2 Corintios 4:10 - Nuevo Testamento Toba Sombrero Negro

¹⁰ Gamachaqaega jec'otaĝa, da'me qat'oyaĝac nach'e eta't jachoĝojoqotac da'me leleuaĝa ñe'me Jesús, qaedi nach'e ena'am da'me 'loyaĝac ñe'me qo'mi di'yoĝoma.

Nuevo Testamento Toba Sur

¹⁰ Qaq nai'ctaxa cam sataxague, qalaq 'eeta'am da sachoqtac dam nalaataguec so Jesús, yaqto' ishit da qaila'a da nachaalataxac somayi da nachattaigui da qad'oquiaxac.

La'aqtaqa Ñim Lo'onatac 'Enauacna 2013

¹⁰ Qaq na'aictaxa cam sataxague, qalaq 'enauac da qaila'a da qanque'eenaxac, da 'eeta'am da nque'eenaxac So Cristo. Qataq souaxat da salaxasoxoguet, nache qomi' nache 'eetai' da souaqtaigui da lchec da nleuaxa.

2 Corintios 4:10 Referans Kwoze

Romanos 6:5

Qom jecotaĝa ñe'me Cristo da'me qaedi qademe'teguet da'me neleuaĝa ena'am da'me ualegue ca'li ñe'me, nach'e ena'am qolaĝague joñe'me da'me 'niyelaĝajeguem.

2 Timoteo 2:11

Da'me dojo' 'naqatac yataqata eja: Qom joote yeleu na'me qanejiyaĝauayaĝac toijec yajouaĝat da'me qademe'teguet joñe'me Jesús, qama'le nach'e ena'am qadec'ale'tajop jo' qomle.

1 Pedro 4:13

Nach'edata da'me ami made'tape, yajouaĝat da'me nach'e ena'am ami ua'ajopa daa'me lachoĝodeco joñe'me Cristo, qaedi nach'e ena'am najaĝaye da'me adamaiqui qom yataqachiñe di'yoq da'me 'lonaĝa joñe'me da'me yitaĝa novitequena jo' qomle.

Romanos 6:8

Qo'mi joote qolaqata'ñgui da'me qadeleu ñe'me Cristo, ja'amaqatenaq queda'me nach'e ena'am jouaqa'tajop joñe'me qom qadec'alegue.

2 Corintios 13:4

Joñe'me qaya'te 'lañaĝac ca'li qoyep'enajeguem, qalaĝaja nayi da'me lañoqotaĝanaĝac ñe'me Dios en nec'aletaye joñe'me. Qo'mi ñetauanaqa'uo da'me lachoĝolaĝac ñe'me Cristo, qalaĝaja nach'e ena'am ñetauanaqa'uo da'me 'loyaĝac ñe'me, yajouaĝat da'me lañoqotaĝanaĝac ñe'me Dios, qaedi male ami yecochaĝalo.

2 Corintios 1:5

Qa'a naq'aeta da'me lachoĝodeco ca'li ñe'me Cristo qo'mi uetelo'te, qama'le qo'mi jouaqata'ñi' ñe'me queda'me 'uo ga'me qadachoĝodec, nach'e ena'am qo'mi uetelo'te da'me qo'mi qoloyaĝanate'tape 'me chiyaqayi ñe'me Cristo.

Romanos 8:36

Nach'e naq'aeta ga'me 'yaĝatetedac naa'me nedii's, eet'oi: “Nach'e eta't qo'mi dajo'toto da'me qadeleuaĝa, qa'a jouaĝat am. Qo'mi qo'yeteque da'me ena'am jaga'me 'naĝanaĝate nale qoyauega ga'me nalataqa'.”

Colosenses 1:24

Nayi jayem matac queda'me 'uo ga'me yachoĝodec yajouaĝat da'me ami yecochiyalo, qa'a da'me mach'e yachoĝodec ena'am ta'le en nalo'ta'ajalo q'ae'n jodaa'me qadachoĝodeco jo'ne chiyoqodayi da'me qademe'teguet ñe'me Cristo, yajouaĝat jena'me p'etaqadaiquipi jo'ne mach'e lapat.

2 Corintios 1:9

Janomaĝaguet da'me ena'am ta'le qo'mi qoyamaĝadoue da'me qadeleuaĝa, qalaĝaja dojo' nach'eda qo'mi yapaĝagueneque da'me qaedi ja mach'e ñip'iyaqala't, dite ñe'me Dios jo'ne 'niyelaĝachijeguem ga'me joote yele'u.

Gálatas 6:17

Chane'eja nayi, chiyoqotelegue da'me male qaya'te gamachaqaega ya'uo yaqalaic, qa'a jena'me yo'oc uo'oe gaa'me yedidiñe jo'ne yaloĝo'n da'me yachoĝodec qa'a jeuaĝayet ñe'me Cristo.

Juan 14:19

Qomle male ja jayem 'te yauata ga'me aleua laje'pi, qalaĝaja da'me ami qamqa'me yitaĝa jayem auañiya qomle, nataq'aen da'me adec'aletedaye qomle qa'a nach'e ena'am da'me jayem yitaĝa jec'aletaye qomle.

Apocalipsis 1:17

Mane'e da'me jauana, qama'le jachiyaqajeguem, jouo'oto naa'me lapia'te da'me ena'am ta'le jeleu, qalaĝaja joñe'me jayem yachalegue jo'me louaq jo'ne yayaten, qama'le jayem dojapegue', enaac: “Ena'te ado'e, qa'a mach'e jayem jo'ne je'uaechiñe nataq'aen da'me naqayem jo'ne jep'ategue;

2 Corintios 4:11

Qa'a qo'mi, queda'me maliaĝa qadec'aletaye, nataq'aen queda'me joqochaĝa joñe'me, nach'e eta't qo'mi dajo'toto da'me qadeleuaĝa, qaedi da'me 'loyaĝac joñe'me nach'e ena'am di'yoĝoma da'me qat'oyaĝac jo'ne ja t'añi.

1 Pedro 4:14

'Noota qom ami made'tapolqa qom 'uo ga'me ami ye'ue'tape yajouaĝat da'me ademii'teguet joñe'me Cristo, qa'a da'me 'lonaĝa ñe'me Dios Lepaqal nach'e eta't ami uetauelo.