2 Corintios 13:5 - Nuevo Testamento Toba Sombrero Negro

⁵ 'Noota qom mach'e ami anec'achiñela't, qaedi auayachiñe qom yataqachiñe ami t'añidañe da'me adepi'i: cha'li auapiyeñi da'me dojo'. ¿Qo'li ja auetadeñiyac joona queda'me Jesucristo ami uetauelo? Qom ja anepachiñiyac qa'a uo'oe nale gaa'me anapiyenaguecodi'.

Nuevo Testamento Toba Sur

⁵ Qaq maichi qanmichiila't qome, yaqto' ishit da qauaÿajñiita qom ÿoqta 'eesa da huo'o ca qadpi'iÿaxaqui. Qaq ña qañi'iguiñiila't qome. Qaq ¿sa qauaÿajñiÿo' da so Jesucristo qami' hueta'agueta, lamaaxa da sa ishit da chochi qauatenataxañiitac?

La'aqtaqa Ñim Lo'onatac 'Enauacna 2013

⁵ Qaq maiche qanmicheela't qome, yaqto' ishet da qauaỹaañita qom ỹoqta 'eesa da qaua'amaqchiñiitac So Cristo. Qaq ỹataqta qañe'egueñiila't qome, qaq qom qauañoxoche, nache ỹoqta 'eesa da qami' hueta'agueta Somaye. Qalaxaye da saishet da 'eesa da qaupi'iỹa'ai So Cristo, nache damaye ỹa'axat da saishet da qami' hueta'agueta Somaye.

2 Corintios 13:5 Referans Kwoze

1 Corintios 11:28

Qo'che' yataqachiñe 'noota ta'le onolqa'tape mach'e naloqote'n gaa'me lai'li, qom joote ya'uo da'me dojo' qama'le yalic ga'me pan nataq'aen niyomigui jaga'me yomaĝaiqui.

1 Corintios 9:27

Chane'eja ja'uo lachoĝodec da'me ch'e ñejiyaĝauayaĝac loec nataq'aen ñomat, qaedi ja yijamaĝajaye da'me japaĝague'n gaa'me jiyaĝa'u laqaya', ta'le ja jayem 'te qoyapeteneuo.

Apocalipsis 2:5

Chane'eja auenache'ta ga'me eeta da'me at'oyaĝaqui ca'li 'uaechiñe, qa'a nayi ja ena'am dite da'me ena'am ta'le auachiyaqajeguem, qama'le nayi 'noota qom a'niyelaqaeyot ñe'me Dios, qaedi yitaĝa auauoyi da'me jo'ne 'uaechiñe at'onataĝanaĝaqui. Qalaĝaja qom ja auauoyi da'me dojo' qama'le ami jec'atalo qama'le jen ca'ae ga'me 'lachaqa' jaga'me adecoyadaĝanaqate, qom ja yitaĝa jetaque a'niyelaqaeyot ñe'me Dios.

Gálatas 6:4

Qama'le 'noota qom onolqa'tape nayatela't da'me mach'e lajoĝoc: qom 'noota qama'le mach'ega matac qa'a jouaĝa't gaa'me 'lonataqa, nataq'aen ja naloqoteneguet ga'me mach'e lajoĝo'j gaa'me laqaya'.

Hebreos 12:15

Nach'e eta't da'me adechilela't qaedi qaya'te 'uo joga'me jetaque yeguem da'me loqopich'i joñe'me Dios, uotaĝa ta'le 'uo joga'me jetaque ami 'naĝa't, qa'a dojo' yelagaĝa'j jena'me qadayi qama'le ena'am jaga'me nana jo'ne 'uo ga'me pata' jo'ne chem, da'me t'aĝanataĝanac da'me yedo'n jogaa'me.

1 Corintios 11:31

Qalaĝaja, qom 'uaeñe ñaloqotenaĝala't, qama'le ja qo'mi 'te yedalo'te da'me Dios le'uaĝanaĝanaĝac,

Tito 1:16

Eetapela'ajalo yateto'n joñe'me Dios, qalaĝaja gaa'me 'lonataqa yaloĝo'n queda'me ja naq'aeta; yataqachiñe quiyaĝanataqayaqa, ja yoqochideta joñe'me Dios nataq'aen ja yaqanate't ta'le yauote gamachaqaega chimaqachiñe.

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

Juan 14:23

Jesús 'yateguet joñe'me: —Ga'me jo'ne jayem noqopita, yoqocha'alo naa'me 'yaqataqa, qama'le Taĝadena' noqopita ga'me, qama'le ñe'me Taĝadena' nataq'aen jayem ñanaĝaquena qaedi jonaqa'ajop joga'me.

