2 Corintios 1:12 - Nuevo Testamento Toba Sombrero Negro12 'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac. Gade chapit laNuevo Testamento Toba Sur12 Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec. Gade chapit laLa'aqtaqa Ñim Lo'onatac 'Enauacna 201312 Qomi' ỹa'añaqche't da saỹaanaq da ỹaỹamaqchiguiñi da qarataxac, qataq ỹataqta qomi' 'eesora nagui da souaqta'aguet 'enauac na shiỹaxauapi, qataq ỹactec naxa da qami' souaqta'agueta. Qaq de'era saishet da so'otaq da seca'ataqtague' da maiche qaraỹaanec, nachaqrata da ltaunaxanaxac Ñim Lo'onatac 'Enauacna, qataq sanaqtac da qana'achecỹaxac souaxat da lta'araic lsoxoyec. Gade chapit la |
Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.
Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.
Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.
Qalaĝaja nach'eñe ñe'me Dios jo'ne jayem yichoĝoden, ya'uo da'me qaedi nayi male jayem lamaĝajec joñe'me Cristo, nataq'aen da'me lichoĝodenataĝanaĝac ñe'me Dios 'uo da'me jalayaĝac, qa'a yataqachiñe t'adaic da'me 'yonataĝanaĝac, ja jena'ama gaa'me namaĝa's laqaya'. Qalaĝaja ja mach'e 'yonataĝanaĝac, dite da'me jayem 'yonataĝanaĝan da'me lichoĝodenataĝanaĝac ñe'me Dios.
Chane'eja, da'me qat'oyaĝac ena'am nale qonetotapec ga'me nolo', qalaĝaja 'noota qom ja qolaqatelegue da'me ja no'en jo'ne ja yiyamaĝaden ñe'me Dios, da'me jo'ne ena'am jaga'me pan jo'ne uetaye ga'me nalequetenaĝanaĝat 'me toijec. Nach'edata da'me qolaqatelegue da'me yataqatelegue choqoda'me eja, da'me jo'ne ena'am jaga'me pan jo'ne nedochiñe qaya'te lale'gue.