2 Corintios 3:6 - Nuevo Testamento Toba Sombrero Negro

⁶ Nayi Dios qo'mi yaqataĝata'ajalo da'me yiyamaĝateta'ajalo qaedi jaqanatetaq ta'le ja'aĝataqatac da'me dalaĝaic yamaĝataĝac jo'ne qo'mi yanema joñe'me. Dojo' dalaĝaic yamaĝataĝac ja chiyaqayilo gaa'me namaĝajoĝonaĝaco, dite ñe'me Lepaqal joñe'me Dios. Qa'a da'me namaĝajoĝonaĝaco yepoleguelegue da'me leleuaĝa ga'me jiyaĝaua loeco lo'o, qalaĝaja ñe'me Lepaqal ñe'me Dios qamqa'me yanegue da'me 'noyaĝac.

Nuevo Testamento Toba Sur

⁶ Cha'ayi ñimayi maichi chigoqchigui da qomi' nalau'alo naq'en da so'onataxanaxau'a dam dalaxaic aÿamaxataxac mayi saq 'en'am da qaÿalaxaguet ca chochi ñiyiguishic, cha'ayi damayi nachida da dalaxaic achaalataxac mayi chigoqo'ot so Espíritu Santo. Na nqataxacpi mayi qoÿittañi, namayipi i'ot da nalaataguec ca shiÿaxaua, qaq so Espíritu Santo, qalaxayi ÿan da achaalataxac.

La'aqtaqa Ñim Lo'onatac 'Enauacna 2013

⁶ Qaq nagui Ñim Lo'onatac 'Enauacna qomi' ỹapaxague'n da yaqto' sa'axataq de'era dalaxaic qanaỹamaxataxac maye chegoqo'ot Ñimaye. De'era dalaxaic aỹamaxataxac saishet da na'attalec na namaxasoxonaxacpi, chaqrata da na'attalec So Saqcha'a La'añaxac Ñim Lo'onatac 'Enauacna. Cha'aye na namaxasoxonaxacpi, ỹaueeguet da nalaataguec ca huo'o ca lasouaxashet, qalaxaye So Saqcha'a La'añaxac Ñim Lo'onatac 'Enauacna, ỹaueeguet da lca'alaxa ca shiỹaxaua.

2 Corintios 3:6 Referans Kwoze

Juan 6:63

Ñe'me Dios Lepaqal nach'eñe jo'ne ya'uo da'me nec'alaĝa, qama'le ja ena'am da'me jo'ne ch'e anejiyaĝauayaĝaqui 'me qaya'te 'noota ta'le chiyaqayi. Qama'le ami janema da'me dojo' 'yaqatac qaedi ñe'me Dios Lepaqal ya'uo da'me adec'alaĝaqui.

Romanos 7:6

Qalaĝaja nayi joote qadeleu, jachiyajaqauelo gaa'me namaĝajoĝonaĝaco jo'ne qo'mi jouaqa'tot da'me 'lañaĝac, naq'aeta da'me qo'mi male uojotedañi qaedi jo'onataĝanoqot ñe'me Dios joda'me dalaĝaic qat'oyaĝac 'me chiyaqayi ñe'me Lepaqal, nataq'aen ja jouaqa'tot ga'me toijec namaĝajoĝonaĝac.

Romanos 8:2

Qa'a da'me 'lañaĝac ñe'me Dios Lepaqal jo'ne yanegue da'me 'noyaĝac 'me chiyaqayi ñe'me Cristo Jesús, jayem chiyoĝotalegue ga'me lamaĝajoĝonaĝac da'me etaĝaloĝoc nataq'aen da'me neleuaĝa jo'ne jayem yecoñedeta't.

Hebreos 12:24

Nataq'aen auec'achiya joñe'me Jesús, nach'eñe jo'ne joote yomat da'me dalaĝaic 'namaqatenataĝanaĝac, qama'le nach'e ena'am jaga'me letauo' jo'ne naliñi joca'li qaedi en qo'mi yoqovite' q'ae'n, jaga'me jo'ne nach'e ena'am da'me qo'mi 'yaĝatema da'me onaĝaic, jo'ne ja ena'am jaga'me letauo' ñe'me Abel.

Hebreos 7:22

Chane'eja nach'eñe ñe'me Jesús jo'ne qo'mi yayataĝade'teque da'me male 'uo da'me qaniyamaĝadenataguec, qom yataqata ñiyamaĝadenaĝaguet joñe'me Dios. Yataqata t'añi da'me dojo', qa'a Dios 'naĝatelegue da'me 'laqatac, qama'le ja ena'am da'me 'uaechiñe.

