2 Corintios 1:6 - Nuevo Testamento Toba Sombrero Negro

⁶ Qom 'uo da'me qadachoĝodec, qama'le naue ami qoloyaĝanate'tape nataq'aen ami qonec'alaĝatedegue. Nataq'aen qom qo'mi loyaĝanate't ñe'me Dios, qama'le nach'e ena'am da'me ami qoloyaĝanate'tape, qaedi auaqanachichi ta'le 'uo da'me at'añaĝaqui da'me anapogaĝadeñiyegueta da'me nach'edaua qadachoĝodeco 'me joote qo'mi ualo'te.

Nuevo Testamento Toba Sur

⁶ Qaq ÿoqo'oyi da qomi' huo'o da qanque'ejnaxac, qalaq naigui da qami' qai'añaqchi't qataq qami' qanca'alaxatreec. Qaq da ñi Dios qomi' i'añaqchi't, nachi nataq'en da qoñiita qami' qai'añaqchi't, qataq qami' qanca'alaxatreec, yaqto' ishit da qanaloita'aguet da qan'añaxachiiguet de'eda que'ejnaxac mayi qomi' ñique'etaxanaqtapigui.

La'aqtaqa Ñim Lo'onatac 'Enauacna 2013

⁶ Huo'o da qanque'eenaxac da yaqto' qami' ishet da qauamaichiguiñi, qataq qauacoñiiguet da nca'alaxa. Ñim Lo'onatac 'Enauacna qomi' itaua'n da yaqto' seshetaq da qami' sa'añaqcheta'q. Yaqto' qami' ishet da qauañoxoche da qoviilec da qarhualaxaviqui da qauataiỹa'aguet da qarqalaiqui qataq da qanque'eenaxaqui maye nataqa'en qomi' sataqta'aguet.

2 Corintios 1:6 Referans Kwoze

2 Timoteo 2:10

qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.

2 Corintios 1:4

Nach'eñe qo'mi loyaĝanate't nale uo'oe ena'uaque qadachoĝodeco, qaedi qo'mi nach'e ena'am jaqanatetaq ta'le qaloyaĝanate'tape jogaa'me jo'ne 'uo da'me lachoĝode'j. 'Uo da'me qadoyaĝanataĝanaĝac qa'a ñe'me Dios qo'mi loyaĝanate'tape ca'li.

Filipenses 1:19

qa'a jayaten da'me 'uo joga'me adajelaĝanaĝaqui, nataq'aen joda'me lecochaĝac joñe'me Lepaqal ñe'me Jesucristo, qama'le jeca'e qomle jana'me janjo' coñetaĝanaĝaiqui.

Efesios 3:13

Chane'eja, ami yaqaya'olqa, male ami ñachoĝodenouelo nayi da'me ena'te lichiguilo naa'me adai'lidi' jouaĝat da'me yachoĝodec, qa'a naa'me naajo' yataqata ami 'nonaĝachiguilo.

2 Corintios 5:5

Qama'le ñe'me Dios nach'eñe qo'mi yaqataĝata'ajalo qaedi jaconaĝaguet da'me dojo' qo'mi qoyeleguemaĝa't, qama'le queda'me qo'mi yanema ñe'me Lepaqal 'me ja 'nalegue, nach'eda en di'yoq da'me naq'aeta qomle da'me ya'uo.

Romanos 8:28

Jayatenaq ñe'me Dios da'me yaqataĝata'ajalo gaa'me uo'oe 'me chiyaqayi ga'me liyamaĝa'j jogaa'me jo'ne noqopideta joñe'me, nach'egaua yiyaĝanalo joca'li joñe'me da'me jetaque nec'alaĝatedegue.

2 Corintios 12:15

Qama'le da'me jayem ja'amaqaten da'me yema jo'onataĝana ga'me jo'ne jauana, chayovida'a da'me mach'e 'yoyaĝac jo'onataĝanaĝa, da'me ami yecochiyalo. Da'me yataqachiñe jalcote ami joqopitalo, qama'te ami ¿toqoch'e ja yataqachiñe jayem adoqopichiya?

Hechos 21:5

Qalaĝaja yitaĝa qolaq ca'li male yenoĝodegue jaa'me siete noloqo'ote. Ena'uaque gaa'me jiyaĝa'u, gaa'me ñoqolqapi, nataq'aen gaa'me yauo' qo'mi qonaequetapegue'to chayovida'a jovidaĝa'ya ga'me p'aye di'me noic, qama'le jouaqa'edi ga'me noĝop lae da'me jejogaĝadiñe naa'me qadeliquetel qama'le ñetamenaq.

Efesios 3:1

Jayem Pablo jo'ne jayem necoñetaejec jouaĝat da'me je'etetac da'me Jesucristo en 'yonatac da'me en jayem anapaĝaguenoqo't, da'me ami jo'ne ja ami 'te judiopi.