Romanos 8:10

Qalaĝaja qom yataqachiñe Cristo ami uetauelo, ñe'me adepaqali nec'aletaye, qa'a ñe'me Dios ami yachiyoĝotauelo ga'me adaviyaĝacodi' da'me ami e'n uojotedañi, temaqaedi naa'me adoje'edi' tateda'ague da'me leleuaqa' qa'a jouaĝa't gaa'me adoecodi'.

Hebreos 4:1

Qama'le nayi, da'me qo'mi maliaĝa qo'mi qoyiyaĝanalo qaedi jenoĝonaĝaue di'me 'nomataqa' joñe'me Dios. Chane'eja, 'noota qom qadetelapega't qaedi qaya'te onolec da'me ami jo'ne qoyauana da'me ja nalo'oguet ta'le yenoĝoneuo.

1 Corintios 9:24

Ami yataqachiñe auayachiñe nale 'uo ga'me noqomida'at, uo'oe gaa'me naqalego' nale, qalaĝaja onolec ga'me mataĝanaĝaic. Chane'eja, ami nataq'aen 'noota qom anaqalegoqoi qaedi naq'aeta da'me auomataĝañi.

1 Corintios 3:16

¿Qo'li ja auayachiñe queda'me aueñiya'am ga'me 'lemec ñe'me Dios nataq'aen da'me ami uetauelo ñe'me Lepaqal?

Juan 15:4

Nach'e eta't jayem auoqochi'taguet, qama'le nach'e ena'am da'me jayem ami joĝotetaita. Jaga'me lepee jaga'me uva lichidic ja yaqanatet ta'le mach'e ya'uo jala, qom ja yoqote'taguet jaga'me uva lamo, qama'le nach'e ena'am da'me mach'e at'oyaĝaqui: qaya'te anejalayaĝaqui qom ja nach'e eta't adaloi'ta't da'me jayem auoqochiyeguet.

Tito 2:2

Gaa'me 'yaĝaicachidi 'noota qom ja quejaĝayaqa, 'uo da'me nauategaĝa'j nataq'aen joĝodayaqa, nataq'aen 'noota qom yataqachiñe p'iida'a da'me yataqatelegue napaĝaguenataĝanaĝac, 'noota qom noqopitalo jogaa'me laqaya'olqa, nataq'aen naloteguet ta'le napogaĝadenegueta joda'me lachoĝodeco.

Efesios 3:17

Qama'le ñachoĝodetapecot joñe'me Dios qaedi joñe'me Jesucristo uauelo naa'me adai'lidi', qa'a jouaĝat da'me yataqata auep'iiya'a joñe'me nataq'aen qaedi da'me adoqopich'i nach'eda da'me chiyaqayi yema ga'me auauoyi,

Juan 17:26

Chane'eja joote am jatetonaĝanaĝaneque nataq'aen da'me mach'e at'onaĝac nach'e ena'am da'me nach'e eta't da'me jayatenaĝanaĝa'n, qaedi da'me adoqopich'i jo'ne jayem auen ue'tajop nach'e ena'am uetauelo jonaa'me, qama'le nach'ayem da'me jouetauelo.

Juan 17:23

queda'me jayem male jouetauelo jogaa'me nataq'aen da'me am nach'e eta't jayem oue'tajop, qaedi yataqata nalo'ta't naa'me. Chane'eja qom naq'aeta qama'le yema joga'me aleua laje'pi male nomeda'a da'me jayem anamaĝaquena, nataq'aen da'me adoqopitalo naa'me, nach'e ena'am da'me yataqata jayem adoqopita.

Santiago 4:4

¡Ja ami 'te yataqatelo'te! ¿Qo'li ja auayachiñe joda'me qom anoqopicheguet jena'me ua'ña jena'me aleua qama'le nach'e ami jo'ne laute'u joñe'me Dios? Gamachaqaega jo'ne en lelnataĝac da'me noqopita nataq'aen da'me 'yamaqate'n jena'me jo'ne ua'ña jena'me aleua, nach'ega 'viyelaĝaguet da'me en lauteua joñe'me Dios.

Colosenses 2:7

'Noota qom gaa'me lepatadi' da'me at'oyaĝaqui yoqoteteda'aguet joñe'me, nataq'aen da'me adepi'i 'noota qom naqaloĝodije'ma joñe'me, naq'aeta da'me ami qoyapaĝagueneque ca'li, qama'le nach'e eta't auañem da'me adamaiqui joñe'me Dios.

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

Gálatas 4:19

Ena'am ta'le ami yalaqa da'me ami joqopitalo, qalaĝaja qom cha'li ja auovidiya'a da'me aueñiya'am ñe'me Cristo, qama'le jalcote auauoyi yachoĝodec, ena'am lachoĝodec jaga'me yauo nale yemta niyiñe ga'me c'oĝot.

