1 Ts 4:3 - Nuevo Testamento Toba Sombrero Negro

³ Ga'me yataqata 'yamaqaten joñe'me Dios, 'noota ta'le ga'me at'oyaĝaqui yataqata aueñi 'noota, chayovida'a da'me ja 'nalegue, nataq'aen ena'te 'uo joga'me leuaua jaga'me ja loua.

Nuevo Testamento Toba Sur

³ Cha'ayi da 'eetapeguec ñi Dios, nshitaique da nachaqñita ñimayi qanañañiÿot. Sa ishit da huo'o ca lauatapiguiñi' aca sa lhua da qoñiita.

La'aqtaqa Ñim Lo'onatac 'Enauacna 2013

³ Qaq da 'eetapeguec Ñim Lo'onatac 'Enauacna, nshetaique da ỹataqta qami' qui'itte'. Qaq ỹoqo'oye saishet qome da huo'o ca lauatapiguiñi' aca sa lhua da qoñiita.

1 Ts 4:3 Referans Kwoze

1 Pedro 4:2

qaedi male ja que'teguelo naa'me ch'e lamaico da'me nejiyaĝauayaĝac. Nach'edata da'me male yauotac da'me jo'ne chiyaqayi da'me loequenataĝanaĝac joñe'me Dios, nayi yemeda naa'me noloqo'ote.

1 Ts 5:23

'Noota qom Dios male naqaeñe jo'ne chiyoqo'ot da'me 'nemaĝac, male yataqata ami 'yeteque da'me male jalcote da'me ja ami 'te 'nalo'te, nataq'aen yataqata netela yema da'me at'oyaĝaqui, uotaĝa na'me adepaqali jo'ne ami uetauelo, nataq'aen netela na'me adai'lidi', choqona'me adapa'chidi', qaedi male yataqata qaya'te ami netayelo jo'ne ja no'en, chayovida'a qom male 'niyelaq joñe'me Qadejaliaĝanec mach'e Jesucristo.

Romanos 12:2

Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.

Hebreos 13:4

Nach'e ena'am da'me ademiya'a da'me aviyamaĝachetac da'me adouayaĝaqui, nataq'aen jogaa'me nooua' youen da'me nach'e eta't da'me niyamaĝatela'ajalo da'me mach'e 'lonáĝa'j, qa'a ñe'me Dios ya'uo qomle ga'me ne'uaĝanague'j jogaa'me quejeguetaĝayaqa choqogaa'me jo'ne leua'u gaa'me ja loua'.

Efesios 5:17

Chane'eja ena'te ami chiyoĝo's, dite da'me yataqata anachoĝodeñiyot joñe'me Dios, qaedi ami yaloĝonalo joga'me 'noota ta'le a'vichiye.

Colosenses 3:5

Chane'eja 'noota qom aueñe'tem ta'le yeleu da'me anejiyaĝauayaĝaqui 'me toijec; 'noota qom qaya'te taue da'me lequejeguetaĝa, uotaĝa ta'le ye't ga'me paĝachiguilo, uotaĝa ta'le quetapegue'to gaa'me jo'ne yachoĝode'n nale nataq'aen ga'me ja 'noe'n lamaico, uotaĝa ta'le jetaque yauec da'me lamaic joda'me neuoyaĝac, qa'a dojo' ena'am da'me qonetameno't ga'me nequi'i.

1 Ts 4:4

'Noota ta'le yataqata auayachiñe naa'me anejiyaĝauayaĝaco, yataqata mach'e auelo'tegue ga'me auen ta'ya, 'noota ta'le aueñi yataqata ami uategayaqa, chayovida'a da'me yataqata ja ami 'te 'nalo'te.

Gálatas 5:19

Qaya'te laqalaic nale qoyec'ate'n gaa'me quetapegue'to daa'me lapa'che lamaico; ja yataĝalegue da'me 'lonáĝac, 'uo ga'me lequejeguetaĝa, nataq'aen yauapiye gaa'me paĝachiguilo ja 'noe'n namanaĝanaĝaco.

1 Juan 2:17

Qalaĝaja pa'l qom'te gaa'me jiyaĝadipi jo'ne ja 'noe'n, nataq'aen gaa'me lamaico jogaa'me; qalaĝaja gaa'me jo'ne yauo'oe daa'me jo'ne yepaquetapegalo joñe'me Dios, qama'le yataqachiñe 'uo da'me lec'alaĝa jo'ne ja pal.

Mateo 7:21

“Ga'me jiyaĝadipi jayem yiyaĝatedapega nale, enapega't: «¡Jaliaĝanec!», qalaĝaja ja yema'a't da'me tadoue joda'me lejaliaĝa ñe'me Taĝadena' 'me ne'tague di'me piyem. Gaa'me jo'ne yauote da'me loequenataĝanaĝac joñe'me, nach'egauate' gaa'me jo'ne yaqanate't ta'le tadoue.

