2 Corintios 1:20 - Nuevo Testamento Toba Sombrero Negro

²⁰ qa'a nach'eñe ñe'me chiyaqayi da'me yepaquichiguilo ena'uaque ga'me jo'ne joote Dios 'yaĝa'tape jo'ne jetaque yauo'oe. Qo'che' nale 'ñonaĝataĝaye ñe'me Dios, jenaqaac “Jaja'a, nach'e naq'aeta da'me dojo',” chiyoqotelegue ñe'me Cristo Jesús.

Nuevo Testamento Toba Sur

²⁰ cha'ayi somayi nachiso so ipacchigui naq'en 'enauac na ÿachaxanapecpi ñi Dios. Qaq ÿoqo'oyi da shi'oxodenaq ñi Dios, qaq chigoqchigui so Cristo Jesús da shinaqta' da qadasataxac, “Aja', nachida lataxac.”

La'aqtaqa Ñim Lo'onatac 'Enauacna 2013

²⁰ Cha'aye Somaye, nacheso so ipacchigui naqa'en 'enauac na ỹachaxanapecpi Ñim Lo'onatac 'Enauacna. Qaq ỹoqo'oye da sho'oxorenaq Ñim Lo'onatac 'Enauacna, qaq chegoqchigui So Cristo Jesús da shenaqta' da qarasataxac, «Aja', nachera lataxac.»

2 Corintios 1:20 Referans Kwoze

Hebreos 13:8

Jesucristo nach'e eta't da'me 'uo, chiyoqotelegue da'me 'uaechiñe chayovida'a nayi, nataq'aen nach'e eta't da'me ja pal.

Gálatas 3:22

Qalaĝaja joda'me nedii's 'yaĝatetac queda'me yema jogaa'me aleua laje'pi yapadelo'te gaa'me loeco, qaedi ga'me ch'e jetaque qaneme q'aen ñe'me Dios jo'ne joote yaqataĝañi da'me 'laqatac ñe'me, nach'edata tachiguilo gaa'me jo'ne p'iida'a ñe'me Jesucristo.

Apocalipsis 7:12

eet'oi: “¡Nach'e naq'aeta da'me dojo'! ¡Nach'eñe joñe'me Qadet'a Dios Jo'ne nach'e eta't da'me 'ñonaĝataĝaye, Yemeda naa'me 'uoidi da'me ja pal, Jouaĝat da'me 'uo da'me 'lonaĝac let'adaic, Choqoda'me layatenaĝanaĝac! Qama'le janemaĝam da'me qadamaic nataq'aen da'me 'ñonaĝataĝaye, Qa'a nach'e ena'am qaya'te yaqalaatac, Jouaĝat da'me mach'e loĝot da'me lañoqotaĝanaĝac let'adaic, Joñe'me jo'ne nach'e eta't 'uo.”

Efesios 1:6

Chane'eja 'noota qom yataqata 'ñonaĝataĝaye joñe'me jouaĝat jena'me jenjo' t'adaic 'lonaĝac, 'me chiyaqayi da'me onaĝaic loqopich'i jo'ne qo'mi yanema. Jayatenaq da'me yataqata eja da'me loqopich'i, qa'a joote qo'mi yanema joga'me qadec'alaĝac chiyaqayi joñe'me onolec lec'oĝot ca'li namaĝaquena.

Romanos 11:36

Qa'a ena'uaque gaa'me di'yo't 'me uo'oe mach'e chiyoqodo'ot ñe'me Dios, di'yo't jogaa'me qa'a 'ye't joñe'me, nataq'aen mach'e loqo'te joñe'me. ¡'Noota qom nach'e eta't qo'nonaĝachigui joñe'me Dios! Jaja'a. Nach'e naq'aeta da'me dojo'.

Apocalipsis 3:14

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Laodicea: «Da'me ami jo'ne oñiya'ña di'me Laodicea, ami janema nayi jenjo' 'yaqatac, mach'e jayem jo'ne jayem yataqata eja, jayem choqotaĝanaĝaic 'me yataqatelegue nataq'aen da'me nach'ayem jo'ne jayem chiyoqodayi yemeda gaa'me uo'oe jo'ne ye't joñe'me Dios:

Efesios 2:7

Ee'tec jena'me jenjo' qaedi naa'me naajo' noloqo'ote jayatenaq da'me eja 'uo da'me loqopich'i nataq'aen leyalaqataĝanaĝac jo'ne chiyaqayi ñe'me Lec'oĝot Jesucristo, nach'eñe jo'ne qo'mi nec'alaĝatedegue.

