2 Corintios 10:5 - Nuevo Testamento Toba Sombrero Negro

⁵ nataq'aen yema 'yoĝodenaĝaco jo'ne jetaque nauateguet da'me qaedi qoyateton ñe'me Dios. Dojo' nañoqotaĝanaĝac jedoĝolo'te gaa'me loeco lo'olpi qaedi 'yemaĝadiñe yaĝadegue gaa'me lelnataĝaco jo'ne toye's qama'le yoqochideta ñe'me Cristo.

Nuevo Testamento Toba Sur

⁵ da yaqto' ishit da ñilaxataxañi 'enauac nam chochi qai'ot nasouaxashitpi qataq ca machaqca npa'aguenataxanaxac mayi n'amaqten da huotaique da nqanaxat da yaqto' sa ishit da qaÿauatton ñi Dios. Qataq 'enauac nam lhuennataxacpi na shiÿaxauapi ÿataqta ñillaqañi da sanqot so Cristo, da yaqto' ÿalaxaguet somayi.

La'aqtaqa Ñim Lo'onatac 'Enauacna 2013

⁵ qataq da ño'oxonnaxac nam huotaique da npaxateguet da yaqto' saishet da ivira da ỹoqta qaỹauatton Ñim Lo'onatac 'Enauacna. Sachegoxotaqchigui de'era na'añaxac da so'ogoxonaxa da yaqto' na 'etaxaloxoicpi naralaxa't naua lhuennataxaco, nache ỹalaxaguet So Cristo.

2 Corintios 10:5 Referans Kwoze

Hebreos 4:12

Qa'a da'me 'laqatac joñe'me Dios yataqata nec'aletaye nataq'aen 'uo da'me lañoqotaĝanaĝac. Nach'eda jo'ne nichaĝajoĝonaĝat jo'ne p'ajaye, napacalegue ga'me nedaĝanaĝat jo'ne dos naa'me lia'a, qama'le yaqanatet ta'le yeda'uo ga'me lauel ga'me jiyaĝaua, chayovida'a da'me yovidauo ga'me lepaqal, ena'am ta'le yededa'uo gaa'me loiquiaqa'te naa'me lep'inaqa nataq'aen na'me lap'iyoĝo. Qama'le nach'eda jo'ne ya'uo da'me lec'atenaĝanaĝac, naloqote'n gaa'me lelnataĝaco ga'me jiyaĝaua nataq'aen gaa'me jo'ne mach'e lamaico.

Romanos 7:23

Qalaĝaja jauana ga'me jayem netaye jo'ne nautena ga'me 'lañaĝac ga'me yelnataĝac: nach'ega lamaĝajoĝonaĝac ga'me etaĝaloĝoc 'me jayem netaye, nataq'aen jayem yecoñedeta't.

Mateo 15:19

Qa'a gaa'me chiyoqodaue na'me lauel ga'me jiyaĝaua nach'egaua jo'ne chiyoĝogueta naa'me lelnataĝaco 'me ja 'noe'n, da'me nalataĝanaĝac, da'me leuaua jaga'me ja yataqachiñe loua, da'me nequejeguetaĝa, da'me noqovinaĝanaĝac choqoda'me nejenaĝanaĝac.

Romanos 1:21

Qa'a mate mane'e yateto'n ñe'me Dios, qalaĝaja eetede'em da'me ja naqaeñe ñe'me Dios da'me ja 'nonaĝachidegue, uotaĝa ta'le yate'm da'me lamai'j. Ja naq'aeta, dite da'me chayovida'a yovideta da'me nichiyoĝojoĝo'j naa'me lelnataĝaco nataq'aen naa'me lai'li yataqachiñe uetayelo da'me 'lalaĝa.

1 Corintios 3:19

Qa'a ga'me nayatenaĝanaĝac jo'ne ch'e lelnataĝa'j jena'me jiyaĝadipi, nach'eda Dios enapega mach'e chiyoĝojoĝoc. Qa'a naa'me nedii's naq'aeta da'me 'yaĝatetac, eet'oi: «Dios yedo'oque da'me mach'e layatenaĝanaĝa'j joga'me yatenaĝanaĝaiquipi da'me e'n yedolo'te, Qanach'e polegaĝatot da'me layatenaĝanaĝa'j qama'le 'uaĝadiñe.»

