2 Corintios 13:3 - Nuevo Testamento Toba Sombrero Negro

³ Qama'le ja'uo qa'a auepaquitapega ta'le ami jaloĝonalo da'me Cristo di'yoq q'aen da'me eja jayem yojaĝanaĝan. Nataq'aen Cristo ja choĝolaĝaic da'me ami nauela'ajalo joñe'me, dite da'me ami yaloĝonalo da'me lañoqotaĝanaĝac.

Nuevo Testamento Toba Sur

³ Qaq huaña qome, nachi qami' qanauañi' cam qanmichiitaique mayi ichoxot da so Cristo aÿim detaxaigui. Qataq so Cristo yi sa ishit da saqca ca l'añaxac da huo'o ca qami' 'ena'aque, chaqdata da somayi yi'oq da l'añaxac da qami' huetaiguilo.

La'aqtaqa Ñim Lo'onatac 'Enauacna 2013

³ Qaq damaye so'ot, cha'aye qami' qanmichiitaique cam ichoxot da So Cristo aỹem detaxaigui. Qataq So Cristo saishet da saqca ca la'añaxac da qami' ỹaỹamaxaayiñi, chaqrata da Somaye yo'oq da la'añaxac da qami' huetaiguilo.

2 Corintios 13:3 Referans Kwoze

Mateo 10:20

Qa'a ja naqa'ami da'me auauoyi ga'me adetaĝayaĝaqui dite ñe'me Lepaqal joñe'me Adet'ai nach'eñe ami yojaĝanaĝa'n.

2 Corintios 12:12

Ga'me yachoĝodeco ñapogaĝadetegueta da'me ami jouetauelo, gaa'me di'yo't nañoqotaĝanaĝaco 'me ja qoyauanapegalo, nataq'aen gaa'me uo'oe jo'ne 'uo da'me 'lonaĝa'j jo'ne je't 'me chiyoqodayi da'me lañoqotaĝanaĝac ñe'me Dios, nach'edaua di'yoq q'ae'n da'me jayem yataqatelegue lamaĝajec ñe'me Jesús.

Lucas 21:15

qa'a naqayem jo'ne ami janema qomle ga'me at'aqataqadi' jo'ne ami najaqachiguilo da'me adayatenaĝanaĝaqui, qama'le qaya'te gamachaqaega gaa'me ami nautenalo yaqanatet ta'le napogaĝadeneguet uotaĝa yaqanatet ta'le nautenaĝaneguet ga'me 'laqatac.

2 Corintios 10:4

Ga'me qat'euoĝonaĝat jo'ne jaconaĝa ja aleua le'ec, dite da'me mach'e lañoqotaĝanaĝac ñe'me Dios jo'ne 'yañoqotet ta'le yolaĝachigui joda'me ja no'en. Qama'le naq'aeta da'me jolaĝataĝaye da'me qo'mi qoyepoleguelo'te,

2 Corintios 2:10

Chane'eja, gamachaqaega 'uo ga'me ami 'yeteque ja no'en qama'le avichoĝodeñi, nach'e ena'am jayem jichoĝoden. Qama'le jichoĝoden qom 'uo ga'me lejamaĝataĝac jo'ne nalo'taguet da'me qoyichoĝodenec. Ja'uo da'me dojo' qa'a jouaĝat ami nataq'aen jenaq qa'naĝatoqo't ñe'me Cristo,

2 Corintios 2:6

Qalaĝaja qayoĝode' ami joote nalo'taguet ga'me auañem 'me ena'am ta'le ne'uaĝanaguec ga'me jiyaĝaua.

1 Corintios 7:40

Mate mane'e yelnataĝac queda'me yataqachiñe machiñe q'aen jaga'me ta'le ja yitaĝa uo'on. Naq'aeta da'me yelnataĝac, nataq'aen jeetapega jayem yaloĝonegue ñe'me Dios Lepaqal.

2 Corintios 9:8

Dios yaqanatet ta'le e'n yodapecache gaa'me ami yanema jo'ne anachiquiyaĝaqui, qaedi nach'e eta't auañiya yema ga'me jo'ne auoviñetaque. Uoja'eda ja yemeta da'me adecochaĝaqui da'me alecochiiyalo ena'uaque gaa'me 'nonataqa jo'ne 'noote'.

2 Corintios 10:1

Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.