1 Ts 5:2 - Nuevo Testamento Toba Sombrero Negro

² Qa'a jena'me jenjo' yataqata joote auayachiñe, ga'me ua'ña da'me yitaĝa 'niyelaq joñe'me Jaliaĝanec, yataqata qaya'te yayaten, ena'am joga'me cachaĝaic qom yeuotac ga'me pi'yaq.

Nuevo Testamento Toba Sur

² Cha'ayi qami' mashi qauaÿajñiita que'eca na'a'q mayi lvidaxaqui so qadataxala'. Camayi huetoigui ca na'a'q da sa qaÿauapque, 'eeta'am ca cachaxaic da quetagui yi pe.

La'aqtaqa Ñim Lo'onatac 'Enauacna 2013

² Cha'aye qami' mashe qauaỹaañita que'eca na'a'q maye lviraxaqui So Qarataxala'. Camaye huetoigui ca na'a'q da sa qaỹauapeque, 'eeta'am ca cachaxaic da quetagui ye pe.

1 Ts 5:2 Referans Kwoze

Apocalipsis 16:15

Joñe'me Qadejaliaĝanec enaac: “Piiya, jayem auec'achiñe, ñanaequena qomle, qama'le ñejetetauo jena'am ga'me cachaĝaic, qama'le matac ga'me jo'ne nach'e eta't da'me nelotaye, qa'a Dios nelochi'ña joga'me nataq'aen da'me netelalo gaa'me louo qaedi ja jale'tague, qaedi ja qoyauana da'me jo'ne mach'e lepocoĝoc.”

2 Pedro 3:10

Qalaĝaja ga'me nolo' qom 'niyelaĝaquena ñe'me Jaliaĝanec, qama'le nejeteteuo ena'am ga'me cachaĝaic. Ua'a qama'le di'me piyem male 'uo da'me 'loĝoyaĝac let'adaic da'me iyiñe, qama'le 'uo ga'me dole jo'ne yaviyaĝa't yema jogaa'me neteda'ague di'me piyem. Yem qama'le jena'me aleua choqogaa'me jo'ne uetedalegue da'me male tadoue da'me laloqotenaĝanaĝac ñe'me Dios.

Apocalipsis 3:3

Anetoviñetac da'me napaĝaguenataĝanaĝac jo'ne joote auacoñiyeguet ca'li: naqaeda oquitalegue qama'le a'niyelaqaeyot ñe'me Dios. Qalaĝaja qom ja aneloyiye qama'le ami jec'atalo qomle, da'me jadenaĝat ga'me cachaĝaic jo'ne ja qoyayaten ga'me laloqo' da'me novi', qama'le paja'a da'me ami je'uaĝa'n qomle.

Mateo 25:13

“Chane'eja 'noota qom a'vicheta't, qa'a ja auayachiñe ga'me nolo' uotaĝa ga'me laloqo' da'me yitaĝa 'ñiyelaq.

1 Corintios 1:8

Nach'eñe ami 'yañaqate't chayovida'a ga'me p'ategue nolo', qaedi qaya'te ja no'en adejamaĝataĝaqui qom yovita ga'me nolo' da'me 'niyelaq joñe'me.

Lucas 21:34

“Achiya'aguet: ena'te ademiya'alo gaa'me namanaĝanaĝaco uotaĝa ta'le ami taĝayaqa uotaĝa ta'le diyachitapiyelo naa'me adai'lidi' queda'me cha'li 'uo da'me at'oyaĝaqui nayi, qaedi ga'me nolo' qomle ja ami 'te yepelaĝa't da'me ami ualo'te

1 Ts 5:4

Qalaĝaja, ami yaqaya'olqa, da'me ami ja ovitaue joga'me 'naltapiye, qama'le ga'me nolo' qom 'niyelaq ñe'me Jaliaĝanec ja ami 'te yepelaĝa't, ja ena'am ga'me cachaĝaic.

2 Ts 2:2

da'me ena'te aueñetapega aĝañiñi jena'me jenjo' auenachitapega. Nataq'aen ena'te at'oiyi qom 'uo ga'me jetaque ami yoqochoqote't, qom eetapega nach'eñe ñe'me Dios Lepaqal yayatenaĝanaĝanec da'me joote yovita ga'me laloqo' da'me novi' ñe'me Jaliaĝanec, uotaĝa ta'le 'uo ga'me 'yaĝatem da'me dojo', uotaĝa yauana ga'me nediijec jo'ne eetapega mach'e qat'onatac.