2 Corintios 3:14

Jogaa'me ja yayate'n da'me dojo'. Chayovida'a nayi, nale yec'ate'n naa'me nedii's jo'ne 'yaĝa't da'me 'uaechiñe yamaĝataĝac, ena'am ta'le 'uo ga'me ualoq jo'ne yapadelegue da'me layatenaĝanaĝa'j. Yataqata ja yaqanate't ta'le yayate'n, qa'a nach'eñeta ñe'me Cristo 'me yaqanatet ta'le yayatenaĝaneque.

1 Corintios 15:45

Nach'e ena'am naq'aeta da'me qoyediñe ca'li naa'me nedii's jo'ne 'laqatac ñe'me Dios, eet'oi: “Ñe'me 'uaeñe jiyaĝaua 'me lenaĝat Adán, ca'li qoye'et qama'le qoyanem da'me yataqata nec'aletaye qoyen.” Qalaĝaja ñe'me Adán jo'ne p'ategue, dojo' nach'eñe Cristo, qamqa'me nach'eñe yanegue da'me 'noyaĝac jo'ne chiyaqayi ñe'me Dios Lepaqal.

Romanos 3:20

Qa'a qaya'te gamachaqaega eetapela't yedalegue da'me Dios yiyamaĝaden qa'a jouaĝat da'me que'teguelo daa'me namaĝajoĝonaĝaco, qa'a daa'me namaĝajoĝonaĝaco nach'edata da'me qo'mi yayatenaĝaneque da'me nach'e ena'am 'uo ga'me qadajouaĝajet.

Hebreos 13:20

Joñe'me Dios jo'ne qo'mi yanema da'me 'nemaĝac, qa'a nach'eñe 'me 'niyelaĝachijeguem ñe'me Jesús da'me en chiyaqauelo dia'me napa'lpi, joñe'me Jesús jo'ne 'naĝanaĝate 'nouatoqo't 'me p'ajaye, ñe'me mach'e Qadejaliaĝanec jo'ne joote yomat da'me niyamaqataĝanaĝac jo'ne qaya'te loiquiaqa', yajouaĝat da'me qoyen naliñi jaga'me letauo'.

Lucas 22:20

Ca'li yem da'me niqui'yaĝac, qama'le yaloqochichigui ga'me 'uaeñe da'me yacona jaga'me yomaĝaiqui, enaac: —Janjo' mach'e laloĝoiqui qoyen jana'me yetauo', nach'aga naliñi qoyen qomle qaedi ami lecochiyalo, da'me jo'ne Dios ami ye'tema qaedi male aniyamaĝadeñiyeguet joñe'me.

1 Corintios 11:25

Mane'e ca'li joote yali'j ga'me pan, nach'e ena'am yacona jaga'me yomaĝaiqui qama'le enaac: “Janjo' yomaĝaiqui laloĝoqui qoyen jana'me yetauo' jo'ne naliñi qoyen qaedi Dios yadalaĝat da'me 'yamaĝataĝac jo'ne ami yanema. Nale aniyomiyigui janjo' yomaĝaiqui, auauoyi da'me dojo' qaedi nach'e eta't da'me jayem auenachitapega.”

Mateo 13:52

Chane'eja Jesús 'yaĝatema jogaa'me, enaac: —Qom 'uo ga'me judiopi napaĝaguenoqo't male yaconeguet da'me lejaliaĝa jodi'me piyem, ena'am da'me ladipa ga'me emec jo'ne yayaten da'me yachiyoĝotedaue jaga'me neuoyaĝac lae't gaa'me dalaĝayaqa choqogaa'me toye's.

1 Pedro 3:18

Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.

1 Timoteo 4:6

Qom auapaĝaguenataĝaneque naa'me naajo' namaĝajoĝonaĝaco jogaa'me adaqaya', qama'le am yataqata eja nataq'aen onaĝaic lamaĝajec joñe'me Cristo Jesús. Qa'a nataq'aen yataqata aue'n ejoda naa'me 'naqataqa jo'ne en t'añi da'me qadepe'e, nach'enaua jo'ne joote oquetapegue'to 'me napaĝaguenataĝanaĝaco jo'ne yataqata onaĝayaqa.

