2 Corintios 4:12 - Nuevo Testamento Toba Sombrero Negro

¹² Chane'eja, mate mane'e yeleeta da'me qat'oyaĝac, qalaĝaja ami, male auacoñiyeguet da'me at'oyaĝaqui 'me dalaĝaic.

Nuevo Testamento Toba Sur

¹² Qaq ÿoqo'oyi de'eda nleuaxa do'onataxaatapoigui da qad'oquiaxac, qaq dam achaalataxac, qalaq do'onataxaatapoigui da qad'oquiaxaqui.

La'aqtaqa Ñim Lo'onatac 'Enauacna 2013

¹² Qaq nache 'eetec, da qomi' ñequigaqta'aguet da nleuaxa, qaq qami', qalaxaye qanquiquiita'aguet da dalaxaic nca'alaxa.

2 Corintios 4:12 Referans Kwoze

2 Corintios 13:9

Qo'che' jaconaĝaguet da'me qadamaic nale qo'mi choĝolaĝayaqa, qom yataqata ami 'uañaĝayaqa. Qama'le jaldata qolaqatalegue da'me qanetamenaĝac qaedi auovidiya'a da'me yataqachiñe ami yataqatelo'te.

1 Juan 3:16

Jayatenaq da'me jo'ne yataqata noqopich'i qa'a ena'am ta'le noqopich'i ñe'me Jesucristo, ca'li yanegue da'me nejiyaĝauayaĝac da'me qoyalat qa'a jouaĝat qo'mi. Chane'eja, nach'e naq'aeta qo'mi, 'noota qom yecochaĝanaĝanegueta da'me qanejiyaĝauayaĝac jogaa'me qadaqaya'olqa.

1 Corintios 4:10

Qo'mi, queda'me qolaĝague ñe'me Jesús, ena'am ta'le qo'mi chiyoĝo's, ami qamqa'me ami yatenaĝanaĝayaqa queda'me oquiyegue ñe'me Jesús; qaya'te qat'añaĝac qalaĝaja ami qamqa'me ami 'uañaĝayaqa; ami qo'nonaĝachiguilo nale, qalaĝaja qo'mi qamqa'me qo'mi qo'yota'tape nale.

Hechos 20:24

Qalaĝaja jayem qaya'te jen chiyaqayi da'me ta'le jen diyachigui jena'me yeuel qa'a jouaĝat da'me 'yoyaĝac, nach'eda eeta da'me taya'ague da'me yeloiquiaĝac nataq'aen jepaquetelegue da'me 'yonataĝanaĝac jo'ne jayem yanem ñe'me Jaliaĝanec, queda'me qaedi ja'aĝatetac da'me onaĝaic 'naqataĝanaĝac jo'ne 'yaĝat da'me lichoĝodenataĝanaĝac ñe'me Dios.

Filipenses 2:17

Da'me jayem uotaĝa male jayem qoyalat qomle, qama'le da'me yeleuaĝa ena'am ta'le qoyen najaqajec jo'ne qoyecodelegue da'me mach'e adajaqajec 'me chiyaqayi da'me adepi'i. Qama'le qom naq'aeta jena'me jenjo', male yataqata jayem matac jo' qomle, qama'le ami ñetauanaĝa'u da'me yamaic, onolqa'tape da'me ami.

2 Corintios 12:15

Qama'le da'me jayem ja'amaqaten da'me yema jo'onataĝana ga'me jo'ne jauana, chayovida'a da'me mach'e 'yoyaĝac jo'onataĝanaĝa, da'me ami yecochiyalo. Da'me yataqachiñe jalcote ami joqopitalo, qama'te ami ¿toqoch'e ja yataqachiñe jayem adoqopichiya?

Filipenses 2:30

qa'a ñejo' yamta'le yeleu da'me t'onataĝatape'uo joñe'me Cristo, yataqata yanegue joda'me nejiyaĝauayaĝac qaedi jayem lecochaĝaneguet, da'me jo'ne ja auaqanachichi ta'le auauoyi da'me ami, yajouaĝat da'me ami qaya'alo.

2 Corintios 4:11

Qa'a qo'mi, queda'me maliaĝa qadec'aletaye, nataq'aen queda'me joqochaĝa joñe'me, nach'e eta't qo'mi dajo'toto da'me qadeleuaĝa, qaedi da'me 'loyaĝac joñe'me nach'e ena'am di'yoĝoma da'me qat'oyaĝac jo'ne ja t'añi.

2 Corintios 4:13

Daa'me nedii's jo'ne qoyedidiñe ca'li eet'oi: “Jep'iya'a ca'li ñe'me Dios, qo'che' nayi male jojetac.” Qo'mi nataq'aen jep'iyaqa ñe'me Dios, qo'che' ja'aĝataqatac da'me onaĝaic 'naqataĝanaĝac.