ca'li ec qaedi yemen yema ga'me yauana. Yem qama'le ecot ga'me aleua lae.

2 Timoteo 2:20

Ga'me emec let'adaic, uo'oe jogaa'me lete' choqogaa'me ouelae jo'ne oro nataq'aen jaga'me plata, jo'ne 'uo ga'me lajo'viyaĝa'j. Qalaĝaja nataq'aen uoja'ae gaa'me laqaya' jo'ne ep'a nataq'aen ga'me aleua, jo'ne qaya'te lajo'viyaĝa'j.

2 Corintios 4:1

Qo'che' ja qadoual, qa'a ñe'me Dios jo'ne choĝodenataĝanaĝaic qo'mi 'yelopeque jenjo' 'nonatac.

Colosenses 2:12

Ca'li ami qonachilaĝa'n qama'le ami qoyijediñijop joñe'me Cristo, nataq'aen ca'li 'niyelaĝajeguem qama'le nach'e ena'am a'niyelaqaejeguem, qa'a auep'iiya'a joñe'me Dios jo'ne 'uo da'me lañoqotaĝanaĝac qaedi 'niyelaĝachijeguem joñe'me.

1 Ts 1:5

Qa'a ca'li ami ja'aĝataĝama jena'me jenjo' 'noota, ja nach'edata da'me ch'e jojaqatac, dite da'me nach'e ena'am auec'achiñe joga'me jauoqo, da'me jaloĝonaq da'me lañoqotaĝanaĝac joñe'me Dios, nataq'aen da'me lajoĝonataĝanaĝac joñe'me Dios Lepaqal, nataq'aen da'me t'adaic lichoĝodenataĝanaĝac joñe'me. Qalaĝaja jena'me jenjo' joote auayachiñe ca'li ami jouaqatauelo, qama'le joote auec'achiñe da'me yataqata ami jecochaĝalo.

Efesios 2:5

Temaq'aen da'me jenaqa'am da'me joote qadeleu ca'li jouaĝat jogaa'me qadoeco, male nayi Dios joote qo'mi yanema da'me qat'oyaĝac qa'a jouaĝat da'me joqo'taqataguet joñe'me Cristo. Chane'eja male 'uo da'me qadec'alaĝa qa'a jouaĝat da'me loqopich'i ñe'me Dios.

2 Corintios 13:4

Joñe'me qaya'te 'lañaĝac ca'li qoyep'enajeguem, qalaĝaja nayi da'me lañoqotaĝanaĝac ñe'me Dios en nec'aletaye joñe'me. Qo'mi ñetauanaqa'uo da'me lachoĝolaĝac ñe'me Cristo, qalaĝaja nach'e ena'am ñetauanaqa'uo da'me 'loyaĝac ñe'me, yajouaĝat da'me lañoqotaĝanaĝac ñe'me Dios, qaedi male ami yecochaĝalo.

2 Corintios 6:10

Ena'am ta'le qo'mi totelo'te, qalaĝaja nach'e eta't qo'mi made'tape. Ena'am ta'le qo'mi choĝodache, qalaĝaja qayoĝode' gaa'me jenaĝa neuoyaĝadi. Ena'am ta'le qaya'te jauanaĝa, qalaĝaja joote yema jauanaĝa.

Mateo 13:52

Chane'eja Jesús 'yaĝatema jogaa'me, enaac: —Qom 'uo ga'me judiopi napaĝaguenoqo't male yaconeguet da'me lejaliaĝa jodi'me piyem, ena'am da'me ladipa ga'me emec jo'ne yayaten da'me yachiyoĝotedaue jaga'me neuoyaĝac lae't gaa'me dalaĝayaqa choqogaa'me toye's.

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

1 Ts 4:4

'Noota ta'le yataqata auayachiñe naa'me anejiyaĝauayaĝaco, yataqata mach'e auelo'tegue ga'me auen ta'ya, 'noota ta'le aueñi yataqata ami uategayaqa, chayovida'a da'me yataqata ja ami 'te 'nalo'te.