1 Ts 4:4 - Nuevo Testamento Toba Sombrero Negro

⁴ 'Noota ta'le yataqata auayachiñe naa'me anejiyaĝauayaĝaco, yataqata mach'e auelo'tegue ga'me auen ta'ya, 'noota ta'le aueñi yataqata ami uategayaqa, chayovida'a da'me yataqata ja ami 'te 'nalo'te.

Nuevo Testamento Toba Sur

⁴ Ca 'oonolec shiÿaxaua iuen da ÿaÿateeta da ÿauo'o aca ÿataqta lhua, qataq ntel-la't, nataq'en ÿauotec aca lhua.

La'aqtaqa Ñim Lo'onatac 'Enauacna 2013

⁴ Qaq ñi 'oonolec da qoñiita iuen da ỹaỹateeta da ỹauo'o aca ỹataqta lhua, qataq huo'o naq 'enec naqa'en acamaye.

1 Ts 4:4 Referans Kwoze

1 Corintios 7:9

Qalaĝaja, qom ja adaloyeguet da'me anejiyaĝauayaĝaqui lamaic, qama'le 'noota da'me yitaĝa a'uoñi, qa'a ja 'noota qom ovitapeguet da'me at'onáĝaqui lamaic.

Romanos 12:1

Chane'eja, ami yaqaya'olqa, yajouaĝat da'me lichoĝodenataĝanaĝac ñe'me Dios, ami ñachoĝodenouelo da'me 'noota qom mach'e ami auec'achiya joñe'me Dios ena'am ta'le najaqajec jo'ne nec'aletaye, ja 'nalegue jo'ne jama ga'me laetayaĝac 'me qoyanem ñe'me Dios. Naqaena jena'me 'nemaĝac 'me yataqatelegue auañem joñe'me.

1 Pedro 3:7

Qama'le naq'aeta da'me ami le'mi jo'ne joote a'uoñi, 'noota qom auayachiñe da'me aueloyeguet joda'me adouayaĝaqui, qama'le auañema da'me netelaĝac jo'ne mach'e loĝot, yajouaĝat da'me ja ena'am da'me 'lañaĝa'j jogaa'me yauo'. Nataq'aen 'noota qom qo'nonaĝachidegue gaa'me yauo', qa'a nach'e ena'ama da'me qoyiyaĝanalo qaedi ne'uaĝada'uo da'me nec'alaĝa jo'ne chiyaqayi da'me lichoĝodenataĝanaĝac ñe'me Dios. 'Noota qom naq'aeta da'me aueñe'teque qaedi qaya'te 'uo ga'me nauanegueta jogaa'me jo'ne mach'e anetamenaĝacodi'.

Hebreos 13:4

Nach'e ena'am da'me ademiya'a da'me aviyamaĝachetac da'me adouayaĝaqui, nataq'aen jogaa'me nooua' youen da'me nach'e eta't da'me niyamaĝatela'ajalo da'me mach'e 'lonáĝa'j, qa'a ñe'me Dios ya'uo qomle ga'me ne'uaĝanague'j jogaa'me quejeguetaĝayaqa choqogaa'me jo'ne leua'u gaa'me ja loua'.

1 Corintios 6:15

¿Qo'li ja auayachiñe queda'me lapachidiaĝac onolqa'tape da'me ami ena'am ta'le yoqoteta'uo da'me lapachidiaĝac ñe'me Cristo? Chane'eja ja 'noota ta'le jacona ga'me lapat lae ñe'me Cristo qaedi japeteneguet da'me lapachidiaĝac jaga'me quejeguetaĝai. ¡Ja jaqanatetaq ta'le je'etaĝam da'me dojo'!

1 Corintios 7:2

Qalaĝaja, queda'me 'uo da'me nequejeguetaĝa, qama'le 'noota ta'le onolqa'tape uo'oe naa'me loua', nataq'aen onole'tape yauo uo'oe gaa'me mach'e loua'.

Filipenses 4:8

Ami yaqaya'olqa, jeetapega naq'aeta jenjo' 'yaqatac nayi. 'Noota qom analoqochiñe nale jena'me jenjo' 'noota ladic, chayovida'a da'me jo'ne yataqata qo'nonaĝachigui. Qama'le nach'e eta't auenache'ta da'me eja nataq'aen da'me chimaqachiñe, da'me yataqatelegue nataq'aen da'me ja 'nalegue, da'me onaĝaic nataq'aen da'me qoyiyamaĝaden.

Romanos 6:19

(Ena'am ga'me ch'e jiyaĝaua lelnataĝac da'me dojo' 'yaqataĝanaĝac, qa'a ami qaya'te at'añaĝaqui, qama'le ja auaqanachichi ta'le auayachiñe naa'me naajo' uo'oe.) Naq'aeta dojo', ca'li animiñiyoue na'me adapa'chidi' da'me a'vichi ga'me paĝachigui nataq'aen ga'me ja no'en, qama'le nach'e ena'am nayi auemiñiyoue naa'me adapa'chidi' da'me a'vichi ga'me chimaqachiñe qaedi ami ue'tajopa da'me 'noyaĝac jo'ne yoqovita, da'me ja ami 'te 'nalo'te.

Romanos 1:24

Qo'che' ñe'me Dios yaje'tema ta'le tadoue da'me lelnataĝaco jo'ne paĝachiguilo 'me uetauelo naa'me lai'li jogaa'me, qama'le onolqa'tape da'me yeda'ape na'me lo'oc qama'le naqaeda chiyaqayi da'me lepocoĝoc.

Hechos 9:15

Qalaĝaja ñe'me Jaliaĝanec enaac: “Oc, qa'a nach'eñe ja'atelegue ñe'me jiyaĝaua qaedi jayem 'yaĝate'tapema ena'uaque ga'me jiyaĝadipi jo'ne uetedalegue jena'me aleua, choqoga'me lejaliaĝanaqa nataq'aen nach'e ena'ama ga'me israelpi.

2 Corintios 4:7

Ca'li Dios qo'mi yanema da'me onaĝaic 'naqataĝanaĝac, nach'eda neuoyaĝac onaĝaic jo'ne uetaue da'me qat'oyaĝac, jenaqa'am jaga'me taĝaiqui 'me ch'e aleua, qaedi yaloĝon da'me dojo' nañoqotaĝanaĝac jo'ne chiyaqayi ñe'me Dios, qama'le ja naqaqo'mi ta'le mach'e chiyaqayilo queda'me ja qo'mi 'te t'añi'y.