2 Corintios 1:3 - Nuevo Testamento Toba Sombrero Negro

³ 'Noota qom 'ñonaĝataĝaye ñe'me Nedios nataq'aen Let'a ñe'me Qadejaliaĝanec Jesucristo, nach'eñe ñe'me Qadet'a jo'ne choĝodenataĝanaĝaic nataq'aen Dios jo'ne 'uo da'me loyaĝanataĝanaĝac.

Nuevo Testamento Toba Sur

³ Shi'oxodenaq ñi Dios mayi lta'a so qadataxala' Jesucristo, cha'ayi nachiñi ñi qadta'a mayi qomi' lchoxonnataqa, qataq nachiñi ñi Dios mayi sa i'atai' da qomi' i'añaqchi't.

La'aqtaqa Ñim Lo'onatac 'Enauacna 2013

³ ¡Sanaqtacot da qana'achecỹaxac Ñim Lo'onatac 'Enauacna maye Lta'a So Qarataxala' Jesucristo! Cha'aye Ñimaye ỹataqta soxoraic qataq huotaxanaqtaqaic qataq nache 'eetai' da qomi' itauaata'ape.

2 Corintios 1:3 Referans Kwoze

1 Pedro 1:3

'Ñonaĝataĝaye joñe'me Qadet'a Dios jo'ne Let'a joñe'me mach'e Qadejaliaĝanec Jesucristo, qa'a naqaeñe jo'ne yataqachiñe choĝodenataĝanaĝaic, qama'le qo'mi yanema da'me qat'oyaĝac jo'ne dalaĝaic. Chane'eja male 'uo da'me qadeuataqataĝanaĝac jo'ne ja yitaĝa ta'le pal, yajouaĝat da'me joote 'niyelaĝajeguem joñe'me Jesucristo ca'li chiyaqauelo ga'me napa'lpi.

Efesios 1:3

Yataqata 'noota ta'le qo'nonaĝachigui joñe'me Dios, jo'ne Let'a joñe'me Qadejaliaĝanec Jesucristo, qa'a qo'mi yichoĝode'n jouaĝat da'me joqo'taqataguet ñe'me Cristo. Chane'eja qo'mi yanema naa'me yodapecache lichoĝodenataĝanaĝaco 'me ja di'yo't, jo'ne chiyoqodaje'ma di'me piyem.

Filipenses 2:11

qaedi male yema qo'yaĝatetedac queda'me nach'eñe joñe'me Jesucristo naqaeñe jo'ne Qadejaliaĝanec. Qama'le naq'aeta da'me yataqata qo'nonaĝachigui joñe'me Dios mach'e Qadet'a.

Efesios 1:17

Nataq'aen ñachoĝodenot joñe'me Nedios ñe'me Qadejaliaĝanec Jesucristo, ñe'me mach'e Qadet'a jo'ne onaĝaicaloec, qaedi ami yanema joñe'me Lepaqal jo'ne ja 'nalegue, qaedi ami yatenaĝanaĝayaqa nataq'aen male yataqata at'amaqayec joñe'me Dios.

2 Juan 1:9

Qom 'uo ga'me eetapela't noqotetenegue da'me jo'ne joote Cristo dapaĝaguenataĝanec, nach'ega ja ue'tajop joñe'me Dios. Qalaĝaja ga'me jo'ne 'nañaĝateque daa'me daajo' Cristo lapaĝaguenataĝanaĝaco, nach'ega ue'tajop joñe'me Qadet'a nataq'aen joñe'me Lec'oĝot.

2 Corintios 11:31

Ñe'me Dios nataq'aen Let'a ñe'me Qadejaliaĝanec Jesús, jo'ne nach'eñe qoyanem da'me nach'e eta't qo'nonaĝachigui, nach'eñe yayaten queda'me ja joqovinaĝatac.

2 Juan 1:4

Yataqachiñe jayem matac queda'me uo'oe gaa'me jauanalo jo'ne am chiyoqodayi da'me quetedalegue joda'me jo'ne eja, naq'aeta da'me jo'ne Qadet'a Dios qo'mi yamaĝalo'te.

Juan 10:30

Ñe'me Taĝadena' nataq'aen jayem, onolec da'me mach'e qat'oyaĝac.

Juan 20:17

Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

2 Corintios 7:6

Qalaĝaja Dios, jo'ne 'yañaqate't gaa'me 'uo ga'me lachoĝode'j, qo'mi loyaĝanate'tape, loyaĝanatetapeque da'me ca'li qo'mi yovitalo ñe'me Tito.

Colosenses 1:3

Nale ami jajelaĝanaĝalo'te qama'le janemaĝam da'me qadamaic joñe'me Dios, jo'ne Let'a ñe'me Jesucristo mach'e Qadejaliaĝanec,