1 Ts 5:11 - Nuevo Testamento Toba Sombrero Negro

¹¹ Qama'le nayi, a'nañaĝachiyapega't nataq'aen anecochiyapega't, oqui'tague da'me dojo' jo'ne joote auauoyitac nayi.

Nuevo Testamento Toba Sur

¹¹ Ÿoqo'oyi qantauñiÿa't, qataq ñi 'oonolec i'añaqchit ca lÿa. Qaq de'eda mashi qau'ochiitac, nachida qoquiitot.

La'aqtaqa Ñim Lo'onatac 'Enauacna 2013

¹¹ Ỹoqo'oye qantauñiỹa't, qataq ñi 'oonolec ỹa'añaqchet ca lỹa. Qaq de'era mashe qauo'ocheetac, nachera qoquiito'ot.

1 Ts 5:11 Referans Kwoze

Efesios 4:29

Ena'te ja no'en nale ga'me anenaĝachidegue dite joda'me at'aqataqadi' jo'ne chimadichidiñe, qaedi alecochiiyalo jogaa'me domachita nale, qama'le nichiquetaye da'me lepe'e'.

Hebreos 10:25

Ena'te jaĝanajoĝoye da'me qadema'a't, qaedi ja jenaqa'ama gaa'me jo'ne joote yaĝadegue, dite da'me 'noota qom onolqa'tape 'yañaqate't gaa'me laqaya'; yataqata jauoqo da'me dojo' qom jauanaĝa da'me male qo'mi nadi'talo ga'me nolo' da'me 'niyelaq joñe'me Qadejaliaĝanec.

Romanos 15:2

Ena'uaque jiyamaĝataqatac ga'me qadaqaya nataq'aen je'etaĝam ga'me liyamaĝac joga'me, nataq'aen qaedi nichiquetajeguem q'aen da'me lepe'e'.

Hebreos 3:13

Dite da'me yatemaliaĝa uayaloqota't da'me jo'ne 'yaĝate'tape naa'me nedii's, qama'le 'noota qom onolqa'tape da'me 'yañaĝatetac ga'me laqaya yemeda naa'me noloqo'ote, qaedi qaya'te onolec jo'ne qoyen t'añi na'me lauel yajouaĝa't gaa'me mach'e loeco jo'ne ja 'noe'n qama'le yoqovin.

1 Ts 4:18

Chane'eja auojeyapega't nale, nataq'aen auadenaĝachi daajo' 'naqataqa qaedi a'uañaqachichi' gaa'me adaqayadi'.

Romanos 14:19

Chane'eja 'noota qom jelaqaque ga'me jo'ne chiyaqayi da'me 'nemaĝac nataq'aen da'me 'nañaqataĝanaĝac 'me ja qonañaĝanañi'.

1 Corintios 14:12

Ena'am da'me ami, queda'me auediaqaelegue ta'le auacoñiyeguet joga'me yanegue ñe'me Dios Lepaqal 'me ja 'nalegue, yataqachiñe p'ajaye ta'le auepaquitapega da'me jetaque auacoñiyeguet ga'me jo'ne chiyaqayi da'me ñichigaĝatedajeguem joga'me p'etaqadaiquipi.

Efesios 4:12

Ya'uo ca'li da'me dojo' qaedi yema da'me qo'mi jo'ne jouaqaue jena'me Dios lec'oqo'tepi, jo'ne nach'e ena'am ta'le qo'mi Cristo lapat, yataqata chimaqachiñe da'me qat'onataĝanaĝac, qaedi jauoqo 'lañaĝac ga'me qadepi'iyaĝa'u laqaya'.

Judas 1:20

Qalaĝaja ami yaqaya'olqa, nach'e aueñeta't a'nañaĝachiyec da'me jo'ne ja 'nalegue 'me adepi'i, nataq'aen anajeñe'teguet ñe'me Dios Lepaqal da'me ami yauequeteda'ague joda'me anetamenaĝaqui.

Efesios 4:16

Nach'eñe ñe'me Cristo jo'ne qo'mi yapotena't, qama'le qo'mi yodapecache male ena'am ta'le joqotaĝaguet joñe'me, nataq'aen yema ñecochaĝapega't. Chane'eja, qom naq'aeta qama'le ena'am ta'le yataqata ñaqaloĝodaqatajeguem, qama'le 'uo da'me qat'añaĝac jo'ne chiyaqayi da'me qadoqopich'i.

