2 Corintios 3:1 - Nuevo Testamento Toba Sombrero Negro

¹ Da'me ñenaĝataĝaye yema da'me dojo', ja naqaeda da'me mach'e ñaĝata da'me ñiyamaĝadenaqatapela't. Nach'e ena'am ja jauoqo'oe ga'me qadediijel jo'ne uedalegue da'me qa'naĝatapela't, nataq'aen ja ami 'te jamaĝajoĝolo'te da'me auauoyapiye naa'me adediijel qaedi jaqanatetaq ta'le jec'otaĝalo ga'me jiyaĝa'u laqaya'. Uo'oe ga'me naq'aeta da'me yauote qa'a youetedaque da'me dojo', qalaĝaja qo'mi ja naq'aeta.

Nuevo Testamento Toba Sur

¹ Da qomi' shinaqpec de'eda, qaq ¿qaupi'itaxañiitega peta'a da qomi' qaltaq sauoqtaique da ñi'oxonnaqtapeguela't? ¿Huo'otaq da qami' sanaxama aca nede mayi qanpataxasoxolate? ¿Huo'otaq da qami' seÿaxanaxaiguilo da qau'ochi aca qad'onataxanaxac lmalate, da yaqto' se'enaxataq nam nachi 'eetecpi de'eda?

La'aqtaqa Ñim Lo'onatac 'Enauacna 2013

¹ Saishet da qara'aqtac de'era da sauoqtaique da maiche ño'oxonnaqtapeguela't. Nataqa'en saishet da seuenaq da sanaxauo aca nere da huetalec ca no'on qana'aqtaguec, qataq saishet da qami' seỹaxanaqoto da qauauo'oi aca qorerei da yaqto' da huo'o ca seviraxague, nache sanaxauo. Huo'o na iuen de'era, qalaxaye qomi' saishet da seuenaq.

2 Corintios 3:1 Referans Kwoze

2 Corintios 12:11

Jayem ena'am ta'le je'n jalaĝayaqa't da'me 'yoyaĝac, qalaĝaja ami jayem auaviquiyigue da'me dojo' qaedi ja'uo. Jayem 'uo da'me jañoqotet ena'am gaa'me eetapela'ajalo namaĝa's p'ajodaye, chane'eja naqa'ami toqo' da'me jayem a'nonaĝachigui.

2 Corintios 10:12

Ja jovita da'me ta'le jeetapega jena'ama jogaa'me jo'ne mach'egaua ni'yoĝodetapela'ajalo. Da'me 'uo ga'me mach'ega naloqotela't, nach'eda chiyoĝojoĝoc.

2 Corintios 5:12

Da'me qo'mi, ja naqaeda ta'le jetaque ami ñi'yoĝodenaqatapelo'te, dite da'me jepagaqatapega ta'le 'uo ga'me auachiyoĝochiyaye jo'ne ena'am ta'le qo'mi ani'yoĝodeñitapiyelo. Qama'le naq'aeta da'me auayachiñe ta'le a'uachiyegueta gaa'me jo'ne eetapela'ajalo p'ajodaye, qama'te ja ejoda.

Hechos 18:27

Ca'li Apolo jetaque taya'ague di'me aleua Acaya, jogaa'me qadaqaya'olqa yate'm da'me lecochaĝa'j, nataq'aen yauote jaga'me lediije' qaedi yedenaqatenalo ga'me p'etaqadaiquipi da'me daja', qaedi qoyelo'ogueta joga'me. Chane'eja ca'li Apolo yovita di'me Acaya, yataqachiñe lecochiyalo gaa'me jo'ne p'iida'a ca'li, jouaĝat da'me lichoĝodenataĝanaĝac ñe'me Dios.

1 Corintios 16:3

Chane'eja aueloyapiye gaa'me jiyaĝa'u jo'ne adiquiyaqadi' qaedi naqaegaua yachi'y jaga'me adajaqajai; qom ami jovitalo qama'le janema jaga'me yediije jo'ne lomalate queda'me yauote da'me dojo', qama'le jamaĝategue di'me Jerusalén qaedi yadeuo jaga'me adajaqajai.

2 Corintios 12:19

Uotaĝa auepíchitapega da'me ami ñachoĝodenaqatapegouelo qaedi qo'mi avichoĝodeñi, qalaĝaja ja naq'aeta. Qo'mi jouaqa'tot ñe'me Cristo, nataq'aen ñe'me Dios mach'e yayaten yema ga'me jo'ne ja'aĝataqatac. Ami qadaqaya'olqa, yema ga'me jo'ne joote je'etaq, ga'me joote jauoqo da'me ami yecochaĝalo, qaedi nichiquetajeguem da'me yataqachiñe auep'iiya'a ñe'me Cristo.

2 Corintios 10:8

Mate mane'e jen yaguegue da'me ñi'yoĝodenaĝac da'me ja'aĝatetac da'me qadañoqotaĝanaĝac, ja jepocoĝolegue. Ñe'me Jaliaĝanec Jesucristo qo'mi yanema da'me qaedi ami jeloĝolo'te, qaedi ami yecochaĝanaĝanaĝaque da'me yataqachiñe auep'iiya'a joñe'me nataq'aen ja ami 'te japalaĝata'.

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

1 Corintios 10:33

ena'am jayem, jo'ne jepaquetapega ta'le ena'uaque jen made'tape. Ja jelotaque ga'me mach'e yiyamaĝac, dite da'me ena'uaque 'uo da'me liyamaĝa'j qaedi qonec'alaĝatedegue qom'te jogaa'me.

1 Corintios 4:15

Qa'a nayi queda'me oquiyegue ñe'me Cristo male qayoĝode' gaa'me adajoĝola'chidi', qalaĝaja jaldata da'me 'uo ñe'me onolec jo'ne ena'am ta'le adet'ai. Ena'am ta'le naqayem da'me jayem adet'ai, qa'a nach'ayem ca'li ami ja'aĝatema da'me onaĝaic 'naqataĝanaĝac, chane'eja ami auep'iiya'a joñe'me Jesucristo.

1 Corintios 3:10

Dios jayem 'yetem da'me qaedi jaloĝonataĝalegue da'me 'netaguec ga'me emec da'me qo'noĝojeguem, chane'eja je'et jaga'me lamo; qama'le nayi 'uo ga'me jiyaĝaua laqaya jo'ne 'noĝodijeguem gaa'me lael ga'me emec. Qalaĝaja 'noota qom onolqa'tape netela' ga'me mach'e 'yetetac qaedi yataqachiñe 'noota ga'me 'noĝojeguem.

Romanos 16:1

Ami jaqateque jañe'me qadaqaya Febe, jañe'me yelolo'te joga'me p'etaqadaiquipi 'me neda'ña di'me Cencreas.

2 Corintios 10:18

Ga'me jiyaĝaua jo'ne 'uo da'me niyamaĝadenataguec ja naqaega ga'me jo'ne mach'e niyamaĝadetapela't, dite ga'me jo'ne ñe'me Jaliaĝanec yiyamaĝaden.