2 Corintios 11:10 - Nuevo Testamento Toba Sombrero Negro

¹⁰ Qama'le naq'aeta da'me yataqachiñe ñayatela't da'me jayaten joda'me eja jo'ne chiyaqayi ñe'me Cristo, nach'e ena'am jayatetelegue queda'me yema di'me aleua Acaya qaya'te doĝotaĝanec da'me ji'yoĝode'n jogaa'me.

Nuevo Testamento Toba Sur

¹⁰ Qaq ÿataqta aÿim 'eesa da sauattoota da 'eesa lataxac mayi chigoqo'ot so Cristo, qataq saÿateeta nataq'en da sa ishit da huo'o ca nqat da i'ot da ñitonaxac nam netaña yi 'alhua Acaya.

La'aqtaqa Ñim Lo'onatac 'Enauacna 2013

¹⁰ Qaq ỹataqta aỹem 'eesa da sauattoota da 'eesa lataxac maye chegoqo'ot So Cristo, qaq ỹoqo'oye saỹateeta nataqa'en da saishet da huo'o ca nqat da ñetonaxac nam netaña ye 'alhua Acaya.

2 Corintios 11:10 Referans Kwoze

Romanos 9:1

Queda'me jep'iya'a ñe'me Cristo, male ja'aĝatetac da'me eja yataqatelegue, ja joqovinaĝatac. Uoja'eda, da'me yetadenataĝanaĝac 'me equegue ñe'me Dios Lepaqal jayem yayataĝadenec queda'me yataqachiñe eja da'me dojo'.

Romanos 1:9

Ñe'me Dios jo'ne nach'eñe jo'onataĝaneuo'o, qama'le yataqata 'ñañaĝatec da'me japaĝaguenataĝatapec da'me 'laqataĝanaĝac ñe'me C'oĝot, nach'eñe yayaten da'me nach'e eta't ami ñetouetapeque.

Hechos 18:12

Qalaĝaja gaa'me noloqo'ote ca'li ñe'me Galión nejaliaĝatelegue di'me Acaya, joga'me judiopi yema'a't ca'li da'me nauteteguet ñe'me Pablo; yeuede'uo ga'me nojaĝaiqui

2 Corintios 1:23

Qalaĝaja qom maliaĝa ja jec'ata di'me Corinto, jo'ne te'me naq'aeta da'me yelnataĝac, jee'tem da'me 'naĝatoqo't ñe'me Dios, nach'edata da'me 'uo da'me ami jetela'ate da'me ja ami 'te jec'atalo.

1 Timoteo 2:7

Nach'ena jenjo' qoyen ja'aĝatetac uotaĝa jayem aqataĝanaĝaic naa'me naajo' 'naqataqa, qama'le jayem yamaĝalo joga'me ja judiopi qaedi japaĝaguetapeque gaa'me ejoda jo'ne 'laqataĝanaĝaco joñe'me Jesús. Jenjo' jo'ne ja'aĝatetac yataqata eja, ja joqovinaĝatac.

1 Ts 2:10

Qama'le naqa'ami 'me auatetoñi ga'me 'yonatac, nataq'aen ñe'me Dios nach'eñe 'me joote yayaten da'me yema joga'me jauoqo yataqata ja ch'e qanequejaĝac, yataqata ja 'nalegue, yataqata chimaqachiñe, choqoda'me yataqata ami lecochiyalo da'me ami p'etaqadayaqa.

1 Ts 2:5

Qa'a ami joote auayachiñe da'me ja auañiya ta'le ch'e ji'yoĝodenaqatac ga'me qadojaĝac, uotaĝa ta'le 'uo ga'me qadapaĝaguenataĝanaĝac jo'ne jenaĝa chiyaqayi ga'me qo'mi qoyejete'n. Jena'me jenjo' yataqata Dios joote yayaten nach'eñe qo'mi nelota'ñalo.

Gálatas 1:20

Yataqachiñe eja da'me dojo' ami ja'aĝatema. ¡Dios jayem yayaten queda'me ja joqovinaĝatac!