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

2 Ts 2:13

Qalaĝaja da'me qo'mi nach'e eta't janemaĝam da'me qadamaic joñe'me Dios jouaĝat da'me ami. Dios yataqata ami noqopitalo nataq'aen nach'eñe da'me ami yiyaĝanalo ca'li, qaedi ja oviyaue joga'me nachoĝodec jo'ne na'ta. Ami yiyaĝanalo ca'li en ami nayelo joñe'me Nepaqal, qaedi male ami qoye'n lalemaĝaje'te joñe'me, nataq'aen da'me auacoñiyeguet da'me 'naqatac jo'ne 'yaĝatetac da'me yataqatelegue.

Hebreos 10:36

Qa'a maliaĝa auoviñetaque da'me a'nañaĝachiyeguet da'me adachoĝodequi, qaedi auomachi da'me auauoyi da'me laqataĝac joñe'me Dios, qama'le auacoñiyeguet qomle da'me jo'ne joote ami qo'yaĝatema.

Efesios 6:6

Qama'le nach'ena jena'me jenjo' nach'e eta't auauoyi, ja nach'edata da'me auauoyi nale ami yec'ate'tape jogaa'me adejaliaĝanaqadi'. Da'me ami nach'e ena'am ami lalemaĝaje'te joñe'me Cristo, qama'le 'noota qom yataqata a'nañaĝachi da'me auauoyi ga'me loequenataĝanaĝac joñe'me Dios.

1 Corintios 7:2

Qalaĝaja, queda'me 'uo da'me nequejeguetaĝa, qama'le 'noota ta'le onolqa'tape uo'oe naa'me loua', nataq'aen onole'tape yauo uo'oe gaa'me mach'e loua'.

Hechos 15:29

ena'te yitaĝa aualiqui ga'me lapat ga'me jiyac jo'ne qoyanegue nataq'aen qoyigoue da'me qoyanot ga'me qop'iyapegalo, 'noota qom ena'te aualiqui ga'me jiyac jo'ne ch'e qoyechiyoqot, ena'te aualiqui jaga'me tauo' nataq'aen achiya'agueta gaa'me 'nonáĝaco jo'ne ja qoyajete'. Qom nataq'aeta aviyamaĝachi' naa'me naajo', nach'eda chimaqachiñe ga'me at'onataqui. Qadet'a ami ue'tajopa.”

1 Ts 5:18

Auañem adamaiqui joñe'me Dios, qa'a nach'ena jena'me jenjo' yataqata paquetapega da'me ami, jouaĝat da'me ami p'etaqadayaqa, yataqata auep'iiya'a joñe'me Cristo Jesús.

Marcos 3:35

Qa'a gamachaqaega ga'me jo'ne yauo'oe daa'me jo'ne loequenataĝanaĝaco 'me yepaquetapegalo joñe'me Dios, naqaega yaqayole, nataq'aen yaqayolec, nataq'aen mach'e yat'e.

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

Hebreos 13:21

Joñe'me Dios en ami yataqatelo'te q'ae'n, qaedi oqui'tegue da'me jo'ne mach'e lelnataĝac joñe'me, qama'le qo'mi ee'teque da'me jo'ne mach'e 'lamaqatenataĝanaĝac, da'me jo'ne chiyaqayi joñe'me Jesucristo, qaedi nach'eñe joñe'me jo'ne 'uo da'me 'lonaĝa jo'ne ja yitaĝa ta'le pal. Jaja'a, nach'e naq'aeta da'me dojo'.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Colosenses 1:9

Qo'che' da'me qo'mi, chiyoqotelegue jo'me nolo' ca'li ami janoma'alo, ja jaĝanaĝañi da'me ami jajelaĝanaĝalo'te nataq'aen jajelaĝanaqatapecot joñe'me Dios qaedi yataqachiñe ami yayatenaĝanaĝaneque da'me loequenataĝanaĝac, choqogaa'me yodapecache nayatenaĝanaĝaco nataq'aen gaa'me netadenataĝanaĝaco 'me ami yanema joñe'me Lepaqal.

2 Corintios 12:21

Nach'e ena'am jo'oyapega nale jenate'ta, qom ami jejapichiyalo, ñe'me Ñedios janomeguet q'aen da'me yepocoĝo jouaĝat ami jo'ne chayovida'a ñoyen, qa'a jouaĝat gaa'me qayoĝode' ami jo'ne ja yaĝadiñi gaa'me loeco jo'ne 'ye'tape nataq'aen da'me yauote ga'me ja no'en choqoda'me quetedalegue da'me nequejeguetaĝa nataq'aen gaa'me namanaĝanaĝaco 'me napaĝaguenalo.