Romanos 6:23

Joda'me lejetenataĝanaĝac ga'me adoec nach'eda neleuaĝa, qalaĝaja da'me lachetaĝanaĝac ñe'me Dios mach'e 'noyaĝac 'me ja 'naidena'a da'me joqotaqa'taguet ñe'me Cristo Jesús mach'e Qadejaliaĝanec.

Hebreos 11:13

Nach'ediaua dia'me jiyaĝa'u yataqata p'iida'a joñe'me Dios chayovida'a da'me yele'u, qalaĝaja ja yacoteguet gaa'me uo'oe jo'ne Dios te'me 'yaĝatema, dite da'me ena'am ta'le yauanalo da'me te'me qaya'alo. Qama'le yataqata made'tapolqa ca'li jodia'me, mate mane'e da'me nechoĝotela'ajalo da'me ena'am ta'le ja 'lachaqa't jena'me aleua joca'li.

Hebreos 7:6

Qalaĝaja ñe'me Melquisedec, mate mane'e ja naqaeñe ta'le chiyoĝoguet ñe'me Leví, nach'eñe jo'ne qoyejeten ca'li yaconeguet ga'me lae da'me nejetenaguec ñe'me Abraham. Nach'e ena'am ñe'me Melquisedec naqaeñe jo'ne yanem da'me Dios lichoĝodenataĝanaĝac ñe'me Abraham jo'ne joote yaconeguet da'me 'naĝataĝac joñe'me Dios.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

1 Corintios 14:16

Qom ja naq'aeta ga'me auauoyi, qom 'uo ga'me nedo'ta't q'aen ñe'me lepaqal yanem da'me lamaic ñe'me Dios, gaa'me jo'ne qaya'te latetonaĝanaĝa'j ja yaqanate't ta'le yadenaĝa't ga'me tamenaĝac, qa'a ja yayate'n gaa'me 'naqataqa jo'ne qoyaconalo.

1 Juan 5:11

Qama'le dojo' da'me Dios 'laqataĝanaĝac: queda'me qo'mi yanema da'me qat'oyaĝac jo'ne yataqatelegue, nataq'aen dojo' qat'oyaĝac chiyaqayi joñe'me Lec'oĝot.

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

2 Corintios 4:15

Ena'uac da'me dojo' 'uo qaedi chiyaqayi da'me liyamaĝac joda'me at'oyaĝaqui, qa'a qom qayoĝode' gaa'me yacoteguet da'me loqopich'i ñe'me Dios nataq'aen da'me lichoĝodenataĝanaĝac ñe'me, qama'le uoja'aegaua qayoĝode' yate'm da'me lamai'j ñe'me qomle nataq'aen yatetoteguet da'me 'lonaĝac ñe'me.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Juan 1:17

Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.

2 Ts 1:10

Nach'ena 'uo jo' qomle male 'niyelaq ñe'me Qadejaliaĝanec Jesucristo, qama'le ga'me Dios lec'oqo'tepi yataqata 'nonaĝachidegue joñe'me, chayovida'a da'me yoqochetem yemeda ga'me p'etaqadaiquipi. Qama'le da'me ami nach'e ena'am ovitaue joga'me Dios lec'oqo'tepi, qa'a auacoñiyeguet ca'li ga'me 'laqatac joñe'me Qadec'alaĝaiqui jo'ne ami ja'aĝatapema.

2 Corintios 4:6

Ca'li Dios ye'et jena'me aleua, enaac: “'Noota qom 'uo da'me laqaselegaĝac ga'me yoqochiñe jo'ne nayi 'uo ga'me 'lalaĝa.” Qama'le ca'li qo'mi yaje'tema da'me jayatenaq da'me onaĝaic 'naqataĝanaĝac, nach'e ena'am yecoyadelegue da'me qadetadenataĝanaĝac, qaedi male jatetonaq da'me 'lonaĝac ñe'me Dios 'me chiyoqotelegue na'me latajoĝoc ñe'me Cristo.

Lucas 2:14

“¡Qo'nonaĝachigui joñe'me Dios jo'ne na'ague di'me p'ajeguem! ¡'Nemaĝac neda'ña jena'me aleua uetouelo joga'me jiyaĝadipi, nach'egaua jo'ne Dios yichoĝode'n!”

Mateo 6:13

Ena'te qo'mi auachalo'te da'me qanapiyenaguec, Dite da'me qo'mi auachiyoĝo'toto joñe'me ja no'en.»