2 Corintios 4:5 - Nuevo Testamento Toba Sombrero Negro

⁵ Nale japaĝaguenataĝanaq ja mach'e qo'mi ñapaĝaguenaqatapela't. Ja naq'aeta, dite da'me ja'aĝataqatac queda'me Jesucristo mach'e Qadejaliaĝanec, nataq'aen naqaqo'mi ami ñechataqata'ñijopa da'me ami yecochaĝalo, qa'a qolaĝague joñe'me Jesucristo.

Nuevo Testamento Toba Sur

⁵ Qataq da sa'aqtaxanaqtac, qalaq sa ishit da maichi ñi'aqtaxanaqtapeguela't. Chaqdata da qomi' sa'axataqtac so Jesucristo da nachiso so qadataxala'. Qataq ñi'axataqta da chochi qomi' qadlataqalli', souaxat da lsoxoyic so Jesús.

La'aqtaqa Ñim Lo'onatac 'Enauacna 2013

⁵ Qataq da sa'aqtaxanaqtac, qalaq saishet da maiche ña'aqtaxanaqtapeguela't. Chaqrata da qomi' sa'axataqtac So Jesucristo da nacheso So Qarataxala'. Qataq qami' souaqtegueto, souaxat da qarauoche So Jesucristo.

2 Corintios 4:5 Referans Kwoze

2 Corintios 1:24

Ja naqaeda ta'le ena'am da'me qadoĝot ga'me adepi'i; da'me jo'ne jepagaqatapega nach'eda ami yecochaĝalo qaedi 'uo da'me ami uetauelo da'me adamaiqui, qa'a ami joote adaloyeguet da'me adepi'i.

1 Corintios 1:23

qalaĝaja qo'mi ja'aĝataqatac queda'me Cristo yeleu ca'li qoyep'elegue jaga'me sodoso, chane'eja ena'am ta'le nepocoĝoc ga'me judiopi, nataq'aen ga'me jo'ne ja judiopi eetedapega qo'mi chiyoĝo's.

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

Filipenses 2:11

qaedi male yema qo'yaĝatetedac queda'me nach'eñe joñe'me Jesucristo naqaeñe jo'ne Qadejaliaĝanec. Qama'le naq'aeta da'me yataqata qo'nonaĝachigui joñe'me Dios mach'e Qadet'a.

Filipenses 1:15

Yataqata eja da'me uo'oe gaa'me eetedapega 'yaĝatetedac joñe'me Jesucristo, qalaĝaja ch'e jetaque jayem necotedapegue' da'me 'yonataĝanaĝac, qa'a ja jayem 'te 'yamaqate'n. Qalaĝaja uo'oe gaa'me laqaya' jo'ne yataqata 'noota da'me lelnataĝa'j,

2 Pedro 2:3

Yajouaĝat da'me lamai'j jaga'me laicaua, ami yapaĝagueneque da'me jo'ne ja ejoda qaedi yañoĝo't da'me naqa't jana'me anaicauai. Qalaĝaja jogaa'me ja yaĝa'n da'me ne'uaĝanague'j jo'ne male dajo'talo jogaa'me, qa'a jalchi'ena joca'li da'me joote qoyaqataĝañi.

Tito 1:11

Naa'me naajo' jiyaĝa'u 'noota qom anauañiyegueta qa'a yemeda gaa'me 'nachaqa'te 'naĝa't jogaa'me queda'me jetaque ch'e qoyejete'n qama'le dapaĝaguenataĝatec ga'me jo'ne ja naq'aeta.

2 Timoteo 2:10

qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.

1 Corintios 12:3

Chane'eja, 'noota ta'le auayachiñe queda'me qaya'te yaqanatet ta'le enaac: “¡Yataqachiñe ja no'en ñe'me Jesús!”, qom naqaeñe ñe'me Dios Lepaqal 'me ja 'nalegue yojaĝanaĝan joga'me; nataq'aen qaya'te yaqanatet ta'le enaac: “¡Jesús mach'e Jaliaĝanec!”, qom ja naqaeñe ñe'me Dios Lepaqal jo'ne yojaĝanaĝan joga'me.