2 Corintios 6:16

Qo'mi mach'e 'lemec ñe'me Dios jo'ne nec'aletaye, nataq'aen ta'le Dios qo'mi uetauelo, qama'le ja jenaĝa qadeloĝot ga'me ch'e nequi'i. Qa'a mach'eñe ñe'me Dios enaac: “Jouetauelo jenjo' yalaqapi nataq'aen jequetauelo jogaa'me. Jayem Nedios qama'le yalaqapi qomle jogaa'me.”

1 Corintios 6:19

¿Jeele ja auayachiñe queda'me adapachidiaĝaqui ena'am ta'le naqaega 'lachaqa' jo'ne netaue ñe'me Nepaqal 'me ja 'nalegue, nach'eda jo'ne ami yanema ñe'me Dios? Qama'le da'me ami ja naq'aeta ta'le adoqochidi' naa'me adapa'chidi',

1 Corintios 6:2

¿Qo'li ja auayachiñe queda'me nach'ega ga'me Dios c'oqo'tepi ja cop'a qomle da'me ya'uo nec'atenaguec ena'uac ga'me 'uo jena'me aleua? Qama'le qom naqa'ami auauoyi da'me nec'atenaguec yema ga'me 'uo jena'me aleua, ¿toqoch'e ja auaqanachichi da'me anemichiyaque ga'me chiyaqayi da'me anecotaĝaqui jo'ne ja let'adaic?

Juan 6:56

Ga'me jo'ne yalic jena'me yapat nataq'aen da'me niyomigui janjo' yetauo' nach'e eta't da'me jayem ue'tajop, qama'le nach'e ena'am da'me jayem joue'tajop.

Juan 6:6

Jenjo' enaac qaedi yayaten da'me jach'e jogamaĝa enaac ñe'me Felipe, qa'a ñe'me Jesús joote yataqachiñe yayaten ga'me jo'ne jetaque ya'uo.

1 Pedro 5:9

'Noota qom a'nañaĝachiyeguet nataq'aen da'me ami 'yañaqate't da'me adepi'i, qa'a yemeda naa'me aleua lael, jogaa'me jo'ne mach'e adaqayadi' nach'e ena'ama da'me 'uo da'me lachoĝode'j jo'ne ena'am da'me jo'ne ami qo'yeteque.

Hebreos 6:8

Qalaĝaja ga'me aleua jo'ne qaya'te chiyaqayi, jouaĝat da'me jaldata da'me en naje'ma jana'me yaĝat choqoga'me lolelaĝa, qama'le nach'ega ga'me aleua jo'ne taya'a da'me 'uo ga'me ne'uaĝanaguec 'me chiyoqo'ot joñe'me Dios, chayovida'a da'me qoyigoue ena'uac.

1 Corintios 6:15

¿Qo'li ja auayachiñe queda'me lapachidiaĝac onolqa'tape da'me ami ena'am ta'le yoqoteta'uo da'me lapachidiaĝac ñe'me Cristo? Chane'eja ja 'noota ta'le jacona ga'me lapat lae ñe'me Cristo qaedi japeteneguet da'me lapachidiaĝac jaga'me quejeguetaĝai. ¡Ja jaqanatetaq ta'le je'etaĝam da'me dojo'!

Romanos 1:28

Qa'a queda'me ja jetaque yatetoteguet ñe'me Dios, joñe'me yegue'm jogaa'me yemegueta gaa'me jomayaqa lelnataĝaco, qaedi ye't ga'me jo'ne yepaquetedapega.

Tito 1:13

Dojo' nechoqotaĝanaĝac yataqachiñe yataqatelegue. Qo'che', ja auala'ac da'me adelaĝalo qaedi yacoteguet da'me yataqatelegue napaĝaguenataĝanaĝac,

2 Timoteo 3:8

Qama'le naa'me naajo' jiyaĝa'u ena'ama jodia'me Janes choqodi'me Jambrés ca'li nauoteteda ñe'me Moisés, qama'le nach'e ena'ama naa'me naajo' jiyaĝa'u nauoteteda da'me yataqata eja. Nach'egaua jiyaĝa'u jo'ne ja 'noe'n naa'me lai'li, nataq'aen joote qoyajaĝadegue jena'me jenjo' qadepi'iyaĝac.

1 Timoteo 2:15

Qalaĝaja jaga'me yauo qonec'alaĝategue nale qo'uaĝai, chayovida'a da'me c'oe, qom yataqata en chimaqategue ga'me lepe'e choqoga'me loqopich'i, qom joĝodai nataq'aen qom yiyamaĝatetac da'me nejiyaĝauayaĝac.

Colosenses 2:19

Nach'enaua ja yoqoteteda'aguet ñe'me qadaqaic jo'ne mach'e Cristo, nach'eñe jo'ne en naqaloĝodetajeguem q'aen yema ga'me lapat, nataq'aen yapatenegueta ena'uaque gaa'me jo'ne mach'e lael, nach'e naq'aeta da'me joote 'yaeñi joñe'me Dios.