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Juan 4:34

Qama'le Jesús enaac: —Da'me jo'ne janoq, ja'uo da'me jo'ne lelnataĝac ñe'me jo'ne jayem namaĝaquena, da'me jomat da'me 'lonatac jo'ne jayem yamaĝalegue.

Mateo 15:19

Qa'a gaa'me chiyoqodaue na'me lauel ga'me jiyaĝaua nach'egaua jo'ne chiyoĝogueta naa'me lelnataĝaco 'me ja 'noe'n, da'me nalataĝanaĝac, da'me leuaua jaga'me ja yataqachiñe loua, da'me nequejeguetaĝa, da'me noqovinaĝanaĝac choqoda'me nejenaĝanaĝac.

Mateo 12:50

Qa'a gamachaqaega jo'ne yoqo'cha da'me yepaquetapega ñe'me Taĝadena' 'me na'ague di'me piyem, naqaega yanoqolec, ya'nole, nataq'aen yat'e.

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

Romanos 6:22

Qalaĝaja nayi, auachiyoqoitelo'te naa'me adoecodi' da'me ami uojotedañi, male a'uoĝoñiuo'o da'me a'uonataĝañiuo'o ñe'me Dios. Dojo' qamqa'me eja 'uo ga'me anaviquila't, qa'a da'me chiyaqayi nach'eda 'noyaĝac 'me ja 'naidena'a.

Hechos 20:32

“Nayi, ami yaqaya'olqa, ami jepotanouelo da'me letelaĝac ñe'me Dios qaedi auacoñiyeguet da'me 'laqataĝanaĝac jo'ne 'yaĝatetac da'me mach'e lichoĝodenataĝanaĝac. 'Uo da'me lañoqotaĝanaĝac ñe'me qaedi en nichiquetajeguem da'me adepi'i nataq'aen ami yanema yema ga'me jo'ne joote 'yaĝatema gaa'me ja 'nalo'te 'me c'oqo'tepi.

Hechos 15:20

Jaldata da'me jedenaqatenaĝalo jaga'me qadediije qaedi queda'e yema ga'me jo'ne t'aĝanataĝa'n nale jouaĝat ga'me qop'iyapegalo, 'noota ta'le t'oida'aguet ga'me nonáĝaco jo'ne ja qoyajeta nataq'aen 'noota ta'le ja yali'j ga'me lapat ga'me jiyac jo'ne ouaĝaic uotaĝa jaga'me tauo'.

Juan 7:17

Gamachaqaega ga'me jo'ne jetaque ye'et da'me jo'ne loequenataĝanaĝac ñe'me Dios, yayaten da'me yapaĝaguenataĝanaĝac ta'le chiyoqo'ot ñe'me Dios, uotaĝa ta'le ch'e yelnataĝac.

Hebreos 12:16

Ena'te ami quejeguetaĝayaqa, chayovida'a da'me ena'te a'uotañi ga'me jo'ne chiyoqo'ot joñe'me Dios, qa'a naq'aeta da'me ya'uo ca'li ñe'me Esaú, da'me yemen jo'me te'me qoyen mach'e loĝot queda'me nach'eñe ñe'me nec'oĝot jo'ne nipiloĝot, ca'li en tayí da'me ya'uo onolec niqui'yaĝac.

Romanos 1:29

Yataqachiñe nejaqachiguilo da'me 'letaĝaloĝo'j jogaa'me, da'me nequejeguetaĝa, nemite'tae jana'me laicaua, nataq'aen da'me ja no'enpi. P'aguenataĝanaĝayaqa, lataĝanaĝayaqa, loequiaĝaiquipi, qovinaĝanaĝaiquipi, denataĝanaĝaiquipi.

Apocalipsis 22:15

Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.

Mateo 5:32

Qalaĝaja ami ja'aĝatema joga'me jo'ne yeguem jaga'me loua, qom ja naqaeda ta'le yajouaĝat da'me lequejeguetaĝa'j jogaa'me, qama'le en quejeguetaĝai jaga'me, nataq'aen ga'me jiyaĝaua laqaya jo'ne 'uoneguet jaga'me qoyeguem nach'e ena'am taue da'me lequejeguetaĝa.

1 Ts 4:2

Qa'a ami joote auayachiñe' jodaa'me napaĝaguenataĝanaĝaco jo'ne ami janemaĝama ca'li, da'me qo'mi jo'ne jaconaĝaguet da'me lañoqotaĝanaĝac joñe'me Qadejaliaĝanec Jesús.