Efesios 3:7

Dios yataqata onaĝaic da'me loec da'me yataqata jayem yichoĝoden, qama'le jayem yachetajop joda'me lañoqotaĝanaĝac, qaedi male jaqanatet ta'le ja'aĝa'tape jogaa'me 'laqataqa.

Gálatas 3:21

Chane'eja dojo' ja yelo'teguet ta'le ena'am da'me yotauan ga'me yaqataĝañi 'laqatac ñe'me Dios. ¡Yataqachiñe ja naq'aeta! Qa'a ta'che da'me namaĝajoĝonaĝac yaqanatet da'me qo'mi yanema ga'me qadec'alaĝa jo'ne qaya'te loiquiaqa', qama'le Dios qo'mi yataqatelo'te q'ae'n qa'a qolaqa'teguelo jogaa'me.

2 Corintios 3:7

Dios yedelo'te ca'li gaa'me qadi da'me yedidiñe gaa'me lamaĝajoĝonaĝaco, qama'le yanema ñe'me Moisés. Mate mane'e gaa'me namaĝajoĝonaĝaco 'yaĝatetedac da'me qadeleuaĝa qa'a jouaĝa't joga'me qadoeco, jojo' nolo' yataqachiñe p'ajaye ca'li, chayovida'a da'me 'uo da'me laqaselegaĝac ga'me latajoĝoc ñe'me Moisés ca'li. Nataq'aen ga'me laqaselegaĝac yataqachiñe 'uo da'me 'lañaĝac qama'le ga'me israelpi ja yaqanate't ta'le dajoeda'aguet ñe'me Moisés ta'le yec'ate'n. Qalaĝaja ga'me lauaqayaĝac ja cop'a ca'li paja'a yitaĝa pal.

1 Corintios 12:28

Qama'le Dios yanema onolqa'tape ga'me mach'e 'lonataĝanaĝa'j q'ae'n: 'uaeñe uo'oe gaa'me yanema da'me qaedi namaĝa's, laqaya' yanema da'me qaedi aqataĝanaĝayaqa, laqaya' yanema da'me qaedi paĝaguenataĝanaĝayaqa, laqaya' yanema da'me lañoqotaĝanaĝa'j qaedi yaloĝo'n ga'me ja qoyauanapega, laqaya' yanema da'me lañoqotaĝanaĝa'j qaedi yemedegue q'ae'n joga'me leuaĝayaqa, laqaya' qoyayatenaĝaneque da'me qaedi lecochiyalo jogaa'me jo'ne 'uo da'me louenaĝanaĝa'j, laqaya' qoyanema da'me qaedi dauegaqataĝana'ape, uo'oe gaa'me qoyanema da'me qaedi yadenaĝa't da'me 'naqataqa laqaya'.

1 Corintios 3:5

¿Toqoch'e qo'nonaĝachigui ñe'me Apolo? ¿Toqoch'e jayem qo'nonaĝachigui? Ch'e qo'mi lamaĝa's joñe'me Dios, jo'ne qo'mi auachiyoĝochiyayelo da'me male auep'iiya'a ñe'me Dios. Je'etaq ga'me 'nonatac jo'ne qo'mi yanema ñe'me Jaliaĝanec:

Romanos 4:15

Qa'a daa'me namaĝajoĝonaĝaco ch'e qo'mi neda'alo ga'me qane'uaĝanaguec; qalaĝaja ga'me ua'a da'me qaya'te namaĝajoĝonaĝac, nach'e ena'am ua'a da'me qonepaten ga'me damaĝajoĝolegue ga'me naqataĝacopi.

Juan 5:21

Qa'a naq'aeta joñe'me Taĝadena' 'niyelaĝachidijeguem jodia'me yele'u nataq'aen da'me yanema da'me lec'alaĝa'j, qama'le nach'e ena'am jayem janem da'me nec'alaĝac ga'me jo'ne jetaque ua'ajop.

Marcos 14:24

Nataq'aen eetojo': —Janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me; mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem.

Mateo 26:28

qa'a janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me. Mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem qomle queda'me male qoyapalaĝa't joda'me loeco.

2 Corintios 3:9

Queda'me p'ajaye ga'me nolo' ca'li qoyadegue gaa'me namaĝajoĝonaĝaco jo'ne 'yaĝatetedac da'me qadeleuaĝa, qama'le yataqachiñe p'ajaye da'me qo'yaĝatetac da'me qo'mi qo'yaneque da'me qaya'te qadaviyaĝajet.

