1 Ts 5:1 - Nuevo Testamento Toba Sombrero Negro

¹ Qama'le jogaa'me noloqo'ote chayovida'a jogaa'me auoĝoyaqa, ami yaqaya', ja auoviñetaque ta'le ami jedaĝanaĝalo jena'me jenjo' jo'ne ami ja'aĝataĝapema.

Nuevo Testamento Toba Sur

¹ Qalaxayi qami' qadqaÿa't sa iuen da sedaxañi ca na'a'q mayi laloxoqui de'eda.

La'aqtaqa Ñim Lo'onatac 'Enauacna 2013

¹ Qalaxaye qami' qarqaỹa't sa iuen da seraxañi ca na'a'q maye laloxoqui de'era.

1 Ts 5:1 Referans Kwoze

Hechos 1:7

Jesús 'yategueta jogaa'me: —Ja naqa'ami da'me ami qoyayatenaĝanaĝaneque ga'me nolo'; nach'eñeta ñe'me Taĝadena' jo'ne yayaten qom laloqo' q'aen qama'le ye'et ga'me mach'e loequenataĝanaĝac.

1 Ts 4:9

Ja auoviñetaque ta'le jediñe ga'me 'yaqatac jo'ne 'yaĝatetac da'me noqopich'i adoqopichiyalo jogaa'me adaqayadi'olqa jo'ne p'iida'a ñe'me Qadet'a, qa'a joñe'me joote ami yapaĝagueneque queda'me 'noota qom anoqopichiyapega't.

Mateo 24:36

“Qalaĝaja ga'me nolo' uotaĝa hora jo'ne laloqo' da'me dojo', qaya'te yayaten; uotaĝa gaa'me Dios lamaĝa's jo'ne neteda'ague di'me piyem nataq'aen da'me jayem yataqata ja jayaten. Nach'eñeta ñe'me Qadet'a yayaten ga'me loiquiaqa'yaĝac.

Mateo 24:3

Yem qama'le yec'adeta di'me qajoĝonaĝa 'me Olivo Lichidijat. Jesús ñiyiñe ca'li yejamache' gaa'me lapaĝaguenataqa qama'le yachimaĝadeta joñe'me: —Jetaque qo'mi a'uaĝatema jach'e ga'me ua'a qom yepacalegue da'me dojo'. ¿Jach'e jogamaĝa at'anec qomle da'me at'iyelaĝajoĝoc nataq'aen da'me loiquiaqa'yaĝac jena'me aleua?

2 Corintios 9:1

Qama'le jaga'me najaqaje' jo'ne jetaque qolecochaĝanegueta jogaa'me qadaqaya'olqa 'me qadepi'iyaĝa'u, eja ja youetaque ta'le ji'iyelaĝalegue ja'aĝatetac da'me ami yitaĝa jedenaqatenalo ga'me yediije.

Judas 1:3

Ami yaqaya'olqa, jayem jalcote da'me yamaic ta'le jediñe joda'me lajoĝoc da'me qat'oyaĝac 'me dalaĝaic jo'ne joote ena'uaque qo'mi uetauelo. Qalaĝaja nayi male jela'a da'me qoyouetaque da'me ami jamaĝalo da'me dojo' qaedi ami ñachoĝodenouelo da'me aueloquiaĝanaĝañi da'me adepi'i, da'me jo'ne qoye'uauaĝanouelo joca'li ga'me lec'oqo'tepi joñe'me Dios.

1 Ts 4:18

Chane'eja auojeyapega't nale, nataq'aen auadenaĝachi daajo' 'naqataqa qaedi a'uañaqachichi' gaa'me adaqayadi'.