1 Ts 4:6 - Nuevo Testamento Toba Sombrero Negro

⁶ Ena'te ta'le 'uo joga'me ch'e eetapega yoqovin joga'me laqaya uotaĝa ta'le ee'tec ga'me ja no'en, qa'a joñe'me Qadet'a yataqata ja 'yamaqaten da'me dojo', qama'le ya'uo jo' qomle joga'me laviyaĝajet. Qalaĝaja yema jena'me jenjo' joote ami ja'aĝataĝama ca'li.

Nuevo Testamento Toba Sur

⁶ Sa ishit da huo'o ca napacapeguelec qataq ÿatenachit ca lqaÿa, cha'ayi so qadataxala' Jesús ÿataqta sa naloqnañi da nhuaxanaguec 'enauac na i'ottac de'eda. Qaq damayi sogote da qami' sovitaxanaqtegalo.

La'aqtaqa Ñim Lo'onatac 'Enauacna 2013

⁶ Saishet da huo'o ca ỹatenachet ca lqaỹa maiche la'amqaanataxanaxaua, qataq saishet da qopiilec camaye. Mashe sogote da qami' sevitaqteetagalo da So Qarataxala' Jesús ỹauo'o ca lta'araic nhuaxanaguec ca nache 'eetec de'era.

1 Ts 4:6 Referans Kwoze

Hebreos 13:4

Nach'e ena'am da'me ademiya'a da'me aviyamaĝachetac da'me adouayaĝaqui, nataq'aen jogaa'me nooua' youen da'me nach'e eta't da'me niyamaĝatela'ajalo da'me mach'e 'lonáĝa'j, qa'a ñe'me Dios ya'uo qomle ga'me ne'uaĝanague'j jogaa'me quejeguetaĝayaqa choqogaa'me jo'ne leua'u gaa'me ja loua'.

Romanos 12:19

Ami yaqaya'olqa, ena'te mach'e ami a'vichi da'me 'uo ga'me adividi, dite da'me auomachiya'a da'me naqaeñe ñe'me Dios ya'uo da'me ne'uaĝanaguec; qa'a naa'me nedii's eet'oi: “Naqayem yoĝot da'me ja'uo adividi; naqayem jejeten, naqaeda enaac ñe'me Jaliaĝanec.”

Romanos 1:18

Qa'a ñe'me Dios yaloĝon da'me lalemataic 'me chiyoĝogue di'me piyem ya'uo ne'uaĝanaguec yema ga'me jiyaĝadipi 'me ja 'noe'n gaa'me 'lonataqa nataq'aen gaa'me ja chimadichidiñe, qa'a queda'me ja chimadichiñe qama'le ena'am ta'le yecoñedetedac da'me yataqatelegue.

Santiago 5:4

Da'me jo'ne te'me nejetenataĝanaĝac jo'ne ja auañema jogaa'me jiyaĝa'u jo'ne onataĝanaĝayaqa da'me 'yetedac ga'me jo'ne mach'e adoqochidi' jo'ne nejalayaĝac ga'me adanequi, nach'eda jo'ne ami yepoleguelo'te nayi queda'me male ami nautenalo jogaa'me onataĝanaĝayaqa. Chane'eja joñe'me Jaliaĝanec jo'ne yaguegue da'me lañoqotaĝanaĝac, joote domachiya da'me lachitatai'j jogaa'me onataĝanaĝayaqa.

Santiago 2:6

Qalaĝaja da'me ami qamqa'me, ja adoqopichiyalo jogaa'me jo'ne choĝodache. ¿Qo'li ja nach'egaua gaa'me neuoyaĝadi jo'ne ja ami 'te 'yamaqate'n, gaa'me jo'ne ami dachinataĝalo'te qama'le ami yauecoto gaa'me nejaliaĝanaqa?

Gálatas 5:21

Yataqachiñe p'aguenataĝanaĝayaqa jogaa'me, chayovida'a yala't gaa'me laqaya'; yacota ga'me lataĝa qama'le taĝayaqa, nale yovita ga'me nolo' da'me yauote ga'me netonaĝa'j qama'le yacota ga'me laláĝa'j na'le deualaĝai'tape, nataq'aen qayoĝode' gaa'me ja 'noe'n yauo'oe. Ami jaqatalo, naq'aeta ga'me joote ami janema ca'li, da'me gaa'me jo'ne naq'aeta ga'me yauote qama'le ja yaqanate't ta'le tadoue da'me lejaliaĝa ñe'me Dios.

