2 Corintios 10:1 - Nuevo Testamento Toba Sombrero Negro

¹ Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

Nuevo Testamento Toba Sur

¹ Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

La'aqtaqa Ñim Lo'onatac 'Enauacna 2013

^1-2 Aỹem qoỹeetegacnaxa da qaica ca ỹa'amaqchec da qami' sootaiguilo, qalaxaye naxa da aỹem qaỹoqta, qalaq ỹataqta saq llivigui ye iuel. Qaq aỹem qami' ñachoxonnoiguilo chegoqchigui da lsoxosoxonaxac qataq da lauotaxanaqtaic So Cristo, da qom qami' sevitalo, qalaq saishet da aỹem qauamaqỹalec, da yaqto' sa sareno'ot da shenapega nam qomi' quetapegueleguete, cha'aye namayepi 'eetega da so'otaqtac damaye, cha'aye huo'o cam yo'oqchigui ñaquitaqtaique, shenaqta'am nam laỹepi shiỹaxauapi maye huetalec ana 'alhua.

2 Corintios 10:1 Referans Kwoze

2 Corintios 10:10

Uo'oe gaa'me enapega't ja damitelo'te gaa'me yediijel nataq'aen vichaĝagueta, qalaĝaja qaya'te 'yañaĝac nale yataqachiñe ja'aqataĝatac, nataq'aen ja yataqachiñe jayaten da'me yojaĝac, ja jayem 'te yoqoch'em gamachaqaega.

Mateo 11:29

'Noota qom auacoñiyeguet jena'me yepiñejec jo'ne ami janema, nataq'aen 'noota qom jayem auayachiñe queda'me 'uo da'me ñapogaĝadenaĝac nataq'aen joĝodaic jena'me yeuel; nach'eda eeta da'me male 'nomategue jonaa'me adai'lidi'.

Gálatas 5:2

Qalaĝaja 'uo da'me jetaque ami ja'aĝatema: qom ami yitaĝa auacoñiyeguet da'me nichaĝajoĝonaĝac, qama'le da'me 'lonatac ca'li ñe'me Cristo male ja ami 'te lecochiyalo.

Romanos 12:1

Chane'eja, ami yaqaya'olqa, yajouaĝat da'me lichoĝodenataĝanaĝac ñe'me Dios, ami ñachoĝodenouelo da'me 'noota qom mach'e ami auec'achiya joñe'me Dios ena'am ta'le najaqajec jo'ne nec'aletaye, ja 'nalegue jo'ne jama ga'me laetayaĝac 'me qoyanem ñe'me Dios. Naqaena jena'me 'nemaĝac 'me yataqatelegue auañem joñe'me.

2 Corintios 11:30

Qom 'uo ga'me chiyaqayi da'me ñi'yoĝodenaĝac, ñi'yoĝodetapiyelo gaa'me uo'oe jo'ne jayem di'yoĝoma 'me yachoĝolaĝaco.

1 Corintios 2:3

Ca'li ami joue'tajopa, jena'me yapat yataqachiñe nejalichiñe nataq'aen jayem yeviloĝolaqatet da'me yoqolanaĝa,

Apocalipsis 1:9

Jayem Juan 'me mach'e jayem adaqayai, qama'le qo'mi nepi'iyaĝa'u da'me qademe'teguet joñe'me Jesús. Qo'che' 'uo da'me qadachoĝodec nayi, nataq'aen 'uo da'me qat'añaĝac da'me qaedi ñapogaĝadenaq, chayovida'a da'me yataqata jouaqataue da'me lejaliaĝa joñe'me Dios. Da'me jayem jonetalegue ca'li di'me comadaĝa jo'ne lenaĝat da'me Patmos, yajouaĝat da'me ja'aĝate'tape naa'me 'laqataĝanaĝaco joñe'me Dios, nach'enaua jo'ne dechoqotaĝatec joñe'me Jesús.

1 Pedro 2:11

Ami yaqaya'olqa, ami jo'ne aueñiya'ama jogaa'me ja 'lachaqa'tena 'me ch'e oquitalegue jenjo' aleua, ami ñachoĝodenoto da'me ena'te auauoyi ledaqa't naa'me lamaico ga'me anejiyaĝauayaĝaqui jo'ne deloiquitedapegue' da'me at'oyaĝaqui.

Filemón 1:9

qalaĝaja jetaque ch'e am ñachoĝodenot, qa'a 'uo da'me adoqopich'i. Jayem Pablo, male jayem 'yaĝaicachigui, nataq'aen nayi jayem necoñetaejec da'me yajouaĝat joñe'me Cristo Jesús.

2 Ts 3:17

Jayem Pablo, janjo' yediije p'ategue jo'ne mach'e yataqata yediije, naq'aeta nale jedelo'te yemeda naa'me yediijel, mach'e yataqata yedii's naa'me ualo'te.

Efesios 4:1

Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

Gálatas 4:13

Nataq'aen joote auayachiñe, ca'li 'uaeñe ami japaĝagueneque da'me onaĝaic 'naqataĝanaĝac, ja'uo da'me dojo' chaqaedi da'me 'uo ga'me yapite'na jo'ne ya'uo yachoĝodec.

2 Corintios 12:5

Jayem 'uo da'me ñi'yoĝodenaĝac da'me naq'aeta jiyaĝaua 'me jauana, qalaĝaja ja naqaeda ta'le mach'e jayem, qa'a jayem nach'edata jaqanatet ta'le ja'aĝa'tape da'me yachoĝolaĝaco.