1 Corintios 10:23

Eetojo' nale naa'me at'aqataqadi': “Qoyajeta yema ga'me mach'e jetaque jauoqo.” Eja, qalaĝaja ja yema ta'le qo'mi lecochiyalo. Yataqachiñe eja queda'me yema qoyajeta ga'me jo'ne mach'e jetaque jauoqo, qalaĝaja ja yema ta'le naqaeda chiyaqayi da'me nichiquetedajeguem ga'me p'etaqadaiquipi.

2 Pedro 1:12

Chane'eja nach'e eta't da'me ja jaĝañi da'me ami ñetouenaĝanaĝaneque yema da'me dojo', queda'me joote yataqachiñe auayachiñe nataq'aen da'me nach'e eta't da'me oquitalegue da'me eja jo'ne joote ami qoyapaĝagueneque.

2 Corintios 12:19

Uotaĝa auepíchitapega da'me ami ñachoĝodenaqatapegouelo qaedi qo'mi avichoĝodeñi, qalaĝaja ja naq'aeta. Qo'mi jouaqa'tot ñe'me Cristo, nataq'aen ñe'me Dios mach'e yayaten yema ga'me jo'ne ja'aĝataqatac. Ami qadaqaya'olqa, yema ga'me jo'ne joote je'etaq, ga'me joote jauoqo da'me ami yecochaĝalo, qaedi nichiquetajeguem da'me yataqachiñe auep'iiya'a ñe'me Cristo.

1 Corintios 14:29

Nataq'aen 'noota ta'le dojolqa uotaĝa trejolqa 'yaĝatetedac da'me 'laqatac ñe'me Dios, nataq'aen 'noota qom gaa'me jiyaĝa'u laqaya' naloqote'n gaa'me 'laqataqa qom naqaeñe ñe'me Dios chiyaqayi ga'me nenaĝategue.

Romanos 15:14

Ami yaqaya'olqa, mach'e jayem da'me ena'am ta'le ami jela'alo da'me yataqachiñe nejaqachiguilo da'me adichoĝodenataĝanaĝaqui nataq'aen da'me adayatenaĝanaĝaqui, choqoda'me auayachiñe da'me mach'e ami anapaĝagueñiyapega't.

1 Timoteo 1:4

Nataq'aen ja 'noota ta'le 'yamaqate'n ga'me lepi'ic choqoga'me nejenaĝa'j, uotaĝa lajouaĝa'j jodia'me lapidi ca'li, qa'a naajo' najouaĝaco chiyaqayilo joga'me napetaĝac jo'ne yataqata ja no'en. Qom ja yauo'oe daa'me lamaĝajoĝonaĝaco joñe'me Dios, qama'le ja yaqanate't ta'le maqachaĝa yateto'n da'me onaĝaic lelnataĝac joñe'me.

1 Ts 4:10

Jena'me jenjo' nach'ena joote auauoyitac da'me yataqata adoqopichiyalo jogaa'me adaqayadi' jo'ne neda'ña di'me Macedonia. Qalaĝaja yitaĝa 'uo ga'me qanachoĝodenaĝac, ami qadaqaya'olqa, 'noota ta'le na'me adoqopich'ii yitaĝa aueñi nichiguegue.

1 Corintios 14:5

Mate mane'e jayem chiliajaĝa ena'uaque ami auadenaĝachi' gaa'me 'naqataqa laqaya', qalaĝaja jepaquetapega ta'le a'uaĝachetac da'me 'laqataĝanaĝac ñe'me Dios. Ga'me jo'ne 'yaĝatetac da'me 'laqataĝanaĝac ñe'me Dios, nach'ega p'ajaye; ga'me jo'ne yadenaĝa't naa'me 'naqataqa laqaya' ja p'ajaye, lama'aja qom qaya'te yaqanatet ta'le yechoĝo't ga'me yelo'tegueta naa'me 'naqataqa laqaya' 'me yadenaĝa't qaedi chiyaqayi ta'le p'etaqadaiquipi nichiquetedajeguem.