Romanos 4:17

Naq'aeta da'me 'laqatac ñe'me Dios 'me enaac: “Am je'etem da'me am let'a gaa'me qayoĝode' noyaqapi.” Naqaeñe ñe'me Dios 'me p'iya'a ca'li di'me Abraham, nach'eñe Dios jo'ne ya'uo 'loyaĝa'j gaa'me joote yele'u nataq'aen 'ye't yema gaa'me uo'oe 'me maliaĝa ja di'yo't.

Romanos 1:5

Chiyaqayi ñe'me Jesucristo jaconeguet da'me jayem qoyeyala'ac da'me jayem namaĝajec, jayem qoyanec da'me jo'onataĝaneuo'o, qaedi yema jena'me aleua uo'oe gaa'me p'iida'a joñe'me nataq'aen yoqochideta.

1 Juan 1:1

Ami yaqaya'olqa, ami ja'aqataĝanaqatapema nayi queda'me jo'ne jalchi'ena 'uo joca'li, nach'eñe jo'ne joote jomachaĝa nataq'aen yataqachiñe jauanaĝa; nach'eñe jo'ne joote jec'atenaqatac choqoda'me joote jepotaqatac; nach'eñe 'naqataĝanaĝac jo'ne dechoqotaĝanec da'me 'noyaĝac jo'ne dalaĝaic.

2 Timoteo 1:11

Dios en jayem lamaĝajec nataq'aen en jayem paĝaguenataĝanaĝaic qaedi ja'aĝatetac da'me dojo' 'laqataĝanaĝac jo'ne onaĝaic.

Efesios 2:5

Temaq'aen da'me jenaqa'am da'me joote qadeleu ca'li jouaĝat jogaa'me qadoeco, male nayi Dios joote qo'mi yanema da'me qat'oyaĝac qa'a jouaĝat da'me joqo'taqataguet joñe'me Cristo. Chane'eja male 'uo da'me qadec'alaĝa qa'a jouaĝat da'me loqopich'i ñe'me Dios.

1 Corintios 3:10

Dios jayem 'yetem da'me qaedi jaloĝonataĝalegue da'me 'netaguec ga'me emec da'me qo'noĝojeguem, chane'eja je'et jaga'me lamo; qama'le nayi 'uo ga'me jiyaĝaua laqaya jo'ne 'noĝodijeguem gaa'me lael ga'me emec. Qalaĝaja 'noota qom onolqa'tape netela' ga'me mach'e 'yetetac qaedi yataqachiñe 'noota ga'me 'noĝojeguem.

Efesios 2:1

Ca'li da'me ami yataqata ena'am ta'le joote adelevi, qa'a yajouaĝat da'me yataqata ademiya'alo gaa'me adepatenaĝanaĝacodi', nataq'aen yataqata ami loeco lo'olpi.

2 Corintios 3:3

Cristo nach'eñe yediñe; yem qama'le qo'mi janaĝaye. Da'me onaĝaic liyamaĝac da'me at'oyaĝaqui 'me Cristo ami yanema, nach'eda ami yec'ateneque jogaa'me da'me yauata. Male ja qoyedelegue ga'me qa' dite naa'me qadai'li, uotaĝa jaga'me nedaĝanaqate jo'ne 'uo ga'me li'i, dite ñe'me Lepaqal ñe'me Dios jo'ne nec'aletaye.

2 Corintios 11:23

¿Qo'li Cristo lalemaĝaje'te? Jayem nach'e ena'am, ñapacalo'te jogaa'me, mate mane'e da'me ñenaĝategue da'me dojo' ena'am ta'le jayem chiyoĝojeta't. Da'me 'yonataĝanaĝac napacalo'te jogaa'me, ñapacalo'te jogaa'me da'me nach'e eta't jayem qoyecoñe', ñapacalo'te jogaa'me da'me nach'e eta't jayem qoye'uaĝan, nataq'aen ñapacalo'te jogaa'me da'me nach'e eta't jayem qoyadetapelegue da'me jetaque jayem qoyalat.

Hebreos 8:13

Chane'eja joñe'me Dios joote 'yaĝatetac ga'me 'namaqatenataĝanaĝac jo'ne dalaĝaic, qama'le ena'am ta'le en toijec da'me jo'ne 'uaechiñe. Qama'le ga'me toijec ja uayaloq qomle da'me pal.