2 Corintios 11:21

'Uo da'me yepocoĝo da'me ñenaĝategue, qa'a ja ch'e yichiyaqatelegue ta'le naq'aeta ga'me je'etaĝaque. Qalaĝaja queda'me uo'oe gaa'me naq'aeta da'me yauote 'me ni'yoĝodela'ajalo, jayem nach'e ena'am naq'aeta ga'me ja'uo, mate mane'e dojo' chiyojoĝoc.

2 Corintios 10:7

Ami nach'edata da'me auacoñiyeguet ga'me jo'ne auañiya. Qom aueñetapela't yataqachiñe oquiyegue ñe'me Cristo, jetaque ami ja'aĝatema da'me nach'e ena'ama qo'mi.

2 Corintios 10:2

Chane'eja, male ami ñachoĝodenouelo queda'me qom ami jec'atalo qama'le ena'te jayem auepagaqachitapega da'me ja jayem 'te damitelegue qom jajoya'agueta gaa'me jo'ne 'uo da'me 'lenaĝanataĝanaĝa'j. Jogaa'me qo'mi eetapegalo queda'me je'etaqa'tape gaa'me uo'oe qa'a ch'e qanaquitetac naq'aeta jenaqa'am gaa'me 'lonataqa ga'me jiyaĝadipi jo'ne quetalo'te da'me ch'e nejiyaĝauayaĝa'j lamaico.

2 Corintios 7:4

'Uo da'me ñi'yoĝodenaĝac jo'ne ami chiyaqayilo nataq'aen jalcote da'me ami jep'eteque. Jalcote jayem matac, temaqaedi da'me uo'oe ena'uaque gaa'me qadaqalaico jo'ne qo'mi ualo'te.

2 Corintios 6:1

Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

2 Corintios 5:20

Chane'eja nach'e qo'mi lamaĝa's ñe'me Cristo qaedi ja'aĝataqatac joñe'me, nataq'aen ena'am ta'le nach'eñe ñe'me Dios ami nachoĝodetapecoto qaedi anaquiaĝañiya da'me qat'aqataĝanaĝac. Qama'le ñe'me Cristo qo'mi 'yelopeque da'me ami ñachoĝodenaqatapecoto qaedi auacoñiyeguet da'me 'lemaĝac ñe'me Dios jo'ne ami yanema.

2 Corintios 3:12

Yema da'me dojo' yataqachiñe jenaĝa eja, chane'eja ja qat'oyalegue da'me ja'aĝataqatac.

1 Corintios 4:10

Qo'mi, queda'me qolaĝague ñe'me Jesús, ena'am ta'le qo'mi chiyoĝo's, ami qamqa'me ami yatenaĝanaĝayaqa queda'me oquiyegue ñe'me Jesús; qaya'te qat'añaĝac qalaĝaja ami qamqa'me ami 'uañaĝayaqa; ami qo'nonaĝachiguilo nale, qalaĝaja qo'mi qamqa'me qo'mi qo'yota'tape nale.

Romanos 15:15

Temaqaedi ja'uo jenjo' yediijec queda'me uo'oe gaa'me ami ja'aĝatema qaedi ja auapalaĝache'talo, ja'uo da'me dojo' qa'a da'me lichoĝodenataĝanaĝac ñe'me Dios jayem yamaĝalegue.

Romanos 10:20

Ua'edi, Isaías lichiquetelegue enaac: “Jogaa'me jo'ne ja jayem 'te yelotedaque, jayem yauata. Qama'le ñaloĝonegueta gaa'me jo'ne ja jayem 'te nataĝatedaque.”

Hechos 8:32

Ga'me 'naqatac jo'ne yec'atetac eet'oi: “Ena'am jaga'me 'naĝanaĝate da'me qoyauega ga'me nalataqa', ena'am ga'me 'naĝanaĝate c'oĝot nale dajo'tagueta ga'me jo'ne naqa't ga'me layoĝot, taqaeue'ta 'youachigui ga'me nedegaĝat ñe'me.

Mateo 21:5

“A'uaĝachem di'me noic Sión: «Auec'aten na'me Adejaliaĝanec am nec'ata. Ja 'yoĝodaq, netalegue ga'me ajena, ga'me ajenolec 'me c'oĝot jaga'me jiyac 'me nachoĝonaĝalate.»”

1 Corintios 4:21

Jega: ¿jach'e ga'me a'uamaqachiñe ta'le ja'uo? Qom ami jejapichiyalo, ¿qo'li ja jodinataĝanac, uotaĝa jaloĝonalo da'me yoqopich'i da'me joĝodaic na'me yeuel?

Efesios 3:1

Jayem Pablo jo'ne jayem necoñetaejec jouaĝat da'me je'etetac da'me Jesucristo en 'yonatac da'me en jayem anapaĝaguenoqo't, da'me ami jo'ne ja ami 'te judiopi.

Filipenses 4:5

'Noota qom ami qoyayate'n nale da'me yataqata ami choĝodenataĝanaĝayaqa, qa'a joñe'me Qadejaliaĝanec 'niyelaq jo' qomle.

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

Filemón 1:19

Jayem Pablo, mach'e ñapoquena ledii's naa'me naajo', queda'me mach'e jejeten qomle. ¡Mate mane'e jaqanatet ta'le am ñetouenaĝanaĝanec queda'me dalaĝaic anejiyaĝauayaĝac ena'am ta'le ch'e anep'ia, qa'a am yecochiya ca'li, qaedi 'uo da'me adepe'e!