2 Corintios 3:8 - Nuevo Testamento Toba Sombrero Negro

⁸ Qalaĝaja yataqata yaguegue ga'me lauaqayaĝac qom qo'yaĝatetac da'me dalaĝaic yamaĝataĝac, nach'eda da'me jo'ne chiyaqayi ñe'me Lepaqal ñe'me Dios 'me ja 'nalegue.

Nuevo Testamento Toba Sur

⁸ qaq ¡llóxochiyictoxo' da sa ÿapacteec da lli'oxoyic dam n'aqtac mayi qomi' nda'alo so Espíritu Santo!

2 Corintios 3:8 Referans Kwoze

1 Corintios 3:16

¿Qo'li ja auayachiñe queda'me aueñiya'am ga'me 'lemec ñe'me Dios nataq'aen da'me ami uetauelo ñe'me Lepaqal?

Efesios 2:18

Jena'me jenjo' ca'li 'lonatac ñe'me Jesucristo, en onolec ladiiuo ga'me judiopi nataq'aen gaa'me ja judiopi, male jauanaĝa ñe'me onolec 'me Dios Lepaqal, jo'ne chiyaqayi da'me male yataqata jovitaĝa ñe'me Qadet'a jo'ne ja 'nalegue.

Gálatas 3:14

Qo'che' da'me Dios 'yaĝatem ca'li di'me Abraham jo'ne 'nonaĝachigui qomle ñe'me, nach'e ena'am qoyeloĝonaĝachiguilo jogaa'me jo'ne ja judiopi. Chane'eja naq'aeta, qom jep'iyaqa ñe'me Cristo, nach'e ena'am jaconaĝaguet ñe'me Lepaqal, 'me Dios joote qo'mi 'yaĝatema.

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

2 Ts 2:13

Qalaĝaja da'me qo'mi nach'e eta't janemaĝam da'me qadamaic joñe'me Dios jouaĝat da'me ami. Dios yataqata ami noqopitalo nataq'aen nach'eñe da'me ami yiyaĝanalo ca'li, qaedi ja oviyaue joga'me nachoĝodec jo'ne na'ta. Ami yiyaĝanalo ca'li en ami nayelo joñe'me Nepaqal, qaedi male ami qoye'n lalemaĝaje'te joñe'me, nataq'aen da'me auacoñiyeguet da'me 'naqatac jo'ne 'yaĝatetac da'me yataqatelegue.

Juan 1:17

Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.

Gálatas 5:5

Qo'mi qamqa'me, ñe'me Dios Lepaqal 'me ja 'nalegue qo'mi yayataĝade'teque da'me Dios qo'mi yaconegueta qomle, jouaĝat da'me jep'iyaqa ñe'me Cristo.

2 Corintios 11:4

Qa'a da'me ami nale gamachaqaega ami yovida'alo jo'ne 'yaĝatetac ñe'me Jesús qalaĝaja ja ena'am ga'me joote ami ja'aĝataĝama, qanach'e paja'a 'uo da'me adamaiqui da'me auacoñiyeguet. Ñe'me Dios Lepaqal 'me ja 'nalegue 'me auacoñiyeguet joote ami uetauelo, qalaĝaja auacoñiyeguet nale ga'me nepaqal laqaya jo'ne yaqa'a, nataq'aen 'naqataĝanaĝac laqaya jo'ne ja ena'am ga'me joote auacoñiyeguet.

2 Corintios 3:17

Qa'a ñe'me Jaliaĝanec nach'eñe ñe'me Dios Lepaqal 'me ja 'nalegue; ga'me ue'ta ñe'me Lepaqal 'me ja 'nalegue, 'uo da'me 'nemaĝac.

2 Corintios 3:6

Nayi Dios qo'mi yaqataĝata'ajalo da'me yiyamaĝateta'ajalo qaedi jaqanatetaq ta'le ja'aĝataqatac da'me dalaĝaic yamaĝataĝac jo'ne qo'mi yanema joñe'me. Dojo' dalaĝaic yamaĝataĝac ja chiyaqayilo gaa'me namaĝajoĝonaĝaco, dite ñe'me Lepaqal joñe'me Dios. Qa'a da'me namaĝajoĝonaĝaco yepoleguelegue da'me leleuaĝa ga'me jiyaĝaua loeco lo'o, qalaĝaja ñe'me Lepaqal ñe'me Dios qamqa'me yanegue da'me 'noyaĝac.

Juan 7:39

Qama'le ñe'me Jesús 'yaĝatema gaa'me jo'ne p'iida'a joñe'me da'me yacoteguet qomle ñe'me Dios Lepaqal, qalaĝaja ñe'me Dios Lepaqal maliaĝa jona'li 'uo, qa'a ñe'me Jesús maliaĝa ja yovita ga'me nolo' da'me ni'yoĝodenataguec.

2 Corintios 3:7

Dios yedelo'te ca'li gaa'me qadi da'me yedidiñe gaa'me lamaĝajoĝonaĝaco, qama'le yanema ñe'me Moisés. Mate mane'e gaa'me namaĝajoĝonaĝaco 'yaĝatetedac da'me qadeleuaĝa qa'a jouaĝa't joga'me qadoeco, jojo' nolo' yataqachiñe p'ajaye ca'li, chayovida'a da'me 'uo da'me laqaselegaĝac ga'me latajoĝoc ñe'me Moisés ca'li. Nataq'aen ga'me laqaselegaĝac yataqachiñe 'uo da'me 'lañaĝac qama'le ga'me israelpi ja yaqanate't ta'le dajoeda'aguet ñe'me Moisés ta'le yec'ate'n. Qalaĝaja ga'me lauaqayaĝac ja cop'a ca'li paja'a yitaĝa pal.

2 Corintios 3:9

Queda'me p'ajaye ga'me nolo' ca'li qoyadegue gaa'me namaĝajoĝonaĝaco jo'ne 'yaĝatetedac da'me qadeleuaĝa, qama'le yataqachiñe p'ajaye da'me qo'yaĝatetac da'me qo'mi qo'yaneque da'me qaya'te qadaviyaĝajet.