2 Corintios 12:19

Uotaĝa auepíchitapega da'me ami ñachoĝodenaqatapegouelo qaedi qo'mi avichoĝodeñi, qalaĝaja ja naq'aeta. Qo'mi jouaqa'tot ñe'me Cristo, nataq'aen ñe'me Dios mach'e yayaten yema ga'me jo'ne ja'aĝataqatac. Ami qadaqaya'olqa, yema ga'me jo'ne joote je'etaq, ga'me joote jauoqo da'me ami yecochaĝalo, qaedi nichiquetajeguem da'me yataqachiñe auep'iiya'a ñe'me Cristo.

2 Corintios 11:31

Ñe'me Dios nataq'aen Let'a ñe'me Qadejaliaĝanec Jesús, jo'ne nach'eñe qoyanem da'me nach'e eta't qo'nonaĝachigui, nach'eñe yayaten queda'me ja joqovinaĝatac.

2 Corintios 11:12

Qalaĝaja jequetelegue je'etetac ga'me jo'ne joote ja'uo, qaedi ja ja'uo 'te ledaqa't gaa'me yelotedaque da'me 'uo ga'me chiyaqayi da'me ni'yoĝodenaĝa'j ena'am ga'me joote ñaqataĝañi ga'me joote qo'mi uetauelo.

2 Corintios 10:15

Nataq'aen ja ñi'yoĝodenaqatapiye ga'me 'lonata'j jogaa'me jiyaĝa'u laqaya', dite da'me 'uo da'me qadeuataqataĝanaĝac yataqachiñe jalcote da'me qat'onataĝanaĝac da'me ami jouaqatauelo, 'uo da'me qanaquitetapega da'me jetaque nichiquetaye da'me yataqachiñe auep'iiya'a ñe'me Dios. Naqaega loiquiaqa' jo'ne joote jeloqo'ta da'me qat'onataĝanaĝac.

2 Corintios 9:2

Joote ami jayate'n queda'me eja jetaque alecochiiyalo. Qo'che' 'uo da'me ñi'yoĝodenaĝac ca'li ja'aqataĝatapema jogaa'me qadaqaya'olqa 'me neda'ña di'me aleua 'me Macedonia queda'me ami 'me at'achaqadi' di'me Acaya, ami uetauelo da'me nach'e eta't jetaque alecochiiyalo chiyoqo'teguet jo'me uo'e laqaya. Ca'li domachita da'me dojo' jogaa'me Macedonia laje' qayoĝode' jogaa'me yauote da'me lecochaĝa'j.

2 Corintios 1:1

Jayem Pablo 'me jayem lamaĝajec ñe'me Cristo Jesús, qa'a naq'aeta da'me loequenataĝanaĝac ñe'me Dios. Ami jep'iye'tape nayi, nach'e ena'am ñe'me qadaqaya Timoteo, da'me ami qadaqaya' p'etaqadaiquipi jo'ne Dios lec'oqo'tolqa 'me oñiya'ña di'me Corinto, nataq'aen uoja'aegaua qadaqaya' 'me neda'ña di'me aleua jo'ne Acaya.

1 Corintios 16:15

Ami yaqaya'olqa, joote auayachiñe queda'me Estéfanas nataq'aen gaa'me 'lachaqa' laje' nach'egaua 'uaediñe ga'me jiyaĝadipi di'me aleua Acaya jo'ne yacoteguet da'me 'laqataĝanaĝac ñe'me Jesucristo, nataq'aen nach'egaua yauote da'me qaedi lecochiyalo joga'me p'etaqadaiquipi.

Romanos 16:5

Nach'e ena'am auep'iyeñi'tape gaa'me p'etaqadayaqa 'me yema'a't nale ueda'a di'me 'lachaqa' jañe'me Prisca nataq'aen Aquila, auep'iyeñi ñe'me Epéneto mach'e jauotec jo'ne 'uaechiñe p'iya'a ñe'me Cristo di'me aleua jo'ne Asia.

Hechos 18:27

Ca'li Apolo jetaque taya'ague di'me aleua Acaya, jogaa'me qadaqaya'olqa yate'm da'me lecochaĝa'j, nataq'aen yauote jaga'me lediije' qaedi yedenaqatenalo ga'me p'etaqadaiquipi da'me daja', qaedi qoyelo'ogueta joga'me. Chane'eja ca'li Apolo yovita di'me Acaya, yataqachiñe lecochiyalo gaa'me jo'ne p'iida'a ca'li, jouaĝat da'me lichoĝodenataĝanaĝac ñe'me Dios.

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.