1 Corintios 8:6

qalaĝaja qo'mi qamqa'me jayatenaq queda'me 'uo ñe'me Dios jo'ne onolec, mach'e Qadet'a jo'ne 'netoqo't ena'uaque gaa'me uo'oe, nataq'aen qo'mi yanema da'me qat'oyaĝac jeloqot'ot joñe'me. Nach'e naq'aeta queda'me onolec ñe'me Jaliaĝanec Jesucristo nach'eñe necochoqo't ñe'me Dios joca'li ye'et jena'me aleua nataq'aen ena'uaque gaa'me uo'oe, qama'le da'me qo'mi joda'me qat'oyaĝac chiyoĝoguet joñe'me.

1 Corintios 2:2

Qa'a ca'li ami jouetauelo, da'me mach'e yelnataĝac jetaque onolec ga'me ami japaĝagueneque: joda'me 'naqataĝanaĝac 'me 'yaĝatetac queda'me Jesús mach'e Dios Liquiyac, qalaĝaja nach'ena yeleu ca'li netaye jaga'me sodoso.

Hechos 10:36

Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.

Hechos 5:31

Dios yañijeguem qama'le yana'ña na'me yayaten, qama'le en najoĝola' nataq'aen nec'alaĝaiqui qaedi ga'me Israel c'oqo'tepi 'viyelaĝadeta ñe'me Dios qama'le yacoteguet da'me qoyapalaĝa't daa'me loeco.

Hechos 2:36

“Chane'eja auayachiñe jo' da'me dojo', ami Israel c'oqo'tepi, queda'me nach'eñe Jesús jo'ne auep'eñiyajeguem, Dios yejaliaĝat nataq'aen en Liquiyac.”

Juan 7:18

Ga'me jo'ne mach'e 'naĝatetapela't, nach'ega jo'ne yelotaque da'me jo'ne mach'e 'lonaĝac. Qalaĝaja da'me jayem jo'ne jelotaque da'me 'lonaĝac ñe'me jo'ne jayem namaĝaquena, qama'le ñenaĝategue da'me eja, qa'a da'me jayem qaya'te 'yaqatac ta'le ja no'en.

Mateo 23:8

“Qalaĝaja ami 'noota qom ja a'uamaqachiñe ta'le ami qoyiyaĝanaĝatapeque paĝaguenataĝanaĝayaqa, qa'a ena'uaque ami mach'e ami naqaya' nataq'aen onolec ñe'me Anapaĝaguenoqo't.

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.

2 Corintios 1:19

Qa'a Jesucristo, Lec'oĝot ñe'me Dios, nach'eñe jo'ne qo'yaĝatetac ca'li Silvano choqoñe'me Timoteo nataq'aen jayem jo'ne ami japaĝaguenaqatapeque, ja naqaeda ta'le “jaja'a” qama'te ua'edi paja'a enaac “aja'y.” Dios yanem ñe'me Cristo da'me nach'e eta't eja jo'ne ja yitaĝa yem,

1 Corintios 15:47

Ga'me 'uaeñe jiyaĝaua qoyachiyoĝotaye ga'me lojoche jena'me aleua ca'li qoye'et nataq'aen chiyaqaue jena'me aleua; ñe'me jiyaĝaua jo'ne p'ategue, nach'eñe Cristo, qamqa'me chiyaqaje'ma di'me piyem.

1 Corintios 10:33

ena'am jayem, jo'ne jepaquetapega ta'le ena'uaque jen made'tape. Ja jelotaque ga'me mach'e yiyamaĝac, dite da'me ena'uaque 'uo da'me liyamaĝa'j qaedi qonec'alaĝatedegue qom'te jogaa'me.

1 Corintios 4:15

Qa'a nayi queda'me oquiyegue ñe'me Cristo male qayoĝode' gaa'me adajoĝola'chidi', qalaĝaja jaldata da'me 'uo ñe'me onolec jo'ne ena'am ta'le adet'ai. Ena'am ta'le naqayem da'me jayem adet'ai, qa'a nach'ayem ca'li ami ja'aĝatema da'me onaĝaic 'naqataĝanaĝac, chane'eja ami auep'iiya'a joñe'me Jesucristo.