1 Corintios 1:19

Naq'aeta joda'me 'yaĝatetedac gaa'me nedii's, eet'oi: “Dios enaac: «Japalaĝat da'me layatenaĝanaĝac joga'me yatenaĝanaĝaiquipi; Jaja'a, jemaĝaguet ga'me jetaque yauote.»”

Hebreos 5:9

Qama'le ja yaĝañi da'me yataqata yoqo'cha joñe'me Dios, chayovida'a da'me yovita da'me laloqo' da'me qoyalat. Chane'eja nach'eñe joñe'me jo'ne yovida'a q'aen da'me male qoyen ladic da'me qonec'alaĝatedegue yema jogaa'me jo'ne yoqochideta joñe'me, da'me nec'alaĝa jo'ne qaya'te loiquiaqa'.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

2 Ts 2:8

Chane'eja qom male qaya ñe'me 'nelaĝatetañe, qama'le yataqata di'yoq joñe'me jo'ne yataqata ja no'en. Qalaĝaja joñe'me Qadejaliaĝanec Jesús yapalaĝat qomle, yalatec na'me layat jo'ne na'ya na'me nedegaĝat da'me yepetetot ga'me, nataq'aen qom di'yoq da'me 'lonaĝac joñe'me Jesús ena'am ta'le qonolaĝachiñe joñe'me jo'ne ja no'en.

Lucas 1:51

Yataqachiñe 'uo da'me lañoqotaĝanaĝac ta'le t'onataĝan, qama'le 'yodedegue gaa'me jo'ne 'uo da'me ni'yoĝodenaĝa'j:

2 Ts 2:4

Jenjo' jiyaĝaua jo'ne ja no'en, naqaena jo'ne yataqata nautena joñe'me Dios, chayovida'a eetapega deuodaĝanec yema joga'me loĝot joñe'me Dios. Nataq'aen nejaliaĝatoue qomle jena'me jenjo' tamenaĝaiqui jo'ne 'lemec joñe'me Dios, male naqaeñe eetapega nach'eñe ñe'me Dios.

2 Corintios 9:13

Janjo' necochaĝanaqate nach'eda yaloĝon queda'me ami auacoñiyeguet da'me onaĝaic 'naqataĝanaĝac nataq'aen auoqochiya ga'me 'yaĝatetac. Qo'che' jogaa'me netotedapec nataq'aen 'nonaĝachidegue joñe'me Dios.

Romanos 16:26

Qalaĝaja nayi chiyoqotelo'te naa'me ledii's dia'me Dios 'laqataĝanaĝanaqa da'me qoyajeta da'me qoyaloĝon, naq'aeta da'me lamaĝajoĝonaĝac ñe'me Dios 'me ja 'naidena'a. Dojo' ja di'yoq 'me 'yaeñi ñe'me Dios male qoyatetonaĝaneque ena'uaque gaa'me ale'u lael, qaedi p'iida'a nataq'aen yoqochideta.

Romanos 1:5

Chiyaqayi ñe'me Jesucristo jaconeguet da'me jayem qoyeyala'ac da'me jayem namaĝajec, jayem qoyanec da'me jo'onataĝaneuo'o, qaedi yema jena'me aleua uo'oe gaa'me p'iida'a joñe'me nataq'aen yoqochideta.

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

2 Corintios 11:20

¡Chayovida'a adaloyeguet ta'le anapogaĝadeñiyegueta gaa'me ami ee'tema ta'le lelataqa, nach'egaua jo'ne ami yoqovi'tape nataq'aen ami ye'ue'tape nataq'aen jogaa'me jo'ne ye'uaĝatapegouelo naa'me adatajoĝocodi'!

Filipenses 4:7

Qama'le joñe'me Dios ami yanema joga'me 'nemaĝac jo'ne yataqata napacalegue ga'me yañoĝot da'me yayaten ga'me jiyaĝaua. Qama'le dojo' 'nemaĝac male 'namachidiñe q'ae'n naa'me adai'lidi' nataq'aen gaa'me adelnataĝacodi', jouaĝat da'me yataqachiñe ademii'teguet joñe'me Cristo.