Romanos 13:4

Qa'a naa'me naajo' nataq'aen da'me t'onataĝatedape'uo joñe'me Dios, nataq'aen male yaqanatet da'me ami lecochiyalo, qalaĝaja qom ja no'en joga'me auauoyi, qama'le eja at'oiya'aguet qa'a na'me ledaĝanaĝat ja ch'e lequi'i, nataq'aen naajo' t'onataĝatedape'uo joñe'me Dios, qama'le yaqanate't da'me yauote da'me ne'uaĝanague'j jogaa'me chiyoĝo's.

Lucas 12:5

Male ami ja'aĝatema ñe'me jo'ne nach'eñe 'noota ta'le at'oiyapega: at'oiyapega ñe'me jo'ne yaqanatet ta'le yapalaĝat da'me at'oyaĝaqui qama'le ua'edi yaqanatet ta'le ami yamaĝauelo ga'me ne'uaĝanaqa' ga'me loeco lo'olpi jo'ne payac 'lachaqa'. Naq'aeta, 'noota qom nach'eñe at'oiyapega joñe'me Dios.

2 Ts 1:8

Qama'le 'uo qomle ga'me 'yeteque jogaa'me jo'ne ja yoqochideta ñe'me Qadet'a choqogaa'me jo'ne ja yacoteguet da'me 'naqataĝanaĝac 'me 'yaĝatetac ñe'me Qadejaliaĝanec Jesucristo.

Efesios 5:6

Ena'te anejeñeta ta'le ami qoyoqovi'n da'me qom ami qoyanema gaa'me 'naqataqa jo'ne ja ejoda, qa'a chiyaqayilo naa'me naajo' noqovinaĝaco, joñe'me Dios dalemata'yalo jo' qomle gaa'me ja yoqochideta.

Efesios 4:17

Da'me jayem lamaĝajec ñe'me Qadejaliaĝanec, qama'le nayi jenjo' ami ja'aĝatema: ami jachitatatapegalo ta'le ja auadenaĝachi gaa'me jo'ne ja p'iida'a joñe'me Dios, jo'ne que'teguelo gaa'me ch'e lelnataĝaco jo'ne ja 'noe'n.

Marcos 10:19

Joote auayaten yema daa'me Dios lamaĝajoĝonaĝaco: “Ena'te aualataĝan, ena'te adeuaua jaga'me ja yataqachiñe adoua, ena'te auecachi, ena'te anenaĝategue ga'me jo'ne 'naĝat gamachaqaega adaqaya, ena'te auoqovinaĝan; aviyamaĝatetac ñe'me adet'a chaqañe'me adat'e.”

Efesios 4:28

Joga'me jo'ne cachaĝaic ca'li, 'noota qom yaĝañi da'me lecachaĝac. Nach'edata da'me t'onataĝan nayi qaedi 'uo ga'me chiyaqayi, qama'le yaqanatet da'me lecochiyalo gaa'me louenaĝanaĝaco.

Lucas 16:28

jo'ne ueteda'a gaa'me cinco yanoqolqa, da'me uaqatalo gaa'me qaedi ja nach'e ena'ama nec'adeta jenjo' joue'ta jo'ne nachoĝodaqa'.»

2 Corintios 7:11

¡Yataqachiñe 'noota da'me Dios e'n ami totelo'te q'ae'n! Cha'li auec'achiñe ga'me chiyaqayi, naq'aeta da'me auaqanachichi da'me auayachiñe queda'me qaya'te yejamaĝataĝac, chayovida'a jayem aue'uoyilegue. Nach'e ena'am aualemataitac, nataq'aen at'oyiyapega ga'me jo'ne ami ualo'te ta'le 'uo da'me lamaic ta'le jayem auañiya, nataq'aen auauoyi ne'uaĝanaguec ga'me jo'ne ya'uo da'me ja no'en, yema da'me dojo' ami aualoĝoñi queda'me ja aualiquichiñe ga'me 'uo.

1 Ts 2:11

Nataq'aen auayachiñe da'me yataqata ami jañaĝadijeguem, chayovida'a da'me yataqata ami jichoĝodenaq, onolqa'tape da'me ami, ena'am ga'me net'a nale ee'teque gaa'me c'oqo'te.

Hebreos 2:6

Dite da'me joote 'uo ga'me jo'ne dojapegue' joñe'me Dios da'me 'yaĝatetac da'me dojo', enaac: “¿Jach'e jogamaĝa eeta ga'me jiyaĝaua? ¿Toqoch'e auenate'ta nataq'aen da'me adetela joñe'me?